ਮਨੀਪੁਰ ਵਿਚ ਸਟਾਰਲਿੰਕ ਵਰਗਾ ਉਪਕਰਨ ਅਤੇ ਹਥਿਆਰ ਬਰਾਮਦ

by Jasbeer Singh
December 19, 2024

ਮਨੀਪੁਰ ਵਿਚ ਸਟਾਰਲਿੰਕ ਵਰਗਾ ਉਪਕਰਨ ਅਤੇ ਹਥਿਆਰ ਬਰਾਮਦ ਨਵੀਂ ਦਿੱਲੀ : ਭਾਰਤ ਦੇਸ਼ ਦੇ ਸੂਬੇ ਮਨੀਪੁਰ ਵਿੱਚ ਸੁਰੱਖਿਆ ਬਲਾਂ ਨੇ ਇੰਫਾਲ ਪੂਰਬੀ ਜਿ਼ਲ੍ਹੇ ਵਿੱਚੋਂ ‘ਸਟਾਰਲਿੰਕ’ ਵਰਗਾ ਉਪਕਰਨ, ਸਨਾਈਪਰ ਰਾਈਫਲਾਂ, ਪਿਸਤੌਲ, ਗਰਨੇਡ ਤੇ ਹੋਰ ਹਥਿਆਰ ਬਰਾਮਦ ਕੀਤੇ ਹਨ । ਸਟਾਰਲਿੰਕ ਵਰਗੇ ਉਪਕਰਨ ਦੀ ਬਰਾਮਦਗੀ ਨੇ ਸਬੰਧਤ ਏਜੰਸੀਆਂ ਪਤਾ ਲਗਾ ਰਹੀਆਂ ਹਨ ਕਿ ਇਹ ਤਣਾਅ-ਗ੍ਰਸਤ ਸੂਬੇ ਵਿੱਚ ਕਿਵੇਂ ਪਹੁੰਚਿਆ । ਅਧਿਕਾਰੀਆਂ ਨੇ ਆਖਿਆ ਕਿ ਇੰਟਰਨੈੱਟ ਸੇਵਾਵਾਂ ਦੇਣ ਵਾਲੀ ‘ਸਟਾਰਲਿੰਕ’ ਕੋਲ ਭਾਰਤ ਵਿੱਚ ਕੰਮ ਕਰਨ ਲਈ ਲਾਇਸੈਂਸ ਨਹੀਂ ਹੈ। ਹਾਲਾਂਕਿ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੈ ਕਿ ਇਹ ਅਸਲੀ ਸਟਾਰਲਿੰਕ ਉਪਕਰਨ ਹੈ ਜਾਂ ਨਹੀਂ । ਇਹ ਬਰਾਮਦਗੀ 13 ਦਸੰਬਰ ਨੂੰ ਇੰਫਾਲੀ ਪੂਰਬੀ ’ਚ ਤਲਾਸ਼ੀ ਮੁਹਿੰਮ ਦੌਰਾਨ ਕੀਤੀ ਗਈ । ਦੀਮਾਪੁਰ ’ਚ ਹੈੱਡਕੁਆਟਰ ਵਾਲੀ ਸਪੀਅਰ ਕੋਰ ਨੇ ਜ਼ਬਤ ਕੀਤੀਆਂ ਵਸਤਾਂ ਦੀਆਂ ਤਸਵੀਰਾਂ ‘ਐਕਸ’ ਉੱਤੇ ਸਾਂਝੀਆਂ ਕੀਤੀਆਂ ਸਨ, ਜਿਨ੍ਹਾਂ ਵਿੱਚ ਸ਼ਾਮਲ ਇੱਕ ਇੰਟਰਨੈੱਟ ਉਪਕਰਨ ’ਤੇ ਸਟਾਰਲਿੰਕ ਦਾ ਲੋਗੋ ਸੀ। ਇਸ ਉੱਤੇ ਆਰ. ਪੀ. ਐੱਫ./ਪੀ. ਐੱਲ. ਏ. ਵੀ ਲਿਖਿਆ ਹੋਇਆ ਸੀ। ਪੋਸਟ ’ਚ ਕਿਹਾ ਗਿਆ ਕਿ ਭਾਰਤੀ ਫੌਜ ਤੇ ਅਸਾਮ ਰਾਈਫਲਜ਼ ਨੇ ਮਨੀਪੁਰ ਪੁਲੀਸ ਨਾਲ ਚੂਰਾਚਾਂਦਪੁਰ, ਚੰਡੇਲ, ਇੰਫਾਲ ਪੂਰਬੀ ਅਤੇ ਕਾਂਗਪੋਕਪੀ ’ਚ ਤਲਾਸ਼ੀ ਮੁਹਿੰਮ ਚਲਾਈ ਸੀ । ਸਪੀਅਰ ਕੋਰ ਨੇ ਦੱਸਿਆ ਕਿ ਅਪਰੇਸ਼ਨ ਦੌਰਾਨ 29 ਹਥਿਆਰ ਜ਼ਬਤ ਕੀਤੇ ਗਏ ਸਨ, ਜਿਨ੍ਹਾਂ ਆਟੋਮੈਟਿਕ ਹਥਿਆਰ, ਰਾਈਫਲਾਂ, ਪਿਸਤੌਲਾਂ, ਸਵਦੇਸ਼ੀ ਮੋਰਟਾਰ, ਸਿੰਗਲ ਬੈਰਲ ਰਾਈਫਲਾਂ, ਗਰਨੇਡ, ਗੋਲੀਸਿੱਕਾ ਸ਼ਾਮਲ ਸੀ ।