ਪ੍ਰਧਾਨ ਮੰਤਰੀ ਨੂੰ ਅੰਤਰਰਾ਼ਟਰੀ ਲੇਖਕ ਅਨਿਲ ਭਾਰਤੀ ਨੇ ਭੇਜੇ ਸੁਝਾਅ

ਪ੍ਰਧਾਨ ਮੰਤਰੀ ਨੂੰ ਅੰਤਰਰਾ਼ਟਰੀ ਲੇਖਕ ਅਨਿਲ ਭਾਰਤੀ ਨੇ ਭੇਜੇ ਸੁਝਾਅ ਅੰਤਰਰਾਸ਼ਟਰੀ ਲੇਖਕ ਅਤੇ ਸਿੱਖਿਆ ਸ਼ਾਸਤਰੀ ਅਨਿਲ ਕੁਮਾਰ ਭਾਰਤੀ ਨੇ ਪ੍ਰਧਾਨ ਮੰਤਰੀ ਨੂੰ ਪੱਤਰ ਲਿਖ ਕੇ AI ਦਾ ਨਾਮ 'ਕੁਸ਼ਾਗਰ ਬੁੱਧੀਮੱਤਾ' (Acumen Intelligence) ਰੱਖਣ ਅਤੇ ਵਿਸ਼ਵ ਪੱਧਰੀ ਨਿਯਮ ਬਣਾਉਣ ਦੀ ਕੀਤੀ ਅਪੀਲ ਪਟਿਆਲਾ, 21 ਫਰਵਰੀ 2026 : ਪ੍ਰਸਿੱਧ ਅੰਤਰਰਾਸ਼ਟਰੀ ਲੇਖਕ ਅਤੇ ਸਿੱਖਿਆ ਸ਼ਾਸਤਰੀ ਅਨਿਲ ਕੁਮਾਰ ਭਾਰਤੀ ਨੇ ਦੇਸ਼ ਦੇ ਯਸ਼ਸਵੀ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਨੂੰ ਇੱਕ ਪੱਤਰ ਲਿਖ ਕੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਸੁਰੱਖਿਅਤ ਵਰਤੋਂ ਅਤੇ ਇਸ ਦੀ ਹੋ ਰਹੀ ਦੁਰਵਰਤੋਂ ਨੂੰ ਰੋਕਣ ਲਈ ਸਖ਼ਤ ਕਦਮ ਚੁੱਕਣ ਦੀ ਮੰਗ ਕੀਤੀ ਹੈ। ਆਪਣੇ ਪੱਤਰ ਵਿੱਚ ਸ਼੍ਰੀ ਭਾਰਤੀ ਨੇ AI ਲਈ ਇੱਕ ਨਵਾਂ ਅਤੇ ਸਾਰਥਕ ਨਾਮ 'ਕੁਸ਼ਾਗਰ ਬੁੱਧੀਮੱਤਾ' (Acumen Intelligence) ਸੁਝਾਇਆ ਹੈ, ਜੋ ਇਸ ਤਕਨੀਕ ਨੂੰ ਮਨੁੱਖੀ ਸੂਝ-ਬੂਝ ਅਤੇ ਤੇਜ਼ ਬੁੱਧੀ ਨਾਲ ਜੋੜਦਾ ਹੈ। 'ਕ੍ਰਿਤਮ' ਨਹੀਂ, 'ਕੁਸ਼ਾਗਰ' ਹੋਵੇ ਪਛਾਣ ਸਿੱਖਿਆ ਸ਼ਾਸਤਰੀ ਅਨਿਲ ਕੁਮਾਰ ਭਾਰਤੀ ਦਾ ਤਰਕ ਹੈ ਕਿ 'ਆਰਟੀਫੀਸ਼ੀਅਲ' (ਕ੍ਰਿਤਮ) ਸ਼ਬਦ ਮਸ਼ੀਨੀ ਬਣਾਵਟ ਅਤੇ ਨਕਾਰਾਤਮਕਤਾ ਨੂੰ ਦਰਸਾਉਂਦਾ ਹੈ। ਇਸ ਦੀ ਥਾਂ 'ਕੁਸ਼ਾਗਰ ਬੁੱਧੀਮੱਤਾ' ਸ਼ਬਦ ਦੀ ਵਰਤੋਂ ਇਸ ਨੂੰ ਮਨੁੱਖੀ ਵਿਵੇਕ ਦੀ ਸਹਾਇਕ ਅਤੇ ਇੱਕ ਸਕਾਰਾਤਮਕ ਸ਼ਕਤੀ ਵਜੋਂ ਪੇਸ਼ ਕਰਦੀ ਹੈ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਨੂੰ ਅਪੀਲ ਕੀਤੀ ਕਿ ਭਾਰਤ ਵਿਸ਼ਵ ਮੰਚਾਂ 'ਤੇ ਇਸ ਗੌਰਵਸ਼ਾਲੀ ਨਾਮਕਰਨ ਦੀ ਅਗਵਾਈ ਕਰੇ । ਸੁਰੱਖਿਆ ਲਈ ਪੰਜ-ਨੁਕਾਤੀ ਵਿਸ਼ਵਵਿਆਪੀ ਮੰਗਾਂ ਪੱਤਰ ਰਾਹੀਂ ਸ਼੍ਰੀ ਭਾਰਤੀ ਨੇ ਮਨੁੱਖਤਾ ਦੀ ਰਾਖੀ ਲਈ ਹੇਠ ਲਿਖੇ ਸਖ਼ਤ ਪ੍ਰਬੰਧਾਂ ਦੀ ਵਕਾਲਤ ਕੀਤੀ ਹੈ: ਵਿਸ਼ਵ ਰੈਗੂਲੇਟਰੀ ਅਥਾਰਟੀ (Global AI Authority): ਜਿਸ ਤਰ੍ਹਾਂ ਪ੍ਰਮਾਣੂ ਊਰਜਾ ਦੀ ਨਿਗਰਾਨੀ ਲਈ ਅੰਤਰਰਾਸ਼ਟਰੀ ਮਾਪਦੰਡ ਹਨ, ਉਸੇ ਤਰ੍ਹਾਂ AI ਲਈ ਵੀ ਇੱਕ 'International AI Regulatory Authority' ਦਾ ਗਠਨ ਹੋਣਾ ਚਾਹੀਦਾ ਹੈ। ਦੁਰਵਰਤੋਂ 'ਤੇ ਸਖ਼ਤ ਸਜ਼ਾ: 'ਡੀਪਫੇਕ' ਅਤੇ 'ਵੋਇਸ ਕਲੋਨਿੰਗ' ਵਰਗੇ ਅਪਰਾਧਾਂ ਲਈ ਅੰਤਰਰਾਸ਼ਟਰੀ ਪੱਧਰ 'ਤੇ ਇੱਕਸਾਰ ਅਤੇ ਬਹੁਤ ਸਖ਼ਤ ਸਜ਼ਾਵਾਂ ਦਾ ਕਾਨੂੰਨ ਬਣਾਇਆ ਜਾਵੇ। ਲਾਜ਼ਮੀ ਵਾਟਰਮਾਰਕਿੰਗ: ਹਰ AI ਦੁਆਰਾ ਤਿਆਰ ਕੀਤੀ ਸਮੱਗਰੀ 'ਤੇ ਇੱਕ ਵਿਸ਼ੇਸ਼ ਡਿਜੀਟਲ ਦਸਤਖਤ ਅਤੇ ਵਾਟਰਮਾਰਕ ਹੋਣਾ ਚਾਹੀਦਾ ਹੈ ਤਾਂ ਜੋ ਸੱਚ ਅਤੇ ਝੂਠ ਵਿਚਕਾਰ ਫਰਕ ਸਪੱਸ਼ਟ ਰਹੇ। ਨੈਤਿਕ ਕੋਡਿੰਗ (Ethical Coding): AI ਦੇ ਵਿਕਾਸ ਦੇ ਹਰ ਪੜਾਅ ਵਿੱਚ ਮਨੁੱਖੀ ਸੰਵੇਦਨਾਵਾਂ ਅਤੇ ਨੈਤਿਕ ਕਦਰਾਂ-ਕੀਮਤਾਂ ਨੂੰ ਸ਼ਾਮਲ ਕਰਨਾ ਲਾਜ਼ਮੀ ਹੋਵੇ । ਵਿਵੇਕ ਦਾ ਸਹਾਇਕ: ਤਕਨੀਕ ਨੂੰ ਮਨੁੱਖੀ ਬੁੱਧੀ ਦਾ ਬਦਲ ਨਹੀਂ, ਸਗੋਂ ਉਸਦਾ ਸਹਾਇਕ (Co-pilot) ਮੰਨਿਆ ਜਾਣਾ ਚਾਹੀਦਾ ਹੈ । 'ਵਸੁਧੈਵ ਕੁਟੁੰਬਕਮ' ਦੀ ਭਾਵਨਾ ਦਾ ਵਿਸਥਾਰ ਸ਼੍ਰੀ ਭਾਰਤੀ ਨੇ ਆਪਣੇ ਪੱਤਰ ਵਿੱਚ ਵਿਸ਼ਵਾਸ ਪ੍ਰਗਟਾਇਆ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਜੀ ਦੀ ਦੂਰਅੰਦੇਸ਼ੀ ਅਗਵਾਈ ਵਿੱਚ ਭਾਰਤ ਇਸ ਤਕਨੀਕ ਨੂੰ 'ਵਿਨਾਸ਼' ਦੀ ਬਜਾਏ 'ਵਿਕਾਸ' ਦਾ ਮਾਧਿਅਮ ਬਣਾਉਣ ਵਿੱਚ ਵਿਸ਼ਵ ਦਾ ਮਾਰਗਦਰਸ਼ਨ ਕਰ ਸਕਦਾ ਹੈ । ਉਨ੍ਹਾਂ ਕਿਹਾ ਕਿ ਤਕਨੀਕ ਭਾਵੇਂ ਕਿੰਨੀ ਵੀ ਉੱਨਤ ਕਿਉਂ ਨਾ ਹੋ ਜਾਵੇ, ਉਹ ਮਨੁੱਖੀ ਜਜ਼ਬਾਤਾਂ ਦੀ ਥਾਂ ਨਹੀਂ ਲੈ ਸਕਦੀ । ਅੰਤ ਵਿੱਚ, ਉਨ੍ਹਾਂ ਆਸ ਪ੍ਰਗਟਾਈ ਕਿ ਇੱਕ ਸਿੱਖਿਆ ਸ਼ਾਸਤਰੀ ਦੇ ਇਹਨਾਂ ਸੁਝਾਵਾਂ 'ਤੇ ਗੌਰ ਕਰਦਿਆਂ ਸਰਕਾਰ ਇਸ ਨੂੰ ਵਿਸ਼ਵ ਨੀਤੀ ਦਾ ਹਿੱਸਾ ਬਣਾਉਣ ਲਈ ਪਹਿਲ ਕਰੇਗੀ ।