ਪੰਜਾਬ ਪੁਲਸ ਨੇ ਕੀਤੀ ਲਾਰੈਂਸ ਆਫ ਪੰਜਾਬ ਫਿ਼ਲਮ ਰੋਕਣ ਦੀ ਮੰਗ

by Jasbeer Singh
April 23, 2026

ਪੰਜਾਬ ਪੁਲਸ ਨੇ ਕੀਤੀ ਲਾਰੈਂਸ ਆਫ ਪੰਜਾਬ ਫਿ਼ਲਮ ਰੋਕਣ ਦੀ ਮੰਗ ਚੰਡੀਗੜ੍ਹ, 23 ਅਪ੍ਰੈਲ 2026 : ਪੰਜਾਬ ਪੁਲਸ ਵਲੋਂ ਸੂਚਨਾ ਤੇ ਪ੍ਰਸਾਰਨ ਮੰਤਰਾਲਾ ਨੂੰ ਇਕ ਪੱਤਰ ਲਿਖ ਕੇ ਲਾਰੈਂਸ ਆਫ ਪੰਜਾਬ ਦਸਤਾਵੇਜੀ ਫਿ਼ਲਮ ਰੋਕਣ ਦੀ ਮੰਗ ਕੀਤੀ ਗਈ ਹੈ। ਕਿਸ ਨੇ ਲਿਖਿਆ ਸੂਚਨਾ ਪ੍ਰਸਾਰਨ ਮੰਤਰਾਲਾ ਨੂੰ ਪੱਤਰ ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਪੁਲਸ ਦੇ ਵਿਸ਼ੇਸ਼ ਡਾਇਰੈਕਟਰ ਜਨਰਲ ਆਫ ਪੁਲਸ (ਸਾਈਬਰ ਕਰਾਈਮ) ਵੀ. ਨੀਰਜ ਵਲੋਂ ਸੂਚਨਾ ਤੇ ਪ੍ਰਸਾਰਨ ਮੰਤਰਾਲਾ ਨੂੰ ਪੱਤਰ ਲਿਖਿਆ ਗਿਆ ਹੈ ਤੇ ਮੰਗ ਕੀਤੀ ਗਈ ਹੈ ਕਿ 27 ਅਪੈ੍ਰਲ ਨੂੰ ਓ. ਟੀ. ਟੀ. ਪਲੇਟਫਾਰਮ ਤੇ ਜਾਰੀ ਹੋਣ ਵਾਲੀ ਉਕਤ ਫਿ਼ਲਮ ਨੂੰ ਰੋਕਿਆ ਜਾਵੇ । ਕੀ ਕੀ ਆਖਿਆ ਹੈ ਪੱਤਰ ਵਿਚ ਪੱਤਰ ਵਿਚ ਫਿ਼ਲਮ ਜਾਰੀ ਕੀਤੇ ਜਾਣ ਤੋਂ ਰੋਕੇ ਜਾਣ ਦੀ ਮੰਗ ਕੀਤੇ ਜਾਣ ਤੋਂ ਇਲਾਵਾ ਪੰਜਾਬ ਪੁਲਸ ਨੇ ਦਸਤਾਵੇਜ਼ੀ ਦੀ ਸਮੱਗਰੀ ਬਾਰੇ ਵੀ ਕਈ ਗੰਭੀਰ ਚਿੰਤਾਵਾਂ ਪ੍ਰਗਟ ਕੀਤੀਆਂ ਹਨ। ਪੱਤਰ ਵਿਚ ਲਿਖਿਆ ਗਿਆ ਹੈ ਕਿ ਦਸਤਾਵੇਜ਼ੀ ਫਿ਼ਲਮ ਕਥਿਤ ਤੌਰ `ਤੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੇ ਜੀਵਨ ਅਤੇ ਅਪਰਾਧਿਕ ਯਾਤਰਾ ਦਾ ਵਰਣਨ ਕਰਦੀ ਹੈ ਤੇ ਇਹ ਦੋਸ਼ ਲਗਾਇਆ ਗਿਆ ਹੈ ਕਿ ਇਸ ਲੜੀ ਵਿੱਚ ਉੱਚ-ਪ੍ਰੋਫਾਈਲ ਅਪਰਾਧਾਂ ਦੇ ਨਾਟਕੀ ਚਿੱਤਰਣ ਸ਼ਾਮਲ ਹਨ ਅਤੇ ਅਸਲ ਜੀਵਨ ਦੇ ਹਵਾਲੇ ਸ਼ਾਮਲ ਹਨ । ਪੁਲਸ ਨੇ ਪੱਤਰ ਵਿਚ ਕੀ ਚਿਤਾਵਨੀ ਦਿੱਤੀ ਪੱਤਰ ਅਨੁਸਾਰ ਅਧਿਕਾਰੀਆਂ ਨੂੰ ਡਰ ਹੈ ਕਿ ਦਸਤਾਵੇਜ਼ੀ "ਸੰਗਠਿਤ ਅਪਰਾਧ ਨੂੰ ਵਡਿਆਉਣ ਅਤੇ ਆਮ ਬਣਾਉਣ" ਦੀ ਸੰਭਾਵਨਾ ਹੈ, ਜਿਸਦਾ ਨੌਜਵਾਨ ਦਰਸ਼ਕਾਂ `ਤੇ ਸੰਭਾਵੀ ਤੌਰ `ਤੇ ਨੁਕਸਾਨਦੇਹ ਪ੍ਰਭਾਵ ਪੈ ਸਕਦਾ ਹੈ ਅਤੇ ਉਨ੍ਹਾਂ ਨੂੰ ਅਪਰਾਧਿਕ ਗਤੀਵਿਧੀਆਂ ਨੂੰ ਆਮ ਜਾਂ ਗਲੈਮਰਸ ਸਮਝਣ ਲਈ ਪ੍ਰੇਰਿਤ ਕਰ ਸਕਦਾ ਹੈ। ਪੁਲਿਸ ਨੇ ਇਹ ਵੀ ਚੇਤਾਵਨੀ ਦਿੱਤੀ ਹੈ ਕਿ ਅਜਿਹੀ ਸਮੱਗਰੀ ਚੱਲ ਰਹੇ ਕਾਨੂੰਨ ਲਾਗੂ ਕਰਨ ਦੇ ਯਤਨਾਂ ਨੂੰ ਕਮਜ਼ੋਰ ਕਰ ਸਕਦੀ ਹੈ ਅਤੇ ਰਾਜ ਦੇ ਅੰਦਰ ਜਨਤਕ ਵਿਵਸਥਾ ਨੂੰ ਵਿਗਾੜ ਸਕਦੀ ਹੈ।