ਅੱਗ ਲੱਗਣ ਕਰਕੇ ਨਵਾਂ ਬਣਿਆ ਸ਼੍ਰੀ ਜਾਰੂ ਨਾਗ ਮੰਦਰ ਹੋਇਆ ਸੜ ਕੇ ਸੁਆਹ

by Jasbeer Singh
October 13, 2025

ਅੱਗ ਲੱਗਣ ਕਰਕੇ ਨਵਾਂ ਬਣਿਆ ਸ਼੍ਰੀ ਜਾਰੂ ਨਾਗ ਮੰਦਰ ਹੋਇਆ ਸੜ ਕੇ ਸੁਆਹ ਸਿ਼ਮਲਾ, 13 ਅਕਤੂਬਰ 2025 : ਸਿਮਲਾ ਜਿਲ੍ਹੇ ਦੇ ਰਾਮਪੁਰ ਉਪਮੰਡਲ ਅਧੀਨ ਪੈਂਦੇ ਸ਼ਿਮਗਾ ਗ੍ਰਾਮ ਪੰਚਾਇਤ ਦੇ ਸ਼ਿਕਾਰੀ ਪਿੰਡ ਵਿੱਚ ਨਵੇਂ ਬਣੇ ਸ਼੍ਰੀ ਜਾਰੂ ਨਾਗ ਮੰਦਰ ਵਿੱਚ ਐਤਵਾਰ ਦੇਰ ਰਾਤ ਅੱਗ ਲੱਗ ਗਈ। ਮੰਦਰ ਪੂਰੀ ਤਰ੍ਹਾਂ ਲੱਕੜ ਦਾ ਬਣਿਆ ਹੋਇਆ ਸੀ, ਜਿਸ ਕਾਰਨ ਅੱਗ ਤੇਜ਼ੀ ਨਾਲ ਫੈਲ ਗਈ ਅਤੇ ਥੋੜ੍ਹੇ ਸਮੇਂ ਵਿੱਚ ਹੀ ਪੂਰੇ ਮੰਦਰ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਸਥਾਨਕ ਨਿਵਾਸੀਆਂ ਦੀਆਂ ਕੋੋਸਿ਼ਸ਼ਾਂ ਤੋਂ ਬਾਅਦ ਪਾਇਆ ਕਾਬੂ ਸਥਾਨਕ ਨਿਵਾਸੀਆਂ ਨੇ ਮੌਕੇ `ਤੇ ਪਹੁੰਚ ਕੇ ਕਾਫ਼ੀ ਕੋਸ਼ਿਸ਼ਾਂ ਤੋਂ ਬਾਅਦ ਅੱਗ `ਤੇ ਕਾਬੂ ਪਾਇਆ। ਅੱਗ ਬੁਝਾਉਣ ਲਈ ਫਾਇਰ ਬ੍ਰਿਗੇਡ ਦੀ ਇੱਕ ਟੀਮ ਵੀ ਪਹੁੰਚੀ। ਖੁਸ਼ਕਿਸਮਤੀ ਨਾਲ, ਇਸ ਘਟਨਾ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ, ਪੂਰਾ ਮੰਦਰ ਸੜ ਕੇ ਸੁਆਹ ਹੋ ਗਿਆ। ਅੱਗ ਲੱਗਣ ਦਾ ਕਾਰਨ ਅਜੇ ਤੱਕ ਅਣਜਾਣ ਹੈ। ਇਸ ਘਟਨਾ ਨਾਲ ਮੰਦਰ ਖੇਤਰ ਦੇ ਸ਼ਰਧਾਲੂਆਂ ਅਤੇ ਪਿੰਡ ਵਾਸੀਆਂ ਵਿੱਚ ਡੂੰਘੀ ਨਿਰਾਸ਼ਾ ਫੈਲ ਗਈ, ਕਿਉਂਕਿ ਸ਼੍ਰੀ ਜਾਰੂ ਨਾਗ ਮੰਦਰ ਨੂੰ ਸਥਾਨਕ ਲੋਕਾਂ ਲਈ ਆਸਥਾ ਦਾ ਕੇਂਦਰ ਮੰਨਿਆ ਜਾਂਦਾ ਹੈ। ਮੰਦਰ ਵਿਚ ਪਵਿੱਤਰ ਸਮਾਗਾਮ ਹੋਣਾ ਸੀ ਅਗਲੇ ਸਾਲ ਅਪ੍ਰੈਲ ਮਹੀਨੇ ਵਿਚ ਇਸ ਨਵੇਂ ਬਣੇ ਮੰਦਰ ’ਚ ਪਵਿੱਤਰ ਸਮਾਗਮ ਅਗਲੇ ਸਾਲ ਅਪ੍ਰੈਲ ਵਿੱਚ ਹੋਣ ਵਾਲਾ ਸੀ। ਇਹ ਪੂਰੀ ਤਰ੍ਹਾਂ ਲੱਕੜ ਦਾ ਬਣਿਆ ਹੋਇਆ ਸੀ ਅਤੇ ਇਸਦੀ ਲਾਗਤ 2.5 ਕਰੋੜ ਰੁਪਏ ਸੀ । ਪੰਚਾਇਤ ਮੁਖੀ ਰਾਜ ਕੁਮਾਰ ਨੇ ਕਿਹਾ ਕਿ ਅੱਗ ਲੱਗਣ ਦੇ ਥੋੜ੍ਹੇ ਸਮੇਂ ਵਿੱਚ ਹੀ ਮੰਦਰ ਸੜ ਕੇ ਸੁਆਹ ਹੋ ਗਿਆ। ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਇਸ ਦੌਰਾਨ ਡੀ. ਐਸ. ਪੀ. ਰਾਮਪੁਰ ਨਰੇਸ਼ ਸ਼ਰਮਾ ਨੇ ਕਿਹਾ ਕਿ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ।