ਏਅਰਪੋਰਟ ਪੁਲਸ ਨੇ ਕੀਤਾ ਦਿੱਲੀ ‘ਚ ਚੱਲ ਰਹੀ ‘ਫਰਜ਼ੀ ਵੀਜ਼ਾ ਫੈਕਟਰੀ’ ਦਾ ਪਰਦਾਫਾਸ਼

by Jasbeer Singh
September 15, 2024

ਏਅਰਪੋਰਟ ਪੁਲਸ ਨੇ ਕੀਤਾ ਦਿੱਲੀ ‘ਚ ਚੱਲ ਰਹੀ ‘ਫਰਜ਼ੀ ਵੀਜ਼ਾ ਫੈਕਟਰੀ’ ਦਾ ਪਰਦਾਫਾਸ਼ ਨਵੀਂ ਦਿੱਲੀ : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਖੇ ਬਣੇ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ ਪੁਲਸ ਨੇ ਦਿੱਲੀ ‘ਚ ਚੱਲ ਰਹੀ ‘ਫਰਜ਼ੀ ਵੀਜ਼ਾ ਫੈਕਟਰੀ’ ਦਾ ਪਰਦਾਫਾਸ਼ ਕੀਤਾ ਹੈ। ਜਾਅਲੀ ਪਾਸਪੋਰਟਾਂ ਦੀ ਇਸ ‘ਫੈਕਟਰੀ’ ਵਿਚ ਜਾਅਲੀ ਪਾਸਪੋਰਟਾਂ ਦੀ ਇੰਨੀ ਸਟੀਕਤਾ ਨਾਲ ਤਿਆਰੀ ਕੀਤੀ ਜਾ ਰਹੀ ਸੀ ਕਿ ਆਮ ਆਦਮੀ ਦੀ ਗੱਲ ਤਾਂ ਛੱਡੋ, ਪੁਲਸ ਲਈ ਇਨ੍ਹਾਂ ਦੀ ਸ਼ਨਾਖਤ ਕਰਨੀ ਕੋਈ ਆਸਾਨ ਗੱਲ ਨਹੀਂ ਸੀ।ਇਹ ਗਿਰੋਹ ਵੀਜ਼ਾ ਬਣਾਉਣ ਲਈ ਖਾਸ ਕਿਸਮ ਦੇ ਕਾਗਜ਼ ਦੀ ਵਰਤੋਂ ਕਰਦਾ ਸੀ। ਨਾਲ ਹੀ, ਇਹ ਲੋਕ ਆਪਣੇ ਵੀਜ਼ਿਆਂ ਵਿੱਚ ਉਹ ਸਾਰੀਆਂ ਸੁਰੱਖਿਆ ਵਿਸ਼ੇਸ਼ਤਾਵਾਂ ਸ਼ਾਮਲ ਕਰਦੇ ਸਨ, ਜੋ ਅਸਲ ਵੀਜ਼ਿਆਂ ਵਿੱਚ ਮੌਜੂਦ ਹਨ। ਆਈਜੀਆਈ ਏਅਰਪੋਰਟ ਪੁਲਿਸ ਇਸ ਮਾਮਲੇ ਵਿੱਚ ਹੁਣ ਤੱਕ ਛੇ ਗ੍ਰਿਫ਼ਤਾਰੀਆਂ ਕਰ ਚੁੱਕੀ ਹੈ। ਪੁਲਿਸ ਨੂੰ ਮੌਕੇ ਤੋਂ ਵੱਡੀ ਗਿਣਤੀ ਵਿੱਚ ਵੀਜ਼ੇ ਬਣਾਉਣ ਵਿੱਚ ਵਰਤੀ ਜਾਂਦੀ ਸਮੱਗਰੀ ਵੀ ਬਰਾਮਦ ਹੋਈ ਹੈ।ਆਈਜੀਆਈ ਏਅਰਪੋਰਟ ਪੁਲਸ ਦੀ ਡਿਪਟੀ ਕਮਿਸ਼ਨਰ ਊਸ਼ਾ ਰੰਗਨਾਨੀ ਮੁਤਾਬਕ ਫਰਜ਼ੀ ਵੀਜ਼ਾ ਬਣਾਉਣ ਵਾਲੀ ਇਹ ਫੈਕਟਰੀ ਦਿੱਲੀ ਦੇ ਤਿਲਕ ਨਗਰ ਇਲਾਕੇ ਵਿੱਚ ਚੱਲ ਰਹੀ ਸੀ। ਛਾਪੇਮਾਰੀ ਦੌਰਾਨ ਪੁਲਿਸ ਨੇ ਮੌਕੇ ਤੋਂ ਛੇ ਏਜੰਟਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਹੈ ।