National
ਦੇਹਰਾਦੂਨ ਵਿਖੇ ਬੱਸ ਵਲੋਂ 5 ਲੋਕਾਂ ਨੂੰ ਕੁਚਲਣ ਕਾਰਨ ਦੋ ਦੀ ਹੋਈ ਮੌਤ
ਦੇਹਰਾਦੂਨ ਵਿਖੇ ਬੱਸ ਵਲੋਂ 5 ਲੋਕਾਂ ਨੂੰ ਕੁਚਲਣ ਕਾਰਨ ਦੋ ਦੀ ਹੋਈ ਮੌਤ
ਦੇਹਰਾਦੂਨ, 24 ਜੂਨ 2026 : ਭਾਰਤ ਦੇਸ ਦੇ ਸੂਬੇ ਉਤਰਾਖੰਡ (Uttarakhand) ਦੇ ਸ਼ਹਿਰ ਦੇਹਰਾਦੂਨ ਵਿਖੇ ਇਕ ਬਸ ਵਲੋ ਪੰਜ ਵਿਅਕਤੀਆਂ ਨੂੰ ਕੁਚਲਣ (Crush) ਕਾਰਨ ਦੋ ਦੀ ਮੌਤ ਤੇ ਕਈ ਜਖਮੀ ਹੋਏ ਹਨ ।
ਕਿਹੜੇ ਖੇਤਰ ਵਿਖੇ ਵਾਪਰਿਆ ਸੜਕ ਹਦਸਾ
ਮਿਲੀ ਜਾਣਕਾਰੀ ਅਨੁਸਾਰ ਦੇਹਰਾਦੂਨ (Dehradun) ਵਿਚ ਜੋ ਇਕ ਤੇਜ਼ ਰਫ਼ਤਾਰ ਸਿਟੀ ਬੱਸ ਨੇ ਪੰਜ ਪੈਦਲ ਯਾਤਰੀਆਂ ਨੂੰ ਕੁਚਲ ਦਿੱਤਾ ਹੈ , ਜਿਸ ਕਾਰਨ ਦੋ ਦੀ ਮੌਤ ਹੋ ਗਈ ਜਦਕਿ ਕਈ ਜ਼ਖ਼ਮੀ (Injured) ਹੋ ਗਏ ਹਨ ਸਾਰੇ ਪੀੜਤਾਂ ਦੀ ਹਾਲਤ ਗੰਭੀਰ ਹੈ । ਇਹ ਹਾਦਸਾ ਪਟੇਲ ਨਗਰ ਦੇ ਲਾਲਪੁਲ ਇਲਾਕੇ ਵਿਚ ਵਾਪਰਿਆ । ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਚੀਕ-ਚਿਹਾੜਾ ਮਚ ਗਿਆ ਅਤੇ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ । ਇਹ ਘਟਨਾ ਸਵੇਰੇ 11 ਵਜੇ ਦੇ ਕਰੀਬ ਵਾਪਰੀ ਜਦੋਂ ਆਈ. ਐਸ. ਬੀ. ਟੀ. ਤੋਂ ਰਾਜਪੁਰ ਰੋਡ ਜਾ ਰਹੀ ਇਕ ਸਿਟੀ ਬੱਸ ਬੇਕਾਬੂ ਹੋ ਗਈ ਤੇ ਪੈਦਲ ਜਾ ਰਹੇ ਪੰਜ ਵਿਅਕਤੀਆਂ ਨੂੰ ਕੁਚਲ ਦਿੱਤਾ । ਹਾਦਸੇ ਤੋਂ ਬਾਅਦ, ਰਾਹਗੀਰ ਤੁਰੰਤ ਜ਼ਖ਼ਮੀਆਂ ਦੀ ਮਦਦ ਲਈ ਪਹੁੰਚੇ ।
ਜਖਮੀਆਂ ਨੂੰ ਤੁਰੰਤ ਪਹੁੰਚਾਇਆ ਗਿਆ ਹਸਪਤਾਲ
ਉਪਰੋਕਤ ਅਚਾਨਕ ਵਾਪਰੇ ਸੜਕ ਹਾਦਸੇ ਸਬੰਧੀ ਸੂਚਨਾ ਮਿਲਣ `ਤੇ ਪੁਲਸ ਅਤੇ ਐਮਰਜੈਂਸੀ ਸੇਵਾ ਟੀਮਾਂ ਮੌਕੇ `ਤੇ ਪਹੁੰਚੀਆਂ ਅਤੇ ਸਾਰੇ ਜ਼ਖ਼ਮੀਆਂ ਨੂੰ ਇਲਾਜ ਲਈ ਨੇੜਲੇ ਹਸਪਤਾਲ ਭੇਜਿਆ ਗਿਆ । ਘਟਨਾ ਵਾਲੀ ਥਾਂ ਤੇ ਮੌਜੂਦ ਪ੍ਰਤੱਖਦਰਸ਼ੀਆਂ ਅਨੁਸਾਰ ਐਂਬੂਲੈਂਸ ਸਮੇਂ ਸਿਰ ਮੌਕੇ `ਤੇ ਨਹੀਂ ਪਹੁੰਚ ਸਕੀ, ਜਿਸਦੇ ਨਤੀਜੇ ਵਜੋਂ, ਜ਼ਖ਼ਮੀਆਂ ਨੂੰ ਈ-ਰਿਕਸ਼ਾ ਅਤੇ ਆਟੋ-ਰਿਕਸ਼ਾ ਵਿੱਚ ਹਸਪਤਾਲ ਲਿਜਾਣਾ ਪਿਆ ।
ਪੁਲਸ ਕਰ ਰਹੀ ਹੈ ਬਸ ਡਰਾਈਵਰ ਤੋਂ ਹਾਦਸੇ ਸਬੰਧੀ ਜਾਣਕਾਰੀ ਇਕੱਠੀ
ਜਾਣਕਾਰੀ ਅਨੁਸਾਰ ਬੱਸ ਡਰਾਈਵਰ (Bus driver) ਨੂੰ ਦਿਲ ਦਾ ਦੌਰਾ ਪਿਆ । ਇਸ ਘਟਨਾ ਕਾਰਨ ਵੱਡਾ ਟ੍ਰੈਫਿਕ ਜਾਮ ਹੋ ਗਿਆ ਅਤੇ ਕਾਫ਼ੀ ਸਮੇਂ ਤੱਕ ਆਵਾਜਾਈ ਦਾ ਪ੍ਰਵਾਹ ਠੱਪ ਰਿਹਾ । ਪੁਲਸ ਮੌਕੇ `ਤੇ ਪਹੁੰਚ ਗਈ ਹੈ, ਬੱਸ ਡਰਾਈਵਰ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਇਸ ਸਮੇਂ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ।
