ਹਸਪਤਾਲ ਦੀ ਇਮਾਰਤ ਤੋਂ ਛਾਲ ਮਾਰ ਕੇ ਮਰੀਜ਼ ਨੇ ਕੀਤੀ ਖ਼ੁਦਕੁਸ਼ੀ

by Jasbeer Singh
March 21, 2026

ਹਸਪਤਾਲ ਦੀ ਇਮਾਰਤ ਤੋਂ ਛਾਲ ਮਾਰ ਕੇ ਮਰੀਜ਼ ਨੇ ਕੀਤੀ ਖ਼ੁਦਕੁਸ਼ੀ ਜਮਸ਼ੇਦਪੁਰ, 21 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਝਾਰਖੰਡ ਦੇ ਸ਼ਹਿਰ ਜਮਸ਼ੇਦਪੁਰ ਦੇ ਇਕ ਸਰਕਾਰੀ ਹਸਪਤਾਲ ਦੀ ਬਿਲਡਿੰਗ ਤੋਂ ਮਰੀਜ ਵਲੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕੀਤੇ ਜਾਣ ਦਾ ਪਤਾ ਚੱਲਿਆ ਹੈ। ਮਰੀਜ਼ ਕਿਊਂ ਦਾਖਲ ਸੀ ਹਸਪਤਾਲ ਵਿਚ ਝਾਰਖੰਡ ਦੇ ਜਮਸ਼ੇਦਪੁਰ `ਚ ਸਰਕਾਰੀ ਹਸਪਤਾਲ `ਚ ਸ਼ੁੱਕਰਵਾਰ ਤੜਕੇ ਇਕ ਮਰੀਜ਼ ਨੇ ਕਥਿਤ ਤੌਰ `ਤੇ ਇਮਾਰਤ ਦੀ ਚੌਥੀ ਮੰਜਿ਼ਲ ਤੋਂ ਛਾਲ ਮਾਰ ਕੇ ਖ਼ੁਦਕੁਸ਼ੀ ਕਰ ਲਈ । ਪੁਲਸ ਅਨੁਸਾਰ ਇਹ ਮਰੀਜ਼ ਨੇੜੇ ਦੇ ਪਰਸ਼ੂਡੀਹ ਖੇਤਰ ਦਾ ਨਿਵਾਸੀ ਸੀ । ਮਰੀਜ਼ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਉਹ ਐੱਚ. ਆਈ. ਵੀ. ਇਨਫੈਕਟਿਡ ਸੀ ਅਤੇ ਉਸ ਨੂੰ ਟੀ. ਬੀ. ਵੀ ਸੀ ਅਤੇ ਉਸ ਨੂੰ 16 ਮਾਰਚ ਨੂੰ ਐੱਮ. ਜੀ. ਐੱਮ. ਹਸਪਤਾਲ `ਚ ਦਾਖਲ ਕਰਵਾਇਆ ਗਿਆ ਸੀ । ਕੀ ਦੱਸਿਆ ਪੁਲਸ ਨੇ ਪੁਲਸ ਅਨੁਸਾਰ ਉਸ ਨੇ ਵੀਰਵਾਰ ਰਾਤ ਵੀ ਖਿੜਕੀ ਤੋਂ 2 ਵਾਰ ਛਾਲ ਮਾਰਨ ਦੀ ਕੋਸਿ਼ਸ਼ ਕੀਤੀ ਸੀ, ਪਰ ਉਸ ਦੀ ਮਾਂ ਨੇ ਉਸ ਨੂੰ ਰੋਕ ਲਿਆ ਸੀ । ਪੁਲਸ ਨੇ ਦੱਸਿਆ ਕਿ ਸ਼ੁੱਕਰਵਾਰ ਤੜਕੇ ਕਰੀਬ 4 ਵਜੇ ਜਦੋਂ ਮਰੀਜ਼ ਦੀ ਮਾਂ ਸੁੱਤੀ ਪਈ ਸੀ ਤਾਂ ਉਸ ਨੇ ਚੌਥੀ ਮੰਜਿ਼ਲ ਤੋਂ ਕਥਿਤ ਤੌਰ `ਤੇ ਛਾਲ ਮਾਰ ਦਿੱਤੀ । ਜਿਸ ਕਾਰਨ ਉਸ ਦੀ ਮੌਕੇ `ਤੇ ਹੀ ਮੌਤ ਹੋ ਗਈ ।