ਬੈਂਗਲੁਰੂ `ਚ 7.11 ਕਰੋੜ ਰੁਪਏ ਲੁੱਟਣ ਸਬੰਧੀ 3 ਗ੍ਰਿਫ਼ਤਾਰ

by Jasbeer Singh
November 23, 2025

ਬੈਂਗਲੁਰੂ `ਚ 7.11 ਕਰੋੜ ਰੁਪਏ ਲੁੱਟਣ ਸਬੰਧੀ 3 ਗ੍ਰਿਫ਼ਤਾਰ ਬੈਂਗਲੁਰੂ, 23 ਨਵੰਬਰ 2025 : ਸਥਾਨਕ ਪੁਲਸ ਕਮਿਸ਼ਨਰ ਸੀਮੰਤ ਕੁਮਾਰ ਸਿੰਘ ਨੇ ਕਿਹਾ ਹੈ ਕਿ ਸ਼ਹਿਰ `ਚ 7.11 ਕਰੋੜ ਰੁਪਏ ਦੀ ਹੋਈ ਲੁੱਟ ਸਬੰਧੀ ਇਕ ਪੁਲਸ ਕਾਂਸਟੇਬਲ ਸਮੇਤ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ । ਉਨ੍ਹਾਂ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਹੁਣ ਤੱਕ 5.76 ਕਰੋੜ ਰੁਪਏ ਬਰਾਮਦ ਕੀਤੇ ਗਏ ਹਨ । ਬਾਕੀ ਰਕਮ ਦਾ ਪਤਾ ਲਾਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਸੇਮੰਤ ਕੁਮਾਰ ਨੇ ਕਿਹਾ ਕਿ ਅਸੀਂ ਇਸ ਕਾਰਵਾਈ ਲਈ 11 ਟੀਮਾਂ ਬਣਾਈਆਂ ਹਨ। 200 ਪੁਲਸ ਅਧਿਕਾਰੀ ਤੇ ਮੁਲਾਜ਼ਮ ਵੀ ਤਾਇਨਾਤ ਕੀਤੇ ਹਨ। ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿਚ ਕੌਣ ਕੌਣ ਹੈ ਸ਼ਾਮਲ ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ `ਚ ਕਾਂਸਟੇਬਲ ਅਨੱਪਾ ਨਾਇਕ, ਸੀ. ਐੱਮ. ਐੱਸ. ਇਨਫੋ ਬ ਸਿਸਟਮਜ਼ ਦੇ ਸਾਬਕਾ ਮੁਲਾਜ਼ਮ ਜ਼ੇਵੀਅਰ ਤੇ ਵਾਹਨ ਇੰਚਾਰਜ ਗੋਪੀ ਸ਼ਾਮਲ ਹਨ । ਉਨ੍ਹਾਂ ਤਿੰਨ ਮਹੀਨੇ ਪਹਿਲਾਂ ਲੁੱਟ ਦੀ ਸਾਜ਼ਿਸ਼ ਰਚੀ ਸੀ। 19 ਨਵੰਬਰ ਨੂੰ ਉਨ੍ਹਾਂ ਕਥਿਤ ਰੂਪ `ਚ ਆਰ. ਬੀ. ਆਈ. ਦੇ ਅਧਿਕਾਰੀ ਬਣ ਕੇ ਪੈਸਿਆਂ ਨਾਲ ਭਰੀ ਇਕ ਵੈਨ ਨੂੰ ਰੋਕਿਆ ਤੇ 7.11 ਕਰੋੜ ਰੁਪਏ ਲੈ ਕੇ ਫਰਾਰ ਹੋ ਗਏ।