ਵਿਆਹਾਂ ਦਾ ਸੀਜ਼ਨ ਸ਼ੁਰੂ ਹੁੰਦਿਆਂ ਹੀ ਪਹਿਲੇ 35 ਦਿਨਾਂ ਚ 48 ਲੱਖ ਜੋੜੇ ਕਰਵਾਉਣਗੇ ਵਿਆਹ

ਵਿਆਹਾਂ ਦਾ ਸੀਜ਼ਨ ਸ਼ੁਰੂ ਹੁੰਦਿਆਂ ਹੀ ਪਹਿਲੇ 35 ਦਿਨਾਂ ਚ 48 ਲੱਖ ਜੋੜੇ ਕਰਵਾਉਣਗੇ ਵਿਆਹ ਚੰਡੀਗੜ੍ਹ : ਜਿਊਂ ਜਿਊਂ ਸਰਦੀਆਂ ਦਾ ਮੌਸਮ ਵੀ ਆਪਣੇ ਜੋਰਾਂ ਤੇ ਹੁੰਦਾ ਜਾ ਰਿਹਾ ਹੈ ਉਵੇਂ ਉਵੇਂ ਵਿਆਹਾਂ ਦਾ ਸੀਜ਼ਨ ਵੀ ਹੋਲੀ ਹੋਲੀ ਜ਼ੋਰ ਫੜਦਾ ਜਾ ਰਿਹਾ ਹੈ ਦੇ ਚਲਦਿਆਂ ਇਸ ਸਾਲ ਵਿਆਹ ਦੀਆਂ ਰਸਮਾਂ 16 ਦਸੰਬਰ ਤੱਕ ਜਾਰੀ ਰਹਿਣਗੀਆਂ । ਇਕ ਅੰਦਾਜ਼ੇ ਮੁਤਾਬਕ ਇਸ ਸਮੇਂ ਦੌਰਾਨ ਦੇਸ਼ ਭਰ ਵਿੱਚ ਲਗਭਗ 28 ਲੱਖ ਵਿਆਹ ਹੋਣਗੇ ਤੇ ਇਨ੍ਹਾਂ ਵਿਆਹਾਂ ਤੋਂ ਲਗਭਗ 6 ਲੱਖ ਕਰੋੜ ਰੁਪਏ ਬਾਜ਼ਾਰ ਵਿੱਚ ਆਉਣ ਦੀ ਉਮੀਦ ਹੈ, ਜਿਸ ਨਾਲ ਅਰਥ ਵਿਵਸਥਾ ਨੂੰ ਇਕ ਨਵਾਂ ਹੁਲਾਰਾ ਮਿਲੇਗਾ।ਦੇਸ਼ ਦੇ ਪ੍ਰਚੂਨ ਵਪਾਰੀਆਂ ਦੇ ਸੰਗਠਨ ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟਰੇਡਰਜ਼ ਨੇ ਇਕ ਅਧਿਐਨ ਰਿਪੋਰਟ ਜਾਰੀ ਕੀਤੀ ਹੈ । ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਸਾਲ ਨਵੰਬਰ ਅਤੇ ਦਸੰਬਰ ਦੇ ਮਹੀਨਿਆਂ ਵਿੱਚ ਲਗਭਗ 48 ਲੱਖ ਵਿਆਹ ਹੋਣ ਦੀ ਉਮੀਦ ਹੈ। ਸੰਸਥਾ ਦਾ ਕਹਿਣਾ ਹੈ ਕਿ ਇਨ੍ਹਾਂ ਵਿਆਹਾਂ ਤੋਂ 6 ਲੱਖ ਕਰੋੜ ਰੁਪਏ ਦਾ ਕਾਰੋਬਾਰ ਹੋਣ ਦੀ ਉਮੀਦ ਹੈ । ਪਿਛਲੇ ਸਾਲ ਇਸ ਸੀਜ਼ਨ `ਚ ਕਰੀਬ 35 ਲੱਖ ਵਿਆਹਾਂ `ਚੋਂ 4.25 ਲੱਖ ਕਰੋੜ ਰੁਪਏ ਦਾ ਕਾਰੋਬਾਰ ਹੋਇਆ ਸੀ । ਕੈਟ ਦਾ ਕਹਿਣਾ ਹੈ ਕਿ ਇਹ ਅੰਦਾਜ਼ਾ ਦੇਸ਼ ਭਰ ਦੇ 75 ਵੱਡੇ ਸ਼ਹਿਰਾਂ `ਚ ਵਿਆਹ ਨਾਲ ਸਬੰਧਤ ਸਮਾਨ ਅਤੇ ਸੇਵਾਵਾਂ ਦਾ ਵਪਾਰ ਕਰਨ ਵਾਲੇ ਪ੍ਰਮੁੱਖ ਵਪਾਰੀ ਸੰਗਠਨਾਂ ਨਾਲ ਗੱਲਬਾਤ ਦੇ ਆਧਾਰ `ਤੇ ਕੀਤਾ ਗਿਆ ਹੈ । ਦੱਸਿਆ ਜਾਂਦਾ ਹੈ ਕਿ ਇਸ ਸਾਲ ਸ਼ੁਭ ਵਿਆਹ ਦੀਆਂ ਤਰੀਖਾਂ ਵਧਣ ਨਾਲ ਕਾਰੋਬਾਰ `ਚ ਕਾਫੀ ਵਾਧਾ ਹੋਣ ਦੀ ਉਮੀਦ ਹੈ । ਸਾਲ 2023 ਵਿੱਚ 11 ਸ਼ੁਭ ਸਮੇਂ ਸਨ, ਜਦੋਂ ਕਿ ਇਸ ਸਾਲ 18 ਸ਼ੁਭ ਸਮੇ ਹਨ । ਇਸ ਨਾਲ ਕਾਰੋਬਾਰ ਨੂੰ ਹੋਰ ਹੁਲਾਰਾ ਮਿਲਣ ਦੀ ਸੰਭਾਵਨਾ ਹੈ । ਇਸ ਸਮੇਂ ਦੌਰਾਨ, ਇਕੱਲੇ ਦਿੱਲੀ ਵਿਚ ਅੰਦਾਜ਼ਨ 4.5 ਲੱਖ ਵਿਆਹ ਹੋਣਗੇ । ਇਸ ਸੀਜ਼ਨ `ਚ 1.5 ਲੱਖ ਕਰੋੜ ਰੁਪਏ ਦਾ ਕਾਰੋਬਾਰ ਹੋਣ ਦੀ ਉਮੀਦ ਹੈ।ਕੈਟ ਮੁਤਾਬਕ ਇਸ ਸਾਲ ਵਿਆਹਾਂ ਦੇ ਸੀਜ਼ਨ `ਚ ਨਵੰਬਰ `ਚ ਸ਼ੁਭ ਤਾਰੀਖਾਂ 12, 13, 17, 18, 22, 23, 25, 26, 28 ਅਤੇ 29 ਹਨ, ਜਦੋਂ ਕਿ ਦਸੰਬਰ `ਚ ਇਹ ਤਾਰੀਖਾਂ 4, 5, 9, 10, 11, 14, 15 ਅਤੇ 16 ਹਨ । ਇਸ ਤੋਂ ਬਾਅਦ ਕਰੀਬ ਇੱਕ ਮਹੀਨੇ ਤੱਕ ਵਿਆਹਾਂ ਦੇ ਸੀਜ਼ਨ ਵਿੱਚ ਬਰੇਕ ਲੱਗੇਗੀ । ਇਸ ਤੋਂ ਬਾਅਦ ਸਾਲ 2025 ਵਿੱਚ ਜਨਵਰੀ ਦੇ ਅੱਧ ਤੋਂ ਮਾਰਚ ਤੱਕ ਫਿਰ ਤੋਂ ਵਿਆਹ ਸ਼ੁਰੂ ਹੋ ਜਾਣਗੇ । ਕੈਟ ਦੇ ਜਨਰਲ ਸਕੱਤਰ ਪ੍ਰਵੀਨ ਖੰਡੇਲਵਾਲ ਮੁਤਾਬਕ ਦੋ ਮਹੀਨਿਆਂ `ਚ ਦੇਸ਼ ਭਰ `ਚ 10 ਲੱਖ ਵਿਆਹਾਂ `ਤੇ ਔਸਤਨ 3 ਲੱਖ ਰੁਪਏ ਖਰਚ ਕੀਤੇ ਜਾਣਗੇ। 10 ਲੱਖ ਦੇ ਕਰੀਬ ਵਿਆਹਾਂ `ਤੇ 6 ਲੱਖ ਰੁਪਏ ਖਰਚ ਹੋਣਗੇ । ਇੱਥੇ 10 ਲੱਖ ਦੇ ਕਰੀਬ ਵਿਆਹ ਹੋਣਗੇ ਜਿਨ੍ਹਾਂ `ਚ 10 ਲੱਖ ਰੁਪਏ ਖਰਚ ਹੋਣਗੇ ਅਤੇ ਇੰਨੇ ਹੀ ਵਿਆਹਾਂ `ਤੇ 15 ਲੱਖ ਰੁਪਏ ਖਰਚ ਹੋਣਗੇ। ਇੱਥੇ 7 ਲੱਖ ਦੇ ਕਰੀਬ ਵਿਆਹ ਹੋਣਗੇ ਜਿਨ੍ਹਾਂ ਵਿੱਚ ਔਸਤਨ ਖਰਚਾ 25 ਲੱਖ ਰੁਪਏ ਹੋਵੇਗਾ ਜਦਕਿ 50 ਹਜ਼ਾਰ ਵਿਆਹਾਂ `ਤੇ 50 ਲੱਖ ਰੁਪਏ ਖਰਚ ਹੋਣਗੇ । ਦੇਸ਼ `ਚ 50,000 ਦੇ ਕਰੀਬ ਅਜਿਹੇ ਵਿਆਹ ਹੋਣਗੇ, ਜਿਨ੍ਹਾਂ `ਤੇ 1 ਕਰੋੜ ਰੁਪਏ ਜਾਂ ਇਸ ਤੋਂ ਜ਼ਿਆਦਾ ਖਰਚ ਹੋਣ ਦੀ ਉਮੀਦ ਹੈ ।