Patiala News
ਸਿਹਤ ਮੰਤਰੀ, ਡੀ. ਸੀ., ਸਿਵਲ ਸਰਜਨ ਵਲੋ਼ ਕੀਤੇ ਜਾ ਰਹੇ ਹਨ ਲੋਕਾਂ ਬੱਚਿਆਂ ਅਤੇ ਨੌਜਵਾਨਾਂ ਦੀ ਸੁਰੱਖਿਆ ਸਿਹਤ ਤਦੰਰੁਸਤ
ਸਿਹਤ ਮੰਤਰੀ, ਡੀ. ਸੀ., ਸਿਵਲ ਸਰਜਨ ਵਲੋ਼ ਕੀਤੇ ਜਾ ਰਹੇ ਹਨ ਲੋਕਾਂ ਬੱਚਿਆਂ ਅਤੇ ਨੌਜਵਾਨਾਂ ਦੀ ਸੁਰੱਖਿਆ ਸਿਹਤ ਤਦੰਰੁਸਤੀ ਅਰੋਗਤਾ ਖੁਸ਼ਹਾਲੀ ਲਈ ਜ਼ੰਗੀ ਪੱਧਰ ਤੇ ਯਤਨ ਪਟਿਆਲਾ, 9 ਜੁਲਾਈ 2025 : ਸਿਹਤ ਮੰਤਰੀ ਜੀ ਪੰਜਾਬ ਡਾਕਟਰ ਬਲਵੀਰ ਸਿੰਘ ਜੀ, ਡਿਪਟੀ ਕਮਿਸ਼ਨਰ ਪਟਿਆਲਾ ਅਤੇ ਸਿਵਲ ਸਰਜਨ ਪਟਿਆਲਾ ਦੇ ਵਲੋਂ ਲੋਕਾਂ ਬੱਚਿਆਂ ਅਤੇ ਨੌਜਵਾਨਾਂ ਦੀ ਸੁਰੱਖਿਆ ਸਿਹਤ ਤਦੰਰੁਸਤੀ ਅਰੋਗਤਾ ਖੁਸ਼ਹਾਲੀ ਲਈ ਜ਼ੰਗੀ ਪੱਧਰ ਤੇ ਯਤਨ ਕੀਤੇ ਜਾ ਰਹੇ ਹਨ। ਉਨ੍ਹਾਂ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ, ਵੱਧ ਤੋਂ ਵੱਧ ਵਿਦਿਆਰਥੀਆਂ ਅਧਿਆਪਕਾਂ ਨਾਗਰਿਕਾਂ ਨੂੰ ਦੱਸਤ ਰੋਗ,, ਡੀਹਾਈਡ੍ਰੇਸ਼ਨ ਤੋਂ ਬਚਣ, ਮਲੇਰੀਆ ਡੈਗੂ ਅਤੇ ਹਲਕਾਅ ਤੋਂ ਲੋਕਾਂ ਨੂੰ ਬਚਾਉਣ ਲਈ, ਇਨਸਾਨੀਅਤ ਨਾਤੇ ਆਪਣੇ ਫਰਜ਼ ਜ਼ੁਮੇਵਾਰੀਆਂ ਸਮਝਦੇ ਹੋਏ, ਫਸਟ ਏਡ ਸੇਫਟੀ ਸਿਹਤ ਜਾਗਰੂਕਤਾ ਮਿਸ਼ਨ ਦੇ ਚੀਫ ਟ੍ਰੇਨਰ ਅਤੇ ਭਾਰਤੀਯ ਰੈੱਡ ਕਰਾਸ ਸੁਸਾਇਟੀ ਦੇ ਸੇਵਾ ਮੁਕਤ ਟ੍ਰੇਨਿੰਗ ਸੁਪਰਵਾਈਜ਼ਰ ਕਾਕਾ ਰਾਮ ਵਰਮਾ ਵਲੋਂ ਕੈਰੀਅਰ ਅਕੈਡਮੀ ਸੀਨੀਅਰ ਸੈਕੰਡਰੀ ਸਕੂਲ ਭਾਦਸੋਂ ਰੋਡ ਪਟਿਆਲਾ ਵਿਖੇ ਵਿਦਿਆਰਥੀਆਂ, ਅਧਿਆਪਕਾਂ ਨੂੰ ਡਾਇਰੀਆ, ਡੀਹਾਈਡ੍ਰੇਸ਼ਨ, ਮਲੇਰੀਆ, ਡੈਗੂ ਅਤੇ ਹਲਕਾਅ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਸਮਝਾਇਆ ਕਿ ਸਫਾਈ ਸੁਥਤਾ, ਸ਼ੁਧ ਸਾਫ ਉਬਲਿਆ ਹੋਇਆ ਪਾਣੀ, ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਦਸਤ ਰੋਗ ਅਤੇ ਪਾਣੀ ਨਮਕ ਚੀਨੀ ਦੀ ਘਾਟ ਭਾਵ ਡੀਹਾਈਡ੍ਰੇਸ਼ਨ ਤੋਂ ਬਚਣ ਲਈ ਉਬਲਿਆ ਸਾਫ ਪਾਣੀ ਸ਼ਿਕੰਜਵੀ ORS, ਅਤੇ ਵੱਧ ਮਿਠੇ ਦੀ ਵਰਤੋਂ ਕੀਤੀ ਜਾਵੇ। ਕਾਕਾ ਰਾਮ ਵਰਮਾ ਵਲੋਂ ਜਾਨਵਰਾਂ ਜਿਵੇਂ ਕੁਤੇ ਬਿੱਲੀਆਂ, ਬਾਂਦਰ , ਆਵਾਰਾ ਜਾਨਵਰਾਂ, ਗਾਂ ਮੱਝ ਘੋੜੇ, ਗਿੱਦੜ ਆਦਿ ਦੇ ਕੱਟਣ ਜਾਂ ਚੱਟਣ ਜਾਂ ਜਾਨਵਰਾਂ ਦੇ ਮੂੰਹ ਵਿੱਚੋ ਨਿਕਲੀ ਝੰਗ ਚਮੜੀ ਤੇ ਲਗਣ ਕਾਰਨ, ਹਲਕਾਅ ਹੋ ਰਹੇ ਹਨ। ਜਾਨਵਰਾਂ ਦੇ ਕੱਟਣ ਚੱਟਣ ਮਗਰੋਂ ਤੁਰੰਤ ਜ਼ਖ਼ਮ ਵਾਲੀ ਥਾਂ ਨੂੰ ਪਾਣੀ ਸਾਬਣ ਨਾਲ ਚੰਗੀ ਤਰ੍ਹਾਂ 10 ਵਾਰ ਸਾਫ ਕਰਨਾ, ਤੁਰੰਤ ਟੈਟਨਸ ਦਾ ਇੰਜੈਕਸ਼ਨ ਲਗਵਾਉਣਾ ਅਤੇ ਫੇਰ ਮਰੀਜ਼ਾਂ ਨੂੰ ਸਰਕਾਰੀ ਹਸਪਤਾਲ ਵਿਖੇ ਲੈਕੇ ਜਾਣਾ ਆਦਿ। ਪ੍ਰਿੰਸੀਪਲ ਸ਼੍ਰੀਮਤੀ ਪ੍ਰਭਜੋਤ ਕੌਰ ਨੇ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਖਬਰਾਂ ਸੁਣਕੇ ਸਕੂਲ ਦੇ ਚੈਅਰਮੈਨ ਭਾਟੀਆ ਸਾਹਿਬ ਵਲੋਂ ਵਿਦਿਆਰਥੀਆਂ ਅਧਿਆਪਕਾਂ ਅਤੇ ਉਨ੍ਹਾਂ ਰਾਹੀਂ ਮਾਪਿਆਂ ਨੂੰ ਜਾਗਰੂਕ ਕਰਨ ਲਈ, ਕਾਕਾ ਰਾਮ ਵਰਮਾ ਦੀਆਂ ਸੇਵਾਵਾਂ ਲੈਣ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ, ਇਹ ਪ੍ਰੋਗਰਾਮ ਕਰਵਾਏ। ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਲਾਈਫ ਸੇਵਿੰਗ ਜਾਣਕਾਰੀ ਵੱਧ ਤੋਂ ਵੱਧ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਨਾਗਰਿਕਾਂ ਨੂੰ ਦਿੱਤੀ ਜਾਵੇ ਕਿਉਂਕਿ ਦੇਸ਼, ਸਮਾਜ, ਮਾਨਵਤਾ ਨੂੰ ਬਚਾਉਣ ਦੀ ਜੁਮੇਵਾਰੀ ਸਰਕਾਰੀ ਅਧਿਕਾਰੀਆਂ ਦੇ ਨਾਲ ਨਾਲ, ਵਿਦਵਾਨ ਗਿਆਨਵਾਨ ਤਜਰਬੇਕਾਰ ਲੋਕਾਂ ਅਤੇ ਸਿਖਿਆ ਸੰਸਥਾਵਾਂ ਦੀ ਵੀ ਹੈ। ਪ੍ਰਿੰਸੀਪਲ ਨੇ ਕਿਹਾ ਕਿ ਵਿਦਿਆਰਥੀਆਂ ਅਧਿਆਪਕਾਂ ਨੂੰ ਆਫ਼ਤ ਪ੍ਰਬੰਧਨ ਸਿਵਲ ਡਿਫੈਂਸ ਫਸਟ ਏਡ ਫਾਇਰ ਸੇਫਟੀ ਸੀ ਪੀ ਆਰ, ਦਿਲ ਦੇ ਦੌਰੇ ਕਾਰਡੀਅਕ ਅਰੈਸਟ, ਬੇਹੋਸ਼ੀ, ਆਵਾਜਾਈ ਨਿਯਮਾਂ ਕਾਨੂੰਨਾਂ ਆਦਿ ਬਾਰੇ ਵੀ ਜਾਗਰੂਕ ਕਰਵਾਇਆ ਜਾਂਦਾ ਹੈ।
Related Post
Jasbeer Singh
(Chief Editor)
9815529139
