ਪਾਕਿਸਤਾਨ ਲਈ ਕੰਮ ਕਰਨ ਵਾਲੇ 4 ਅੱਤਵਾਦੀ ਲਖਨਊ ਤੋਂ ਗ੍ਰਿਫ਼ਤਾਰ

by Jasbeer Singh
April 4, 2026

ਪਾਕਿਸਤਾਨ ਲਈ ਕੰਮ ਕਰਨ ਵਾਲੇ 4 ਅੱਤਵਾਦੀ ਲਖਨਊ ਤੋਂ ਗ੍ਰਿਫ਼ਤਾਰ ਮੇਰਠ, 4 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਐਂਟੀ ਟੈਰਰਿਸਟ ਸਕੁਐਡ ਵਲੋਂ ਚਾਰ ਅੱਤਵਾਦੀਆਂ ਨੂੰ ਲਖਨਊ ਤੋਂ ਗ੍ਰਿਫ਼ਤਾਰ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਕੀ ਸੀ ਚਾਰ ਮੈਂਬਰਾਂ ਤੇ ਆਧਾਰਤ ਗਿਰੋਹ ਦਾ ਮਕਸਦ ਮਿਲੀ ਜਾਣਕਾਰੀ ਅਨੁਸਾਰ ਐਂਟੀ-ਟੈਰਰਿਸਟ ਸਕੁਐਡ (ਏ: ਟੀ. ਐੱਸ.) ਨੇ ਜੋ ਮੇਰਠ ਅਤੇ ਨੋਇਡਾ ਵਿਚ ਇਕ ਭਾਰਤੀ ਗਿਰੋਹ ਦੇ 4 ਮੈਂਬਰਾਂ (ਅੱਤਵਾਦੀਆਂ) ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਪਾਕਿਸਤਾਨੀ ਹੈਂਡਲਰ ਦੇ ਸੰਪਰਕ ਵਿਚ ਰਹਿੰਦੇ ਹੋਏ ਦੇਸ਼ ਵਿਰੋਧੀ ਗਤੀਵਿਧੀਆਂ ਵਿਚ ਸ਼ਾਮਲ ਸਨ । ਗਿਰੋਹ ਦਾ ਮੁੱਖ ਮਕਸਦ ਮਹੱਤਵਪੂਰਨ ਸੰਸਥਾਵਾਂ ਅਤੇ ਸਿਆਸੀ ਵਿਅਕਤੀਆਂ ਦੀ ਰੇਕੀ ਕਰ ਕੇ ਜਾਣਕਾਰੀ ਪਾਕਿਸਤਾਨੀ ਹੈਂਡਲਰ ਨੂੰ ਭੇਜਣਾ ਅਤੇ ਦੇਸ਼ ਨੂੰ ਨੁਕਸਾਨ ਪਹੁੰਚਾਉਣਾ ਸੀ । ਕੀ ਆਇਆ ਹੈ ਜਾਂਚ ਵਿਚ ਸਾਹਮਣੇ ਜਾਂਚ ਵਿਚ ਪਤਾ ਲੱਗਾ ਹੈ ਕਿ ਗਿਰੋਹ ਦਾ ਮੁੱਖ ਮੈਂਬਰ ਸਾਕਿਬ ਉਰਫ ਡੇਵਿਲ (25) ਹੈ, ਜੋ ਨਾਈ ਦਾ ਕੰਮ ਕਰਦਾ ਹੈ। ਹੋਰ ਗ੍ਰਿਫ਼ਤਾਰ ਮੈਂਬਰਾਂ ਵਿਚ ਅਰਬਾਬ (20) ਪੁੱਤਰ ਰਹੀਸ਼ੂਦੀਨ, ਨਿਵਾਸੀ ਅਗਵਾਨਪੁਰ ਥਾਣਾ ਪਰੀਕਸ਼ਿਤਗੜ੍ਹ ਮੇਰਠ, ਵਿਕਾਸ ਗਹਿਲਾਵਤ ਉਰਫ ਰੌਣਕ (27) ਪੁੱਤਰ ਰਵਿੰਦਰ ਨਿਵਾਸੀ ਰਾਮ ਵਿਹਾਰ, ਲੋਕੇਸ਼ ਉਰਫ ਪਪਲਾਤ (19) ਪੁੱਤਰ ਰੋਹਤਾਸ਼ ਸ਼ਰਮਾ, ਨਿਵਾਸੀ ਰਾਮਵਿਹਾਰ ਕਾਲੋਨੀ ਛਪਰੌਲਾ ਨੋਇਡਾ ਸ਼ਾਮਲ ਹਨ ।