ਨਰਿੰਦਰ ਮੋਦੀ ਅੱਜ ਕਰਨਗੇ ਲੋਕ ਸਭਾ `ਚ ਵੰਦੇ ਮਾਤਰਮ `ਤੇ ਚਰਚਾ ਸ਼ੁਰੂ

by Jasbeer Singh
December 8, 2025

ਨਰਿੰਦਰ ਮੋਦੀ ਅੱਜ ਕਰਨਗੇ ਲੋਕ ਸਭਾ `ਚ ਵੰਦੇ ਮਾਤਰਮ `ਤੇ ਚਰਚਾ ਸ਼ੁਰੂ ਨਵੀਂ ਦਿੱਲੀ, 8 ਦਸੰਬਰ 2025 : ਭਾਰਤ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੰਦੇ ਮਾਤਰਮ ਦੀ 150ਵੀਂ ਵਰ੍ਹੇਗੰਢ ’ਤੇ ਅੱਜ 8 ਦਸੰਬਰ ਦਿਨ ਸੋਮਵਾਰ ਨੂੰ ਲੋਕ ਸਭਾ `ਚ ਚਰਚਾ ਦੀ ਸ਼ੁਰੂਆਤ ਕਰਨਗੇ । ਇਸ `ਚ ਰਾਸ਼ਟਰੀ ਗੀਤ ਬਾਰੇ ਕਈ ਮਹੱਤਵਪੂਰਨ ਅਤੇ ਅਣਸੁਣੇ ਪਹਿਲੂਆਂ ਦੇ ਸਾਹਮਣੇ ਆਉਣ ਦੀ ਸੰਭਾਵਨਾ ਹੈ। ਲੋਕ ਸਭਾ `ਚ ਰਾਸ਼ਟਰੀ ਗੀਤ ਵੰਦੇ ਮਾਤਰਮ ਦੀ 150ਵੀਂ ਵਰ੍ਹੇਗੰਢ `ਤੇ ਚਰਚਾ ਸੋਮਵਾਰ ਲਈ ਸੂਚੀਬੱਧ ਹੈ ਅਤੇ ਇਸ `ਤੇ ਬਹਿਸ ਲਈ 10 ਘੰਟੇ ਦਾ ਸਮਾਂ ਤੈਅ ਕੀਤਾ ਗਿਆ ਹੈ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਹੋਣਗੇ ਚਰਚਾ ਵਿਚ ਦੂਜੇ ਬੁਲਾਰੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਇਸ ਚਰਚਾ `ਚ ਦੂਜੇ ਬੁਲਾਰੇ ਹੋਣਗੇ। ਇਸ ਚਰਚਾ `ਚ ਲੋਕ ਸਭਾ `ਚ ਕਾਂਗਰਸ ਦੇ ਉਪ-ਨੇਤਾ ਗੌਰਵ ਗੋਗੋਈ ਅਤੇ ਪ੍ਰਿਅੰਕਾ ਗਾਂਧੀ ਵਡੇਰਾ ਸਮੇਤ ਹੋਰ ਮੈਂਬਰ ਵੀ ਸ਼ਾਮਲ ਹੋਣਗੇ। ਸੰਸਦ `ਚ ਇਹ ਚਰਚਾ, ਬੰਕਿਮ ਚੰਦਰ ਚਟੋਪਾਧਿਆਏ ਵੱਲੋਂ ਰਚੇ ਗਏ ਅਤੇ ਜਦੁਨਾਥ ਭੱਟਾਚਾਰੀਆ ਵੱਲੋਂ ਸੰਗੀਤਬੱਧ ਵੰਦੇ ਮਾਤਰਮ ਦੀ 150ਵੀਂ ਵਰ੍ਹੇਗੰਢ `ਤੇ ਪੂਰਾ ਸਾਲ ਆਯੋਜਿਤ ਹੋਣ ਵਾਲੇ ਸਮਾਰੋਹ ਦਾ ਹਿੱਸਾ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਕਾਂਗਰਸ `ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਉਸ ’ਤੇ 1937 `ਚ ਇਸ ਗੀਤ `ਚੋਂ ਪ੍ਰਮੁੱਖ ਛੰਦਾਂ ਨੂੰ ਹਟਾਉਣ ਅਤੇ ਵੰਡ-ਪਾਊ ਬੀਜ ਬੀਜਣ ਦਾ ਦੋਸ਼ ਲਾਇਆ ਸੀ।