ਭਦੋਹੀ `ਚ ਖੁਦਾਈ ਦੌਰਾਨ ਇੱਟਾਂ ਦੇ ਭੱਠੇ ਵਿਚੋਂ ਮਿਲਿਆ ਪ੍ਰਾਚੀਨ ਸ਼ਿਵਲਿੰਗ

by Jasbeer Singh
November 30, 2025

ਭਦੋਹੀ `ਚ ਖੁਦਾਈ ਦੌਰਾਨ ਇੱਟਾਂ ਦੇ ਭੱਠੇ ਵਿਚੋਂ ਮਿਲਿਆ ਪ੍ਰਾਚੀਨ ਸ਼ਿਵਲਿੰਗ ਭਦੋਹੀ, 30 ਨਵੰਬਰ 2025 : ਉੱਤਰ ਪ੍ਰਦੇਸ਼ ਦੇ ਭਦੋਹੀ ਜਿ਼ਲੇ ਦੇ ਅਸਤੀ ਪਿੰਡ ਵਿਚ ਇਕ ਇੱਟਾਂ ਦੇ ਭੱਠੇ `ਤੇ ਖੁਦਾਈ ਦੌਰਾਨ ਸੈਂਕੜੇ ਸਾਲ ਪੁਰਾਣਾ ਇਕ ਵਿਸ਼ਾਲ ਸਿ਼ਵਲਿੰਗ ਮਿਲਿਆ ਹੈ, ਜਿਸ ਤੋਂ ਬਾਅਦ ਪਿੰਡ ਵਾਸੀਆਂ ਵਿਚ ਉਤਸ਼ਾਹ ਅਤੇ ਸ਼ਰਧਾ ਦੀ ਲਹਿਰ ਦੌੜ ਗਈ ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਸਤੀ ਪਿੰਡ ਵਿਚ ਅਰੁਣ ਸਿੰਘ ਦੇ ਇੱਟਾਂ ਦੇ ਭੱਠੇ `ਤੇ ਮਿੱਟੀ ਦੀ ਖੁਦਾਈ ਚੱਲ ਰਹੀ ਸੀ । ਕਿਵੇਂ ਨਿਕਲਿਆ ਸਿ਼ਵਲਿੰਗ ਇਕ ਚਰਵਾਹੇ ਨੰਨਹਕੂ ਵਲੋਂ ਜਦੋਂ ਮਿੱਟੀ ਵਿਚ ਦੱਬੀ ਇਕ ਪੱਥਰ ਵਰਗੀ ਵਸਤੂ ਨੂੰ ਹਟਾਉਣ ਦੀ ਕੋਸਿ਼ਸ਼ ਕੀਤੀ ਗਈ ਤਾਂ ਇਕ ਸਿ਼ਵਲਿੰਗ ਵਰਗੀ ਬਣਤਰ ਦਿਖਾਈ ਦਿੱਤੀ । ਜਿਸ ਬਾਰੇ ਪਤਾ ਲੱਗਦਿਆਂ ਹੀ ਪਿੰਡ ਵਾਸੀ ਵੱਡੀ ਗਿਣਤੀ ਵਿਚ ਘਟਨਾ ਵਾਲੀ `ਤੇ ਪਹੁੰਚਣੇ ਸ਼ੁਰੂ ਹੋ ਗਏ ਅਤੇ ਪੂਰੇ ਸਿ਼ਵਲਿੰਗ ਨੂੰ ਬਾਹਰ ਕੱਢਿਆ। ਸਿ਼ਵਲਿੰਗ ਦੇ ਆਕਾਰ ਅਤੇ ਇਸ `ਤੇ ਕੀਤੀ ਗਈ ਕਲਾਕ੍ਰਿਤੀ ਨੂੰ ਦੇਖ ਕੇ ਅਜਿਹਾ ਲੱਗਦਾ ਹੈ ਜਿਵੇਂ ਇਹ ਸੈਂਕੜੇ ਸਾਲ ਪੁਰਾਣਾ ਹੋਵੇ ।ਲੋਕਾਂ ਨੇ ਗੰਗਾਜਲ, ਦੁੱਧ ਅਤੇ ਪੂਜਾ ਦੀ ਸਮੱਗਰੀ ਨਾਲ ਸਿ਼ਵਲਿੰਗ ਦਾ ਅਭਿਸ਼ੇਕ ਕੀਤਾ । ਪਿੰਡ ਵਾਸੀਆਂ ਨੇ ਇਸ ਥਾਂ `ਤੇ ਮੰਦਰ ਦੀ ਉਸਾਰੀ ਦਾ ਸੰਕਲਪ ਪ੍ਰਗਟਾਇਆ ਹੈ ।