ਬੰਗਲਾਦੇਸ਼ ਵਿਚ ਬਸ ਦੇ ਪਦਮਾ ਨਦੀ ਵਿਚ ਡਿੱਗਣ ਨਾਲ ਹੋਈ ਕਈ ਜਣਿਆਂ ਦੀ ਮੌਤ

by Jasbeer Singh
March 26, 2026

ਬੰਗਲਾਦੇਸ਼ ਵਿਚ ਬਸ ਦੇ ਪਦਮਾ ਨਦੀ ਵਿਚ ਡਿੱਗਣ ਨਾਲ ਹੋਈ ਕਈ ਜਣਿਆਂ ਦੀ ਮੌਤ ਬੰਗਲਾਦੇਸ਼, 26 ਮਾਰਚ 2026 : ਭਾਰਤ ਦੇਸ਼ ਦੇ ਗੁਆਂਢੀ ਦੇਸ਼ ਬੰਗਲਾਦੇਸ਼ ਵਿਖੇ ਪਦਮਾ ਨਦੀ ਵਿਚ ਬਸ ਦੇ ਡਿੱਗਣ ਕਾਰਨ ਕਈਆਂ ਦੀ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਬਸ ਦੇ ਨਦੀ ਵਿਚ ਡਿੱਗਣ ਨਾਲ ਹੋਈ ਕਿੰਨਿਆਂ ਦੀ ਮੌਤ ਮਿਲੀ ਜਾਣਕਾਰੀ ਅਨੁਸਾਰ ਬੰਗਲਾਦੇਸ਼ ਵਿਖੇ ਜੋ ਪਦਮਾ ਨਦੀ ਵਿਚ ਇਕ ਸਵਾਰੀਆਂ ਨਾਲ ਭਰੀ ਬਸ ਬੁੱਧਵਾਰ ਸ਼ਾਮ ਵੇਲੇ ਡਿੱਗ ਗਈ ਦੇ ਵਿਚ ਸਵਾਰ 23 ਵਿਅਕਤੀਆਂ ਦੀ ਮੌਤ ਹੋ ਜਾਣ ਦਾ ਸਮਾਚਾਰ ਹੈ ਤੇ 11 ਵਿਅਕਤੀ ਅਜਿਹੇ ਵੀ ਸਨ ਜਿਨ੍ਹਾਂ ਨੇ ਨਦੀ ਵਿਚ ਡਿੱਗੀ ਬਸ ਵਿਚੋਂ ਨਿਕਲ ਕੇ ਤੈਰਾਕੀ ਰਾਹੀਂ ਆਪਣੀ ਕੀਮਤੀ ਜਾਨ ਬਚਾਈ। ਦੱਸਣਯੋਗ ਹੈ ਕਿ ਬੱਸ ਵਿੱਚ ਲਗਭਗ 40 ਲੋਕ ਸਵਾਰ ਸਨ। ਬਸ ਕਿਸ ਤਰ੍ਹਾਂ ਡਿੱਗ ਗਈ ਨਦੀ ਵਿਚ ਪਦਮਾ ਨਦੀ ਵਿਚ ਜੋ ਬਸ ਡਿੱਗਣ ਦਾ ਹਾਦਸਾ ਵਾਪਰਿਆ ਹੈ ਇਹ ਹਾਦਸਾ ਰਾਜਬਾੜੀ ਜਿ਼ਲ੍ਹੇ ਦੇ ਦੌਲਾਦੀਆ ਟਰਮੀਨਲ `ਤੇ ਇੱਕ ਕਿਸ਼ਤੀ `ਤੇ ਚੜ੍ਹਦੇ ਵੇਲੇ ਵਾਪਰਿਆ ਦੱਸਿਆ ਜਾ ਰਿਹਾ ਹੈ। ਜਦੋਂ ਬਸ ਕਿਸ਼ਤੀ ਵਿਚ ਚੜ੍ਹ ਰਹੀ ਸੀ ਤਾਂ ਉਦੋਂ ਹੀ ਬਸ ਦੇ ਡਰਾਈਵਰ ਨੇ ਆਪਣਾ ਕੰਟਰੋਲ ਗੁਆ ਦਿੱਤਾ ਅਤੇ ਬੱਸ ਨਦੀ ਵਿੱਚ ਡਿੱਗ ਗਈ । ਜਿਕਰਯੋਗ ਹੈਕਿ ਬੰਗਲਾਦੇਸ਼ ਵਿੱਚ, ਕਿਸ਼ਤੀਆਂ ਦੀ ਵਰਤੋਂ ਬੱਸਾਂ ਅਤੇ ਵਾਹਨਾਂ ਨੂੰ ਦਰਿਆਵਾਂ ਪਾਰ ਕਰਵਾਉਣ ਲਈ ਕੀਤੀ ਜਾਂਦੀ ਹੈ। ਪ੍ਰਧਾਨ ਮੰਤਰੀ ਤਾਰਿਕ ਰਹਿਮਾਨ ਨੇ ਬਚਾਅ ਕਾਰਜਾਂ ਦਾ ਜਾਇਜ਼ਾ ਲਿਆ ਹੈ ਅਤੇ ਹਾਦਸੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ । ਕਿਥੇ ਜਾ ਰਹੀ ਸੀ ਬਸ ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਬੱਸ ਢਾਕਾ ਜਾ ਰਹੀ ਸੀ । ਈਦ ਦੀਆਂ ਛੁੱਟੀਆਂ ਤੋਂ ਬਾਅਦ ਬੱਚਿਆਂ ਸਮੇਤ ਬਹੁਤ ਸਾਰੇ ਯਾਤਰੀ ਰਾਜਧਾਨੀ ਵਾਪਸ ਆ ਰਹੇ ਸਨ।ਬਸ ਦੇ ਨਦੀ ਵਿਚ ਡਿੱਗਣ ਵੇਲੇ ਮੌਜੂਦ ਪ੍ਰਤੱਖਦਰਸ਼ੀਆਂ ਅਨੁਸਾਰ ਬਹੁਤ ਸਾਰੇ ਯਾਤਰੀ ਇੱਕੋ ਪਰਿਵਾਰ ਦੇ ਸਨ । ਕੁਝ ਬਾਹਰ ਖੜ੍ਹੇ ਰਹਿ ਕੇ ਬਚ ਗਏ ਜਦੋਂ ਕਿ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਅੰਦਰ ਫਸ ਗਏ।