ਰਾਣਾ ਬਲਾਚੌਰੀਆ ਦਾ ਗੁੰਮ ਹੋਇਆ ਸਮਾਨ ਜਿਸ ਕੋਲ ਵੀ ਹੈ ਮੋੜ ਦਿਓ : ਪ੍ਰਬੰਧਕ

by Jasbeer Singh
December 22, 2025

ਰਾਣਾ ਬਲਾਚੌਰੀਆ ਦਾ ਗੁੰਮ ਹੋਇਆ ਸਮਾਨ ਜਿਸ ਕੋਲ ਵੀ ਹੈ ਮੋੜ ਦਿਓ : ਪ੍ਰਬੰਧਕ ਮੋਹਾਲੀ, 22 ਦਸੰਬਰ 2025 : ਪੰਜਾਬ ਦੇ ਮੋਹਾਲੀ ਵਿਖੇ ਗੋਲੀਆਂ ਚਲਾਏ ਜਾਣ ਕਾਰਨ ਮੌਤ ਦੇ ਘਾਟ ਉਤਰ ਗਏ ਕਬੱਡੀ ਖਿਡਾਰੀ ਰਾਣਾ ਬਲਾਚੌਰੀਆ ਦੇ ਗੁੰਮ ਹੋਏ ਸਮਾਨ ਦੀ ਵਾਪਸੀ ਲਈ ਸੋਹਾਣਾ ਕਬੱਡੀ ਕੱਪ ਪ੍ਰਬੰਧਕਾਂ ਨੇ ਵੀ ਐਲਾਨ ਕਰ ਦਿੱਤਾ ਹੈ। ਪ੍ਰਬੰਧਕਾਂ ਨੇ ਕਿਹਾ ਹੈ ਕਿ ਜਿਸ ਕਿਸੇ ਕੋਲ ਵੀ ਰਾਣਾ ਦਾ ਸਮਾਨ ਹੈ ਵਾਪਸ ਕਰ ਦਿਓ ਜਿਸ ਲਈ ਉਹ ਪੈਸੇ ਦੇਣ ਲਈ ਵੀ ਤਿਆਰ ਹਨ ਤਾਂ ਜੋ ਰਾਣਾ ਦੇ ਮਾਪਿਆਂ ਨੂੰ ਉਨ੍ਹਾਂ ਦੇ ਪੁੱਤਰ ਦਾ ਆਖਰੀ ਯਾਦਗਾਰੀ ਚਿੰਨ੍ਹ ਮਿਲ ਸਕੇ। ਕੀ ਕੀ ਗੁੰਮ ਹੋਇਆ ਸੀ ਰਾਣਾ ਦਾ ਸਮਾਨ ਕਬੱਡੀ ਪ੍ਰਮੋਟਰ ਰਾਣਾ ਬਲਾਚੌਰੀਆ ਜਿਸ ਦਾ ਕਤਲ ਤੋਂ ਬਾਅਦ ਸਮਾਨ ਹੀ ਨਹੀਂ ਬਰਾਮਦ ਹੋਇਆ ਵਿਚ ਸੋਨੇ ਦਾ ਬਰੇਸਲੇਟ, ਚੇਨ ਅਤੇ ਰਿਵਾਲਵਰ ਸ਼ਾਮਲ ਹੈ। ਇਹ ਸਮਾਨ ਹਾਲੇ ਤੱਕ ਪੁਲਸ ਟੀਮਾਂ ਨੂੰ ਬਰਾਮਦ ਨਹੀਂ ਹੋਇਆ ਹੈ।ਜਿਸ ਦੀ ਬਰਾਮਦਗੀ ਲਈ ਸੋਹਾਣਾ ਕਬੱਡੀ ਕੱਪ ਦੇ ਪ੍ਰਬੰਧਕਾਂ ਨੇ ਵੀ ਐਲਾਨ ਕਰ ਦਿੱਤਾ ਹੈ। ਜੋ ਵੀ ਸਮਾਨ ਦੇਵੇਗਾ ਨੂੰ ਸਮਾਨ ਦੀ ਕੀਮਤ ਦੇ ਬਰਾਬਰ ਦਾ ਕੀਤਾ ਜਾਵੇਗਾ ਭੁਗਤਾਨ ੋਸੋਹਾਣਾ ਕਬੱਡੀ ਕੱਪ ਦੇ ਮੈਂਬਰਾਂ ਨੇ ਫੈਸਲਾ ਕੀਤਾ ਹੈ ਕਿ ਜੋ ਵੀ ਬਰੇਸਲੇਟ, ਚੇਨ ਅਤੇ ਰਿਵਾਲਵਰ ਸੌਂਪੇਗਾ, ਨੂੰ ਉਨ੍ਹਾਂ ਦੀ ਕੀਮਤ ਦੇ ਬਰਾਬਰ ਭੁਗਤਾਨ ਕੀਤਾ ਜਾਵੇਗਾ। ਮੋਹਾਲੀ ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਅਤੇ ਪਰਿਵਾਰ ਨੂੰ ਭਰੋਸਾ ਦਿੱਤਾ ਕਿ ਚੀਜ਼ਾਂ ਜਲਦੀ ਹੀ ਬਰਾਮਦ ਕਰ ਲਈਆਂ ਜਾਣਗੀਆਂ ਅਤੇ ਉਨ੍ਹਾਂ ਨੂੰ ਵਾਪਸ ਕਰ ਦਿੱਤੀਆਂ ਜਾਣਗੀਆਂ।