ਬੈਂਕ ਮੈਨੇਜਰ ਨੂੰ ਸੁਰੱਖਿਆ ਗਾਰਡ ਨੇ ਝਗੜੇ ਦੌਰਾਨ ਮਾਰੀ ਗੋਲੀ

by Jasbeer Singh
March 17, 2026

ਬੈਂਕ ਮੈਨੇਜਰ ਨੂੰ ਸੁਰੱਖਿਆ ਗਾਰਡ ਨੇ ਝਗੜੇ ਦੌਰਾਨ ਮਾਰੀ ਗੋਲੀ ਗਾਜ਼ੀਆਬਾਦ, 17 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ ਦੇ ਸ਼ਹਿਰ ਗਾਜੀਆਬਾਦ ਵਿਖੇ ਸੁਰੱਖਿਆ ਗਾਰਡ ਵਲੋਂ ਬੈਂਕ ਮੈਨੇਜਰ ਨੂੰ ਗੋਲੀ ਮਾਰ ਕੇ ਕਤਲ ਕੀਤੇ ਜਾਣ ਦਾ ਸਮਾਚਾਰ ਹੈ। ਕੀ ਕਾਰਨ ਸੁਰੱਖਿਆ ਗਾਰਡ ਵਲੋਂ ਅਜਿਹਾ ਕੀਤੇ ਜਾਣ ਦਾ ਮਿਲੀ ਜਾਣਕਾਰੀ ਅਨੁਸਾਰ ਗਾਜੀਆਬਾਅਦ ਵਿਖੇ ਪੰਜਾਬ ਐਂਡ ਸਿੰਧ ਬੈਂਕ ਦੇ ਮੈਨੇਜਰ ਅਭਿਸ਼ੇਕ ਸ਼ਰਮਾ ਜੋ ਕਿ 34 ਸਾਲਾਂ ਦੇ ਹਨ ਨੂੰ ਬੈਂਕ ਦੇ ਹੀ ਸੁਰੱਖਿਆ ਕਰਮਚਾਰੀ ਵਲੋਂ ਜੋ ਗੋਲੀ ਮਾਰ ਕੇ ਹੱਤਿਆ ਕਰਨ ਦਾ ਘਟਨਾਕ੍ਰਮ ਵਾਪਰਿਆ ਹੈ ਦਾ ਮੁੱਖ ਕਾਰਨ ਸੁਰੱਖਿਆ ਗਾਰਡ ਵਲੋਂ ਬੈਂਕ ਮੈਨੇਜਰ ਵਲੋਂ ਛੁੱਟੀਆਂ ਨਾ ਦੇਣ ਤੇ ਹੋਇਆ ਝਗੜਾ ਹੈ। ਸੁਰੱਖਿਆ ਗਾਰਡ ਰਵਿੰਦਰ ਕਈ ਦਿਨਾਂ ਤੋਂ ਬੈਂਕ ਮੈਨੇਜਰ ਤੋਂ ਛੁੱਟੀ ਮੰਗ ਰਿਹਾ ਸੀ ਪਰ ਇਸ ਗੱਲ ਨੂੰ ਲੈ ਕੇ ਹੋਏ ਝਗੜੇ ਦੌਰਾਨ ਅਖੀਰਕਾਰ ਗਾਰਡ ਨੇ ਬੈਂਕ ਮੈਨੇਜਰ ਨੂੰ ਗੋਲੀ ਮਾਰ ਦਿੱਤੀ। ਬੈਂਕ ਸਟਾਫ ਨੇ ਪਹੁੰਚਾਇਆ ਮੈਨੇਜਰ ਨੂੰ ਹਸਪਤਾਲ ਬੈਂਕ ਵਿਚ ਬੀਤੀ ਦੁਪਹਿਰ ਇੱਕੋਦਮ ਹੀ ਗੋਲੀ ਚੱਲਣ ਦੀ ਘਟਨਾ ਕਾਰਨ ਜਿਥੇ ਬੈਂਕ ਦੇ ਅੰਦਰ ਡਰ ਦਾ ਮਾਹੌਲ ਪੈਦਾ ਹੋ ਗਿਆ ਦੇ ਚਲਦਿਆਂ ਬੈਂਕ ਕਰਮਚਾਰੀਆਂ ਨੇ ਬੈਂਕ ਮੈਨੇਜਰ ਨੂੰ ਇਲਾਜ ਲਈ ਤੁਰੰਤ ਹਸਪਤਾਲ ਪਹੁੰਚਾਇਆ ਪਰ ਹਸਪਤਾਲ ਪਹੁੰਚਣ ਤੋਂ ਪਹਿਲਾਂ ਹੀ ਬੈਂਕ ਮੈਨੇਜਰ ਦੀ ਮੌਤ ਗਈ । ਕੀ ਦੱਸਿਆ ਏ. ਸੀ. ਪੀ. ਨੇ ਏ. ਸੀ. ਪੀ. ਗਿਆਨ ਪ੍ਰਕਾਸ਼ ਰਾਏ ਨੇ ਕਿਹਾ ਕਿ ਮੁਲਜ਼ਮ ਗਾਰਡ ਬਾਗਪਤ ਦਾ ਰਹਿਣ ਵਾਲਾ ਹੈ । ਉਸ ਦਾ ਮੈਨੇਜਰ ਅਭਿਸ਼ੇਕ ਸ਼ਰਮਾ ਨਾਲ ਛੁੱਟੀ ਨੂੰ ਲੈ ਕੇ ਲੰਬੇ ਸਮੇਂ ਤੋਂ ਵਿਵਾਦ ਚੱਲ ਰਿਹਾ ਸੀ, ਜਿਸ ਕਾਰਨ ਉਸ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ । ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ । ਪੁਲਸ ਅਨੁਸਾਰ ਮੁਲਜ਼ਮ ਗਾਰਡ ਰਵਿੰਦਰ ਹੁੱਡਾ (45), 2018 ਵਿੱਚ ਫੌਜ ਤੋਂ ਸੇਵਾਮੁਕਤ ਹੋਇਆ ਸੀ । ਉਹ ਬਾਗਪਤ ਦੇ ਮਨਸੂਰਪੁਰ ਥਾਣਾ ਖੇਤਰ ਦੇ ਚੰਦੀਨਗਰ ਦਾ ਰਹਿਣ ਵਾਲਾ ਹੈ । ਪੁਲਸ ਨੇ ਸੁਰੱਖਿਆ ਗਾਰਡ ਤੇ ਸਾਥੀ ਨੂੰ ਕਰ ਲਿਆ ਹੈ ਗ੍ਰਿਫ਼ਤਾਰ ਰਵਿੰਦਰ ਨੇ ਤਿੰਨ ਮਹੀਨੇ ਪਹਿਲਾਂ ਇੱਕ ਏਜੰਸੀ ਰਾਹੀਂ ਪੰਜਾਬ ਐਂਡ ਸਿੰਧ ਬੈਂਕ ਵਿੱਚ ਸੁਰੱਖਿਆ ਗਾਰਡ ਵਜੋਂ ਨੌਕਰੀ ਕਰਨ ਲੱਗਿਆ ਸੀ । ਪੁਲਸ ਨੇ ਮੁਲਜ਼ਮ ਗਾਰਡ ਰਵਿੰਦਰ ਹੁੱਡਾ ਅਤੇ ਉਸ ਦੇ ਸਾਥੀ ਸ਼ੀਸ਼ਪਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁੱਛਗਿੱਛ ਦੌਰਾਨ ਰਵਿੰਦਰ ਨੇ ਖੁਲਾਸਾ ਕੀਤਾ ਕਿ ਬੈਂਕ ਮੈਨੇਜਰ ਨੇ ਉਸ ਨੂੰ ਛੁੱਟੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ ਅਤੇ ਉਹ ਆਪਣੀ ਤਨਖਾਹ ਤੋਂ ਵੀ ਅਸੰਤੁਸ਼ਟ ਸੀ । ਜਿਸ ਕਰਕੇ ਉਸ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ।