ਕੁਰੂਕਸ਼ੇਤਰ ਯੂਨੀਵਰਸਿਟੀ ਹੰਗਾਮਾ ਮਾਮਲੇ ਵਿਚ ਚੌਟਾਲਾ ਸਮੇਤ ਕਈਆਂ ਤੇ ਕੇਸ ਦਰਜ

by Jasbeer Singh
April 20, 2026

ਕੁਰੂਕਸ਼ੇਤਰ ਯੂਨੀਵਰਸਿਟੀ ਹੰਗਾਮਾ ਮਾਮਲੇ ਵਿਚ ਚੌਟਾਲਾ ਸਮੇਤ ਕਈਆਂ ਤੇ ਕੇਸ ਦਰਜ ਹਰਿਆਣਾ, 20 ਅਪ੍ਰੈਲ 2026 : ਹਰਿਆਣਾ ਵਿਖੇ ਬਣੀ ਕੁਰੂਕਸ਼ੇਤਰ ਯੂਨੀਵਰਸਿਟੀ ਵਿਖੇ ਇੰਕ ਹੰਗਾਮੇ ਦੇ ਚਲਦਿਆਂ ਦਿਗਵਿਜੈ ਚੌਟਾਲਾ ਸਮੇਤ ਕਈਆਂ ਤੇ ਕੇਸ ਦਰਜ ਕੀਤਾ ਗਿਆ ਹੈ। ਕੀ ਹੈ ਪੂਰਾ ਮਾਮਲਾ ਮਿਲੀ ਜਾਣਕਾਰੀ ਅਨੁਸਾਰ ਹਰਿਆਣਾ ਦੀ ਕੁਰੂਕਸ਼ੇਤਰ ਯੂਨੀਵਰਸਿਟੀ ਵਿੱਚ ਪ੍ਰਾਪਰਟੀ ਨੂੰ ਨੁਕਸਾਨ ਪਹੁੰਚਾਉਣ, ਹੰਗਾਮਾ ਕਰਨ ਅਤੇ ਸੋਸ਼ਲ ਪ੍ਰੋਗਰਾਮ ਦੀ ਆੜ ਵਿੱਚ ਰਾਜਨੀਤੀ ਕਰਨ ਦੇ ਦੋਸ਼ਾਂ ਤਹਿਤ ਯੂਥ ਜੇ. ਜੇ. ਪੀ. ਦੇ ਪ੍ਰਧਾਨ ਦਿਗਵਿਜੇ ਚੌਟਾਲਾ ਸਮੇਤ ਕਈਆਂ ਤੇ ਪੁਲਸ ਵੱਲੋਂ ਕੇਸ ਦਰਜ ਕੀਤਾ ਗਿਆ ਹੈ । ਕਿਸ ਕਿਸ ਧਾਰਾ ਤਹਿਤ ਕੀਤਾ ਗਿਆ ਹੈ ਕੇਸ ਦਰਜ ਹਰਿਆਣਾ ਦੀ ਕੁਰੂਕਸ਼ੇਤਰ ਯੂਨੀਵਰਸਿਟੀ ਵਿਖੇ ਜੋ ਕੁਝ ਦਿਨ ਪਹਿਲਾਂ ਹੰਗਾਮੇ ਦੇ ਚਲਦਿਆਂ ਪੁਲਸ ਨੇ ਕੇਸ ਦਰਜ ਕੀਤਾ ਹੈ ਉਹ ਪਬਲਿਕ ਪ੍ਰਾਪਰਟੀ ਨੁਕਸਾਨ ਕਾਨੂੰਨ ਅਤੇ ਬੀ. ਐਨ. ਐਸ. ਦੀਆਂ ਧਾਰਾਵਾਂ 324 (4), 329 (3) ਅਤੇ 61 ਧਾਰਾਵਾਂ ਲਗਾਈਆਂ ਗਈਆਂ ਹਨ ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਗਈ । ਇਸ ਤੋਂ ਇਲਾਵਾ ਯੂਨੀਵਰਸਿਟੀ ਵੱਲੋਂ ਪ੍ਰੋਗਰਾਮ ਦੀ ਵੀਡੀਓ ਵੀ ਪੁਲਸ ਨੂੰ ਦਿੱਤੀ ਗਈ ਹੈ ਤਾਂ ਜੋ ਹੰਗਾਮੇ ਬਾਰੇ ਪੂਰੀ ਜਾਣਕਾਰੀ ਮਿਲ ਸਕੇ । ਕਿਸ ਕਿਸ ਤੇ ਕੀਤਾ ਗਿਆ ਹੈ ਕੇਸ ਦਰਜ ਕੁਰੂਕਸ਼ੇਤਰ ਵਿੱਚ ਜੋ ਪੁਲਸ ਵਲੋਂ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਦਿਗਵਿਜੇ ਚੌਟਾਲਾ ਦੇ ਨਾਲ ਡਾ. ਜਸਵਿੰਦਰ ਖਹਿਰਾ, ਪ੍ਰੋਗਰਾਮ ਆਰਗੇਨਾਈਜ਼ਰ ਵਿਸ਼ਾਲ ਮੁਕੁਮਪੁਰਾ, ਨਵੀਨ ਸੁਹਾਗ, ਇਨਸੋ ਪ੍ਰਧਾਨ ਦੀਪਕ ਮਲਿਕ, ਰਾਜੇਸ਼ ਪਾਇਲਟ, ਮੰਜੂ ਜਾਖੜ, ਰਾਜੂ ਕੁਲ, ਮਾਹੀ ਅਤੇ ਇਸਿ਼ਕਾ ਰਾਣਾ ਸਮੇਤ ਹੋਰਾਂ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।