ਪੀ. ਬੀ. 01 ਡੀ. ਬੀ. 0001 ਨੰਬਰ ਸ਼ੌਂਕ ਦੇ ਚਲਦਿਆਂ ਵਿਕਿਆ 22. 58 ਲੱਖ ਵਿਚ

by Jasbeer Singh
November 1, 2025

ਪੀ. ਬੀ. 01 ਡੀ. ਬੀ. 0001 ਨੰਬਰ ਸ਼ੌਂਕ ਦੇ ਚਲਦਿਆਂ ਵਿਕਿਆ 22. 58 ਲੱਖ ਵਿਚ ਚੰਡੀਗੜ੍ਹ, 1 ਨਵੰਬਰ 2025 : ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਜਿਸਨੂੰ ਯੂਨੀਅਨ ਟੈਰਟਰੀ (ਯੂ. ਟੀ) ਦੇ ਨਾਮ ਨਾਲ ਵੀ ਜਾਣਿਆਂ ਜਾਂਦਾ ਹੈ ਵਲੋਂ ਵਾਹਨਾਂ ਤੇ ਲਗਾਏ ਜਾਣ ਵਾਲੇ ਨੰਬਰਾਂ ਦੀ ਜਾਰੀ ਕੀਤੀ ਗਈ ਫੈਂਸੀ ਨੰਬਰਾਂ ਦੀ ਲੜੀ ਤਹਿਤ ਪੀ. ਬੀ. 01 ਡੀ. ਬੀ. 0001 ਨੰਬਰ ਸ਼ੌਂਕ ਦਾ ਕੋਈ ਮੁੱਲ ਨਹੀਂ ਹੁੰਦਾ ਦੇ ਚਲਦਿਆਂ 22 ਲੱਖ 58 ਹਜ਼ਾਰ ਰੁਪਏ ਵਿਚ ਵਿਕਿਆ।ਦੱਸਣਯੋਗ ਹੈ ਕਿ ਯੂ. ਟੀ. ਟਰਾਂਸਪੋਰਟ ਅਥਾਰਟੀ ਦੁਆਰਾ ਜਾਰੀ ਕੀਤੀ ਗਈ ਨਵੀਂ ਨੰਬਰ ਲੜੀ ਵਿੱਚ ਫੈਂਸੀ ਨੰਬਰਾਂ ਲਈ ਬੋਲੀਆਂ 2 ਕਰੋੜ 71 ਲੱਖ ਤੱਕ ਪਹੁੰਚ ਗਈਆਂ । ਕਿਹੜਾ ਨੰਬਰ ਕਿੰਨੇ ਵਿਚ ਵਿਕਿਆ ਯੂ. ਟੀ. ਟਰਾਂਸਪੋਰਟ ਅਥਾਰਟੀ ਦੁਆਰਾ ਜਾਰੀ ਕੀਤੀ ਗਈ ਨਵੀਂ ਨੰਬਰ ਲੜੀ ਵਿੱਚ ਫੈਂਸੀ ਨੰਬਰਾਂ ਲਈ ਬੋਲੀਆਂ ਤਹਿਤ ਜਿਥੇ ਪੀ. ਬੀ. 01 ਡੀ. ਬੀ. 0001 ਨੰਬਰ 22 ਲੱਖ ਤੋਂ 58 ਹਜ਼ਾਰ ਵਿਚ ਵਿਕਿਆ, ਉਥੇ ਹੀ ਇਸ ਲੜੀ ਵਿੱਚ ਪੀ. ਬੀ. 01 ਡੀ. ਬੀ. 0007 ਨੂੰ 10.94 ਲੱਖ ਰੁਪਏ ਵਿੱਚ ਨੀਲਾਮ ਕੀਤਾ ਗਿਆ । ਟਰਾਂਸਪੋਰਟ ਅਥਾਰਟੀ ਨੇ ਆਪਣੇ ਨੰਬਰਾਂ ਦੀ ਨਵੀਂ ਲੜੀ ਪੀ. ਬੀ. 01 ਡੀ. ਬੀ. 0001 ਤੋਂ ਪੀ. ਬੀ. 01 ਡੀ. ਬੀ. 9999 ਤੱਕ ਈ-ਨਿਲਾਮੀ ਰਾਹੀਂ ਵੇਚੀ ਗਈ ਅਤੇ ਲੋਕਾਂ ਨੇ ਵਿਭਾਗ ਦੇ ਪੋਰਟਲ `ਤੇ ਇਨ੍ਹਾਂ ਨੰਬਰਾਂ ਲਈ ਆਨ-ਲਾਈਨ ਬੋਲੀ ਵੀ ਲਗਾਈ। ਇਹ ਨੰਬਰ ਸਭ ਤੋਂ ਵੱਧ ਬੋਲੀ ਲਗਾਉਣ ਵਾਲੇ ਨੂੰ ਅਲਾਟ ਕਰ ਦਿੱਤਾ ਗਿਆ ਹੈ। ਚੁਣਿਆ ਹੋਇਆ ਬਿਨੈਕਾਰ ਹੁਣ ਵਿਭਾਗ ਕੋਲ ਲੋੜੀਂਦੀ ਰਕਮ ਜਮ੍ਹਾ ਕਰਵਾਏਗਾ, ਅਤੇ ਫਿਰ ਉਨ੍ਹਾਂ ਦੇ ਵਾਹਨ ਨੂੰ ਫੈਂਸੀ ਨੰਬਰ ਜਾਰੀ ਕੀਤਾ ਜਾਵੇਗਾ।