ਰੈਪਰ ਬਾਦਸ਼ਾਹ ਵਿਰੁੱਧ ਜਨਰਲ ਮੈਨੇਜਰ ਨੇ ਕਰਵਾਈ ਐਫ. ਆਈ. ਆਰ. ਦਰਜ

by Jasbeer Singh
March 7, 2026

ਰੈਪਰ ਬਾਦਸ਼ਾਹ ਵਿਰੁੱਧ ਜਨਰਲ ਮੈਨੇਜਰ ਨੇ ਕਰਵਾਈ ਐਫ. ਆਈ. ਆਰ. ਦਰਜ ਜੀਂਦ, 7 ਮਾਰਚ 2026 : ਪ੍ਰਸਿੱਧ ਰੈਪਰ ਬਾਦਸ਼ਾਹ ਦੇ ਨਵੇਂ ਗਾਣੇ ਟਟੀਹਰੀ ਵਿਚ ਜੀਂਦ ਡਿਪੂ ਦੀਆਂ ਬਸਾਂ ਦਾ ਨਾਮ ਵਰਤੇ ਜਾਣ ਤੇ ਜਨਰਲ ਮੈਨੇਜਰ ਵਲੋਂ ਐਫ. ਆਈ. ਆਰ. ਦਰਜ ਕਰਵਾਈ ਗਈ ਹੈ। ਕੀ ਕਾਰਨ ਰਿਹਾ ਐਫ. ਆਈ. ਆਰ. ਦਰਜ ਕਰਵਾਉਣ ਦਾ ਰੈਪਰ ਬਾਦਸ਼ਾਹ ਦੇ ਨਵੇਂ ਗਾਣੇ "ਟਟੀਹਰੀ" ਦੇ ਸੰਗੀਤ ਵੀਡੀਓ ਵਿੱਚ ਹਰਿਆਣਾ ਰੋਡਵੇਜ਼ ਦੀਆਂ ਬੱਸਾਂ (ਖਾਸ ਕਰਕੇ ਜੀਂਦ ਡਿਪੂ ਤੋਂ ਬੱਸਾਂ) ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਕਾਰਨ ਜੀਂਦ ਡਿਪੂ ਦੇ ਜਨਰਲ ਮੈਨੇਜਰ ਰਾਹੁਲ ਜੈਨ ਨੇ ਜੀਂਦ ਸਿਵਲ ਲਾਈਨਜ਼ ਪੁਲਸ ਸਟੇਸ਼ਨ ਵਿੱਚ ਬਾਦਸ਼ਾਹ ਵਿਰੁੱਧ ਐਫ. ਆਈ. ਆਰ. ਦਰਜ ਕਰਵਾਈ ਹੈ। ਜਨਰਲ ਮੈਨੇਜਰ ਨੇ ਕੀ ਦੋਸ਼ ਲਗਾਇਆ ਹੈ ਜੈਨ ਨੇ ਦੋਸ਼ ਲਗਾਇਆ ਕਿ ਹਰਿਆਣਾ ਰੋਡਵੇਜ਼ ਬੱਸ ਜਿਸ `ਤੇ ਸਪੱਸ਼ਟ ਤੌਰ `ਤੇ ਜੀਂਦ ਡਿਪੂ ਦਾ ਨਾਮ ਹੈ, ਨੂੰ ਗਾਣੇ ਵਿੱਚ ਬਿਨਾਂ ਇਜਾਜ਼ਤ ਦੇ ਵਰਤਿਆ ਗਿਆ ਸੀ । ਇਸ ਨਾਲ ਵਿਭਾਗ ਅਤੇ ਜੀਂਦ ਡਿਪੂ ਦੀ ਛਵੀ ਖਰਾਬ ਹੋਈ ਹੈ । ਲੋਕ ਸੋਸ਼ਲ ਮੀਡੀਆ `ਤੇ ਸਰਕਾਰੀ ਸਕੂਲੀ ਵਿਦਿਆਰਥਣਾਂ ਦੀਆਂ ਵਰਦੀਆਂ, ਹਰਿਆਣਾ ਰੋਡਵੇਜ਼ ਬੱਸਾਂ ਅਤੇ ਕੁਝ ਇਤਰਾਜ਼ਯੋਗ ਦ੍ਰਿਸ਼ਾਂ ਨੂੰ ਉਜਾਗਰ ਕਰਦੇ ਹੋਏ ਬੋਲ ਅਤੇ ਵੀਡੀਓ ਦਾ ਸਖ਼ਤ ਵਿਰੋਧ ਵੀ ਕਰ ਰਹੇ ਹਨ।