ਭਾਰਤ ਸਰਕਾਰ ਨੇ ਲਗਾਈ ਲਾਰੈਂਸ ਆਫ ਪੰਜਾਬ ਦੀ ਰਿਲੀਜਿੰਗ 'ਤੇ ਰੋਕ

by Jasbeer Singh
April 24, 2026

ਭਾਰਤ ਸਰਕਾਰ ਨੇ ਲਗਾਈ ਲਾਰੈਂਸ ਆਫ ਪੰਜਾਬ ਦੀ ਰਿਲੀਜਿੰਗ 'ਤੇ ਰੋਕ ਨਵੀਂ ਦਿੱਲੀ, 24 ਅਪ੍ਰੈਲ 2026 : ਭਾਰਤ ਸਰਕਾਰ ਵਲੋਂ ਲਾਰੈਂਸ ਆਫ ਪੰਜਾਬ ਵੈਬ ਸੀਰੀਜ਼ ਦੀ ਰਿਲੀਜਿੰਗ ਤੇ ਜੀ-5 ਨੂੰ ਰੋਕ ਲਗਾਉਣ ਦਾ ਹੁਕਮ ਜਾਰੀ ਕੀਤੇ ਜਾਣ ਦਾ ਸਮਾਚਾਰ ਹੈ । ਕਦੋਂ ਰਿਲੀਜ਼ ਹੋਣੀ ਸੀ ਇਹ ਵੈਬ ਸੀਰੀਜ ਮਿਲੀ ਜਾਣਕਾਰੀ ਅਨੁਸਾਰ ਓ. ਟੀ. ਟੀ. ਪਲੇਟਫਾਰਮ ਜੀ-5 ਜਿਸ ਤੇ ਲਾਰੈਂਸ ਆਫ ਪੰਜਾਬ ਵੈਬ ਸੀਰੀਜ਼ 27 ਅਪੈ੍ਰਲ ਨੂੰ ਜਾਰੀ ਹੋਣੀ ਸੀ ਦੀ ਰਿਲੀਜਿੰਗ ਤੇ ਭਾਰਤ ਸਰਕਾਰ ਦੇ ਕੇਂਦਰੀ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ ਵਲੋਂ ਰੋਕ ਲਗਾਉਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਦੱਸਣਯੋਗ ਹੈ ਕਿ ਇਨ੍ਹਾਂ ਹੁਕਮਾਂ ਨਾਲ ਹੀ ਹਾਈਕੋਰਟ ਵਿਚ ਪੰਜਾਬ ਕਾਂਗਰਸ ਪ੍ਰਧਾਨ ਰਾਜਾ ਵੜਿੰਗ ਵਲੋਂ ਦਾਇਰ ਕੀਤੀ ਗਈ ਪਟੀਸ਼ਨ ਦਾ ਵੀ ਇਕ ਤਰ੍ਹਾਂ ਨਾਲ ਨਿਪਟਾਰਾ ਹੋ ਗਿਆ ਹੈ। ਪੰਜਾਬ ਪੁਲਸ ਨੇ ਵੀ ਕੀਤੀ ਸੀ ਪੱਤਰ ਲਿਖ ਕੇ ਮੰਗ ਜਿਕਰਯੋਗ ਹੈ ਕਿ ਲੰਘੇ ਦਿਨੀਂ ਪੰਜਾਬ ਪੁਲਸ ਦੇ ਵਿਸ਼ੇਸ਼ ਡੀ. ਜੀ. ਪੀ. (ਸਾਈਬਰ ਕਰਾਈਮ) ਵੀ. ਨੀਰਜ ਵਲੋਂ ਵੀ ਕੇਂਦਰੀ ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ ਨੂੰ ਇਕ ਪੱਤਰ ਲਿਖ ਕੇ ਮੰਗ ਕੀਤੀ ਗਈ ਸੀ ਕਿ ਇਸ ਫਿਲਮ ਦੇ ਪ੍ਰਸਾਰਣ ਤੇ ਰੋਕ ਲਗਾਈ ਜਾਵੇ, ਜਿਸਨੂੰ ਅੱਜ ਭਾਰਤ ਸਰਕਾਰ ਦੇ ਹੁਕਮਾਂ ਨਾਲ ਅਮਲੀ ਜਾਮਾ ਪੈ ਗਿਆ ਹੈ।