ਚੀਨੀ ਡੋਰ ਦੀ ਲਪੇਟ ਵਿਚ ਆਉਣ ਕਾਰਨ ਮਾਂ-ਪੁੱਤ ਦੋਵੇਂ ਜ਼ਖ਼ਮੀ

by Jasbeer Singh
February 11, 2026

ਚੀਨੀ ਡੋਰ ਦੀ ਲਪੇਟ ਵਿਚ ਆਉਣ ਕਾਰਨ ਮਾਂ-ਪੁੱਤ ਦੋਵੇਂ ਜ਼ਖ਼ਮੀ ਕਰਨਾਲ, 11 ਫਰਵਰੀ 2026 : ਕਰਨਾਲ ਵਿਖੇ ਅੱਜ ਸਕੂਟਰ ਤੇ ਸਵਾਰ ਮਾਂ ਤੇ ਪੁੱਤ ਵੀ ਚੀਨੀ ਡੋਰ ਦੀ ਲਪੇਟ ਵਿਚ ਆਉਣ ਨਾਲ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਏ ਹਨ ਦਾ ਸਮਾਚਾਰ ਮਿਲਿਆ ਹੈ। ਦੱਸਣਯੋਗ ਹੈ ਕਿ ਚੀਨੀ ਡੋਰ ਕਾਰਨ ਹਾਦਸੇ ਵਾਪਰਦੇ ਹੀ ਜਾ ਰਹੇ ਹਨ ਜਦੋਂ ਕਿ ਇਸ ਡੋਰ ਦੀ ਵਰਤੋਂ ਤੇ ਪੂਰੀ ਪਾਬੰਦੀ ਹੈ। ਕੌਣ ਹਨ ਇਹ ਮਾਂ ਪੁੱਤ ਜੋ ਆ ਗਏ ਡੋਰ ਦੀ ਲਪੇਟ ਵਿਚ ਸਰਕਾਰੀ ਪਾਬੰਦੀ ਦੇ ਬਾਵਜੂਦ ਵੀ ਪਤੰਗ ਉਡਾਉਣ ਲਈ ਵਰਤੋਂ ਵਿਚ ਲਿਆਂਦੀ ਜਾ ਰਹੀ ਚੀਨੀ ਡੋਰ ਕਾਰਨ ਜੋ ਅੱਜ ਮਾਂ ਤੇ ਪੁੱਤ ਦੋਵੇਂ ਹੀ ਜ਼ਖ਼ਮੀ ਹੋ ਗਏ ਹਨ ਦੀ ਗੱਲ ਕੀਤੀ ਜਾਵੇ ਤਾਂ ਪੁੱਤ ਵਿਚ 12ਵੀਂ ਜਮਾਤ ਦਾ ਵਿਦਿਆਰਥੀ ਨਿਸ਼ਾਏ ਹੈ ਜੋ ਆਪਣੀ ਮਾਂ ਨਾਲ ਸਕੂਟਰ ਤੇ ਸਕੂਲ ਤੋਂ ਵਾਪਸ ਆ ਰਿਹਾ ਸੀ ਕਿ ਨਿਸ਼ਾਏ ਦੀ ਗਰਦਨ ਅਚਾਨਕ ਹੀ ਚੀਨੀ ਡੋਰ ਦੇ ਲਪੇਟੇ ਵਿਚ ਆ ਗਈ, ਜਿਸ ਨਾਲ ਨਿਸ਼ਾਏ ਦੀ ਗਰਦਨ ਵਿਚੋਂ ਖੂਨ ਵਗਣ ਲੱਗ ਪਿਆ ਤੇ ਨਾਲ ਹੀ ਡੋਰ ਨੇ ਮਾਂ ਦੀ ਗਰਦਨ ਨੂੰ ਵੀ ਲਪੇਟੇ ਵਿਚ ਲੈ ਲਿਆ, ਜਿਸ ਤੇ ਦੋਹਾਂ ਦੀ ਹਾਲਤ ਨੂੰ ਦੇਖਦਿਆਂ ਹਸਪਤਾਲ ਲਿਜਾਇਆ ਗਿਆ। ਡੋਰ ਨੇ ਕੱਟ ਦਿੱਤੀ ਸੀ ਬੱਚੇ ਦੀ ਸਾਂਹ ਵਾਲੀ ਨਲੀ ਜਾਣਕਾਰੀ ਮੁਤਾਬਕ ਵਿਦਿਆਰਥੀ ਦੀ ਗੰਭੀਰ ਹਾਲਤ ਨੂੰ ਦੇਖਦਿਆਂ ਚਾਰ ਡਾਕਟਰਾਂ ਦੀ ਟੀਮ ਨੇ ਇਲਾਜ ਸ਼ੁਰੂ ਕੀਤਾ ।ਬੱਚੇ ਦੀ ਸਾਂਹ ਦੀ ਨਲੀ ਚੀਨੀ ਡੋਰ ਨੇ ਕੱਟ ਦਿੱਤੀ, ਜਿਸ ਨਾਲ ਉਸ ਦੀ ਹਾਲਤ ਨਾਜ਼ੁਕ ਹੋ ਗਈ । ਡਾਕਟਰਾਂ ਨੇ ਤੁਰੰਤ ਉਸ ਦਾ ਆਪ੍ਰੇਸ਼ਨ ਕੀਤਾ । ਆਈ. ਸੀ. ਯੂ. ਵਿੱਚ ਲਗਭਗ 48 ਘੰਟੇ ਇਲਾਜ ਤੋਂ ਬਾਅਦ, ਵਿਦਿਆਰਥੀ ਨੂੰ ਵਾਰਡ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਅਤੇ ਡਾਕਟਰਾਂ ਨੇ ਕਿਹਾ ਕਿ ਉਹ ਹੁਣ ਖ਼ਤਰੇ ਤੋਂ ਬਾਹਰ ਹੈ। ਵਿਦਿਆਰਥੀ ਦੀ ਮਾਂ ਨੇ ਕਿਹਾ ਕਿ ਬਾਜ਼ਾਰਾਂ ਵਿੱਚ ਵਿਕਣ ਵਾਲੀ ਚੀਨੀ ਡੋਰ ਬਹੁਤ ਖ਼ਤਰਨਾਕ ਹੈ ਅਤੇ ਅਜਿਹੀਆਂ ਘਟਨਾਵਾਂ ਹਰ ਰੋਜ਼ ਵਾਪਰ ਰਹੀਆਂ ਹਨ। ਉਸ ਨੇ ਸਰਕਾਰ ਨੂੰ ਚੀਨੀ ਡੋਰ ਦੀ ਵਿਕਰੀ `ਤੇ ਪਾਬੰਦੀ ਲਗਾਉਣ ਦੀ ਅਪੀਲ ਕੀਤੀ।