ਮਿਰਜ਼ਾਪੁਰ ਦਾ ਨਾਮ ਹੋਵੇਗਾ ਹੁਣ ‘ਵਿੰਧਿਆਂਚਲ ਧਾਮ’

by Jasbeer Singh
December 3, 2025

ਮਿਰਜ਼ਾਪੁਰ ਦਾ ਨਾਮ ਹੋਵੇਗਾ ਹੁਣ ‘ਵਿੰਧਿਆਂਚਲ ਧਾਮ’ ਮਿਰਜ਼ਾਪੁਰ, 3 ਦਸੰਬਰ 2025 : ਇਲਾਹਾਬਾਦ (ਪ੍ਰਯਾਗਰਾਜ) ਅਤੇ ਫੈਜ਼ਾਬਾਦ (ਅਯੁੱਧਿਆ ਧਾਮ) ਤੋਂ ਬਾਅਦ ਹੁਣ ਉੱਤਰ ਪ੍ਰਦੇਸ਼ ਵਿਚ ਮਿਰਜ਼ਾਪੁਰ ਜਿ਼ਲੇ ਦਾ ਨਾਂ ਬਦਲਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਮਿਰਜ਼ਾਪੁਰ ਨੂੰ ਵਿੰਧਯ ਖੇਤਰ ਦੀ ਅਧਿਸ਼ਠਾਤਰੀ ਦੇਵੀ ਮਾਂ ਵਿਧਿਆਂਵਾਸਿਨੀ ਦੇ ਪ੍ਰਸਿੱਧ ਸ਼ਕਤੀਪੀਠ ਦੇ ਨਾਂ `ਤੇ `ਵਿਧਿਆਂਚਲ ਧਾਮ` ਕੀਤਾ ਜਾਏਗਾ। ਇਹ ਪ੍ਰਸਤਾਵ ਨੂੰ ਜਿ਼ਲਾ ਇੰਚਾਰਜ ਮੰਤਰੀ ਨੰਦ ਗੋਪਾਲ `ਨੰਦੀ` ਦੀ ਪ੍ਰਧਾਨਗੀ ਹੇਠ ਹੋਈ ਜਨਤਕ ਪ੍ਰਤੀਨਿਧੀਆਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦੀ ਮੀਟਿੰਗ ਵਿਚ ਪਾਸ ਕੀਤਾ ਗਿਆ। ਇਸਨੂੰ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੇ ਸਾਹਮਣੇ ਪੇਸ਼ ਕੀਤਾ ਜਾਵੇਗਾ । ਰੇਲਵੇ ਸਟੇਸ਼ਨ ਦਾ ਨਾਮ ਤਾਂ ਪਹਿਲਾਂ ਹੀ ਵਿਧਿਆਂਚਾਲ ਧਾਮ ਕਰਨ ਦੀ ਮਿਲ ਚੁੱਕੀ ਹੈ ਪ੍ਰਵਾਨਗੀ ਰੇਲਵੇ ਸਟੇਸ਼ਨ ਦਾ ਨਾਂ ਪਹਿਲਾਂ ਹੀ ਵਿਧਿਆਂਚਲ ਧਾਮ ਕਰਨ ਦੀ ਪ੍ਰਵਾਨਗੀ ਮਿਲ ਚੁੱਕੀ ਹੈ। ਮਿਰਜ਼ਾਪੁਰ ਦਾ ਨਾਂ ਪਹਿਲਾਂ ਮੁਗਲ ਸ਼ਾਸਕ ਮੀਰ ਜਾਫਰ ਦੇ ਨਾਂ `ਤੇ ਰੱਖਿਆ ਗਿਆ ਸੀ । ਸਥਾਨਕ ਲੋਕ ਇਸਨੂੰ `ਮਿਰਜ਼ਾਪੁਰ` ਜਾਂ `ਲਕਸ਼ਮੀਪੁਰ` ਦੇ ਨਾਂ ਨਾਲ ਜਾਣਦੇ ਹਨ । ਦੂਜੇ ਪਾਸੇ, ਸਤਨਾਮੀ ਅਖਾੜੇ ਵੱਲੋਂ ਚਲਾਏ ਜਾ ਰਹੇ ਬੁੱਢੇਨਾਥ ਮੰਦਰ ਦੇ ਮਹੰਤ ਯੋਗਾਨੰਦ ਗਿਰੀ ਨੇ ਜ਼ਿਲੇ ਦਾ ਨਾਂ ਧਾਰਮਿਕ ਸੰਦਰਭਾਂ ਮੁਤਾਬਕ `ਗਿਰਜਾਪੁਰ` ਰੱਖਣ ਦੀ ਮੰਗ ਕੀਤੀ ਸੀ।