ਬੰਗਲਾਦੇਸ਼ ਦੇ ਨਵੇਂ ਪ੍ਰਧਾਨ ਮੰਤਰੀ ਵਜੋਂ ਤਾਰਿਕ ਰਹਿਮਾਨ ਨੇ ਚੁੱਕੀ ਸਹੂੰ

by Jasbeer Singh
February 17, 2026

ਬੰਗਲਾਦੇਸ਼ ਦੇ ਨਵੇਂ ਪ੍ਰਧਾਨ ਮੰਤਰੀ ਵਜੋਂ ਤਾਰਿਕ ਰਹਿਮਾਨ ਨੇ ਚੁੱਕੀ ਸਹੂੰ ਢਾਕਾ, 17 ਫਰਵਰੀ 2026 : ਭਾਰਤ ਦੇਸ਼ ਦੇ ਗੁਆਂਢੀ ਦੇਸ਼ ਬੰਗਲਾਦੇ਼ਸ਼ ਵਿਖੇ ਹੋਈਆਂ ਚੋਣਾਂ ਤੋਂ ਬਾਅਦ ਅੱਜ ਬੰਗਲਾਦੇਸ਼ ਦੇ ਪ੍ਰਧਾਨ ਮੰਤਰੀ ਵਜੋਂ ਤਾਰਿਕ ਰਹਿਮਾਨ ਨੇ ਸਹੂੰ ਚੁੱਕ ਲਈ ਹੈ। ਹੋਰ ਕਿਸ ਕਿਸ ਨੇ ਚੁੱਕੀ ਹੈ ਸਹੂੰ ਮਿਲੀ ਜਾਣਕਾਰੀ ਮੁਤਾਬਕ ਬੰਗਲਾਦੇਸ਼ ਵਿਖੇ ਹਾਲ ਹੀ ਵਿਚ ਹੋਈਆਂ ਆਮ ਚੋਣਾਂ ਵਿਚ ਆਏ ਨਤੀਜਿਆਂ ਤੋਂ ਬਾਅਦ ਜਿਥੇ ਅੱਜ ਬੰਗਲਾਦੇਸ਼ ਦੇ ਪ੍ਰਧਾਨ ਮੰਤਰੀ ਦੇ ਤੌਰ ਤੇ ਤਾਰਿਕ ਰਹਿਮਾਨ ਨੂੰ ਸਹੂੰ ਰਾਸ਼ਟਰਪਤੀ ਸ਼ਹਾਬੂਦੀਨ ਨੇ ਸੰਸਦ ਭਵਨ ਵਿਚ ਚੁੱਕਾਈ ਹੈ, ਉਥੇ ਹੀ 25 ਕੈਬਨਿਟ ਮੰਤਰੀਆਂ ਅਤੇ 24 ਰਾਜ ਮੰਤਰੀਆਂ ਨੂੰ ਵੀ ਸਹੂੰ ਚੁਕਾਈ ਗਈ ਹੈ। ਇਸ ਵਿੱਚ ਇੱਕ ਹਿੰਦੂ ਮੰਤਰੀ ਵੀ ਸ਼ਾਮਲ ਹੈ । 25 ਕੈਬਨਿਟ ਮੰਤਰੀਆਂ ਵਿੱਚੋਂ 17 ਨਵੇਂ ਚੇਹਰੇ ਹਨ । 24 ਰਾਜ ਮੰਤਰੀਆਂ ਵਿੱਚੋਂ 24 ਨਵੇਂ ਹਨ । ਪ੍ਰਧਾਨ ਮੰਤਰੀ ਤਾਰਿਕ ਰਹਿਮਾਨ ਵੀ ਪਹਿਲੀ ਵਾਰ ਕੈਬਨਿਟ ਵਿੱਚ ਸ਼ਾਮਲ ਹੋ ਰਹੇ ਹਨ । ਨਵੀਂ ਸੰਸਦ ਕਰੇਗ 180 ਦਿਨਾਂ ਲਈ ਸੰਵਿਧਾਨ ਸਭਾ ਵਾਂਗ ਕੰਮ ਇਸ ਦੌਰਾਨ ਸੰਵਿਧਾਨਕ ਸੋਧਾਂ ਨੂੰ ਲੈ ਕੇ ਰਾਜਨੀਤਿਕ ਟਕਰਾਅ ਤੇਜ਼ ਹੋ ਗਿਆ ਹੈ। 12 ਫਰਵਰੀ ਦੀਆਂ ਸੰਸਦੀ ਚੋਣਾਂ ਦੇ ਨਾਲ-ਨਾਲ ਜੁਲਾਈ ਚਾਰਟਰ `ਤੇ ਜਨਮਤ ਸੰਗ੍ਰਹਿ ਕਰਵਾਇਆ ਗਿਆ, ਜਿਸ ਵਿੱਚ 62 ਫੀਸਦੀ ਲੋਕਾਂ ਨੇ "ਹਾਂ" ਵੋਟ ਦਿੱਤੀ । ਜੁਲਾਈ ਚਾਰਟਰ ਦੇ ਅਨੁਸਾਰ, ਨਵੀਂ ਸੰਸਦ 180 ਦਿਨਾਂ ਲਈ ਸੰਵਿਧਾਨ ਸਭਾ ਵਾਂਗ ਕੰਮ ਕਰੇਗੀ। ਇਸ ਸਮੇਂ ਦੌਰਾਨ ਸੰਵਿਧਾਨ ਅਤੇ ਲੋਕਤੰਤਰੀ ਸੰਸਥਾਵਾਂ ਵਿੱਚ ਬਦਲਾਅ ਕੀਤੇ ਜਾਣਗੇ ।