ਡਾ. ਬਲਬੀਰ ਸਿੰਘ ਸਿਹਤ ਮੰਤਰੀ ਪੰਜਾਬ ਨੇ ਕੀਤਾ ਵਣ ਮਹਾਉਤਸਵ ਦਾ ਉਦਘਾਟਨ

ਡਾ. ਬਲਬੀਰ ਸਿੰਘ ਸਿਹਤ ਮੰਤਰੀ ਪੰਜਾਬ ਨੇ ਕੀਤਾ ਵਣ ਮਹਾਉਤਸਵ ਦਾ ਉਦਘਾਟਨ ਬਸੰਤ ਰਿਤੂ ਕਲੱਬ ਨੇ ਪੌਦਿਆਂ ਤੇ ਕੀਤਾ 1 ਲੱਖ ਰੁਪਏ ਦਾ ਖਰਚ ਬਸੰਤ ਰਿਤੂ ਯੂਥ ਕਲੱਬ ਤ੍ਰਿਪੜੀ ਪਟਿਆਲਾ ਵੱਲੋਂ ਪਿੰਡ ਪਿੰਡ ਸ਼ਹਿਰ ਸ਼ਹਿਰ ਆਓ ਰਲ ਕੇ ਲਾਈਏ ਪੌਦੇ ਮੁਹਿੰਮ ਚਲਾਈ ਜਾ ਰਹੀ ਹੈ ਅਤੇ ਇਸੀ ਮੁਹਿੰਮ ਤਹਿਤ ਅੱਜ ਤ੍ਰਿਪੜੀ ਟਾਊਨ ਪਟਿਆਲਾ ਵਿਖੇ ਵਣ ਮਹਾ ਉਤਸਵ ਦਾ ਆਯੋਜਨ ਕੀਤਾ ਗਿਆ। ਇਸ ਦੀ ਪ੍ਰਧਾਨਗੀ ਸਾਬਕਾ ਐਮ.ਸੀ. ਸ਼ੰਕਰ ਲਾਲ ਖੁਰਾਣਾ ਅਤੇ ਜਗਦੀਸ਼ ਸ਼ੋਰੀ ਚੇਅਰਮੈਨ ਤ੍ਰਿਪੜੀ ਗੀਤਾ ਭਵਨ ਮਾਰਕੀਟ ਨੇ ਕੀਤੀ ਅਤੇ ਮੁੱਖ ਮਹਿਮਾਨ ਵਜੋਂ ਡਾ. ਬਲਬੀਰ ਸਿੰਘ ਸਿਹਤ ਮੰਤਰੀ ਪੰਜਾਬ ਨੇ ਸ਼ਿਰਕਤ ਕੀਤੀ। ਵਿਸ਼ੇਸ਼ ਮਹਿਮਾਨ ਵਜੋਂ ਤ੍ਰਿਪੜੀ ਮੇਨ ਬਜ਼ਾਰ ਦੇ ਪ੍ਰਧਾਨ ਚਿੰਟੂ ਨਾਸਰਾ, ਜ਼ਸਬੀਰ ਗਾਂਧੀ, ਹਰੀ ਚੰਦ ਬਾਂਸਲ ਵੀ ਪੁੱਜੇ। ਪ੍ਰੋਗਰਾਮ ਦੀ ਸ਼ੁਰੂਆਤ ਵਿੱਚ ਸਿਹਤ ਮੰਤਰੀ ਪੰਜਾਬ ਡਾ. ਬਲਬੀਰ ਸਿੰਘ ਨੇ ਪੌਦਾ ਲਗਾ ਕੇ ਵਣ ਮਹਾ ਊਤਸਵ ਦਾ ਉਦਘਾਟਨ ਕੀਤਾ ਅਤੇ ਕਲੱਬ ਦੇ ਪ੍ਰਧਾਨ ਇੰਜੀ: ਆਕਰਸ਼ ਸ਼ਰਮਾ ਅਤੇ ਸੰਸਥਾਪਕ ਰਾਜੇਸ਼ ਸ਼ਰਮਾ ਰਾਮਟੱਟਵਾਲੀ ਨੇ ਆਖਿਆ ਕਿ ਬਸੰਤ ਰਿਤੂ ਯੂਥ ਕਲੱਬ ਤ੍ਰਿਪੜੀ ਪਟਿਆਲਾ ਵੱਲੋਂ ਤ੍ਰਿਪੜੀ ਵਿਖੇ ਜਿੱਥੇ ਛਾਂਦਾਰ ਪੌਦੇ ਲਗਾਏ ਗਏ ਹਨ ਉਸ ਦੇ ਨਾਲ ਨਾਲ ਉਹਨਾਂ ਦੀ ਸੁਰੱਖਿਆ ਵਾਸਤੇ ਲੋਹੇ ਦੇ ਜੰਗਲੇ ਵੀ ਲਗਾਏ ਗਏ ਅਤੇ ਇਨ੍ਹਾਂ ਪੌਦਿਆਂ ਤੇ ਕਲੱਬ ਵੱਲੋਂ ਇੱਕ ਲੱਖ ਰੁਪਏ ਖਰਚ ਕੀਤੇ ਗਏ। ਡਾ. ਬਲਬੀਰ ਸਿੰਘ ਸਿਹਤ ਮੰਤਰੀ ਪੰਜਾਬ ਨੇ ਵਿਚਾਰ ਰੱਖਦੇ ਹੋਏ ਆਖਿਆ ਕਿ ਸਾਡੇ ਜੀਵਨ ਦੇ ਸਾਹਾਂ ਲਈ ਪੌਦੇ ਲਗਾਉਣਾ ਅਤੀ ਜਰੂਰੀ ਹੈ ਅਤੇ ਪੰਜਾਬ ਅੰਦਰ ਛੇ ਪ੍ਰਤੀਸ਼ਤ ਜੰਗਲ ਦਾ ਰਕਬਾ ਹੈ ਜਦੋਂ ਕਿ ਇਹ ਰਕਬਾ 25 ਪ੍ਰਤੀਸ਼ਤ ਹੋਣਾ ਚਾਹੀਦਾ ਹੈ। ਪੰਜਾਬ ਸਰਕਾਰ ਵੱਲੋਂ ਪੋਦਾ ਲਗਾਉਣ ਲਈ ਲੋਕਾਂ ਨੂੰ ਜਾਰਗੂਕ ਵੀ ਕੀਤਾ ਜਾ ਰਿਹਾ ਹੈ ਇਸ ਦੇ ਨਾਲ ਨਾਲ ਵਧੇਰੇ ਪੌਦੇ ਲਗਾਉਣ ਲਈ ਲੋਕਾਂ ਨੂੰ ਅੱਗੇ ਆਉਣ ਦੀ ਅਪੀਲ ਵੀ ਕੀਤੀ ਜਾ ਰਹੀ ਹੈ। ਸਰਕਾਰ ਦੇ ਇਸ ਕੰਮ ਵਿੱਚ ਲੋਕਾਂ ਨੂੰ ਆਪਣੀ ਸ਼ਮੂਲੀਅਤ ਦੇਣ ਦੀ ਲੋੜ ਹੈ ਤਾਂ ਉਹ ਦਿਨ ਜਲਦੀ ਆ ਜਾਵੇਗਾ ਜਦੋਂ ਅਸੀਂ 25 ਪ੍ਰਤੀਸ਼ਤ ਰਕਬੇ ਤੇ ਪੌਦੇ ਲਗਾਉਣ ਵਿੱਚ ਕਾਮਯਾਬ ਹੋ ਜਾਵਾਗੇ। ਡਾ. ਬਲਬੀਰ ਸਿੰਘ ਬਸੰਤ ਰਿਤੂ ਯੂਥ ਕਲੱਬ ਦੇ ਸੰਸਥਾਪਕ ਰਾਜੇਸ਼ ਸ਼ਰਮਾ ਸਬੰਧੀ ਆਖਿਆ ਕਿ ਉਹ ਇੱਕ ਲੰਮੇ ਸਮੇਂ ਤੋਂ ਪੰਜਾਬ ਵਿੱਚ ਪਿੰਡ—ਪਿੰਡ, ਸ਼ਹਿਰ—ਸ਼ਹਿਰ ਜਾ ਕੇ ਪੌਦੇ ਲਗਾ ਰਹੇ ਹਨ ਅਤੇ ਇੱਕ ਕਰਮਯੋਗੀ ਦੀ ਉਦਾਹਰਨ ਪੇਸ਼ ਕਰਦੇ ਹੋਏ ਲੋਕਾਂ ਨੂੰ ਪੌਦੇ ਲਗਾਉਣ ਅਤੇ ਜਲ ਬਚਾਉਣ ਸਬੰਧੀ ਜਾਗਰੂਕ ਵੀ ਕਰ ਰਹੇ ਹਨ। ਉਹਨਾਂ ਇਹ ਵੀ ਆਖਿਆ ਕਿ ਪੌਦੇ ਲਗਾਉਣ ਦੇ ਨਾਲ ਨਾਲ ਪੌਦਿਆਂ ਨੂੰ ਸਿੰਚਣਾ, ਉਹਨਾਂ ਨੂੰ ਪਾਣੀ ਦੇਣਾ ਅਤੇ ਉਹਨਾਂ ਨੂੰ ਬਚਾਉਣਾ ਹੀ ਅਸਲੀ ਸੇਵਾ ਹੈ। ਇਸ ਪ੍ਰੋਗਰਾਮ ਵਿੱਚ ਜਗਦੀਸ਼ ਸੋਹੀ, ਅਮਰਜੀਤ ਸ਼ਰਮਾ ਭਾਂਖਰ, ਸਰਦੂਲ ਸਿੰਘ ਲਾਛੜੂ, ਸੰਜੀਵ ਸ਼ਰਮਾ ਸਨੌਰ, ਅਮਰਪ੍ਰੀਤ ਵਾਲੀਆ, ਅਮਰੀਸ਼ ਸ਼ਰਮਾ, ਅਸ਼ੋਕ ਨਾਸਰਾ, ਪ੍ਰਭਦਿਆਲ ਛਾਬੜਾ, ਗਵਰਧਨ ਲਾਲ ਸ਼ਰਮਾ, ਮੋਨੂੰ ਸਿੰਧੀ, ਵਿਨੈ ਸਿੰਧੀ, ਪੰਮੀ ਅਹੂਜਾ, ਸੁਰੇਸ਼ ਆਰਿਆ, ਵਿਰਧੀ, ਦੀਪਕ ਮਿੱਤਲ, ਕਰਮਜੀਤ ਸਿੰਘ, ਗਗਨ ਕਸ਼ਮੀਰੀ, ਸੁਖਦੇਵ ਢਿੱਲੋਂ, ਰਾਜਨ ਸਿੰਘ, ਹਰੀ ਚੰਦ ਬਾਂਸਲ, ਜਗਦੀਸ਼ ਕੁਮਾਰ, ਓਮ ਪ੍ਰਕਾਸ਼, ਰਾਕੇਸ਼ ਸ਼ਰਮਾ, ਅਸ਼ੋਕ ਮਹਿਤਾ, ਸੰਤੋਸ਼ ਲਾਲਵਾਨੀ, ਮੇਹਰਵਾਨ ਸਿੰਘ ਮਗੋਂ, ਪ੍ਰਦੀਪ ਸ਼ਰਮਾ, ਸਾਬਕਾ ਐਮ.ਸੀ. ਵੇਦ ਕਪੂਰ ਆਦਿ ਹਾਜਰ ਸਨ।