ਦੱਖਣੀ ਕੋਰੀਆ ਵਿਖੇ ਪਾਰਟਸ ਫੈਕਟਰੀ ਵਿਚ ਅੱਗ ਲੱਗਣ ਕਾਰਨ ਸੈਂਕੜੇ ਜ਼ਖ਼ਮੀ

by Jasbeer Singh
March 20, 2026

ਦੱਖਣੀ ਕੋਰੀਆ ਵਿਖੇ ਪਾਰਟਸ ਫੈਕਟਰੀ ਵਿਚ ਅੱਗ ਲੱਗਣ ਕਾਰਨ ਸੈਂਕੜੇ ਜ਼ਖ਼ਮੀ ਸਿਓਲ, 20 ਮਾਰਚ 2026 : ਦੱਖਣੀ ਕੋਰੀਆ ਦੇ ਮੱਧ ਸ਼ਹਿਰ ਡੇਜੇਓਨ ਵਿੱਚ ਪਾਰਟਸ ਫੈਕਟਰੀ ਵਿੱਚ ਅੱਗ ਲੱਗਣ ਕਾਰਨ ਕਈਆਂ ਦੇ ਜ਼ਖਮੀ ਹੋਣ ਦਾ ਸਮਾਚਾਰ ਹੈ। ਐਨ. ਐਫ. ਏ. ਨੇ ਕੀ ਆਖਿਆ ਨੈਸ਼ਨਲ ਫਾਇਰ ਏਜੰਸੀ (ਐਨ. ਐਫ. ਏ.) ਨੇ ਆਖਿਆ ਹੈ ਕਿ 35 ਲੋਕ ਗੰਭੀਰ ਜ਼ਖਮੀ ਹੋਏ ਹਨ, ਪਰ ਤੁਰੰਤ ਇਹ ਪੁਸ਼ਟੀ ਨਹੀਂ ਕਰ ਸਕੇ ਕਿ ਕੀ ਕੋਈ ਜਾਨਲੇਵਾ ਹਾਲਤ ਵਿੱਚ ਹੈ। ਘਟਨਾ ਸਥਾਨ ਤੋਂ ਵੀਡੀਓ ਵਿੱਚ ਇਮਾਰਤ ਤੋਂ ਸੰਘਣਾ ਧੂੰਆਂ ਉੱਠਦਾ ਦਿਖਾਈ ਦੇ ਰਿਹਾ ਹੈ । ਅਧਿਕਾਰੀਆਂ ਨੇ ਆਖਿਆ ਹੈ ਕਿ ਇਹ ਤੁਰੰਤ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਪਲਾਂਟ ਦੇ ਅੰਦਰ ਕਿੰਨੇ ਕਾਮੇ ਫਸੇ ਹੋਏ ਹਨ । ਏਜੰਸੀ ਨੇ ਚੇਤਾਵਨੀ ਦਿੱਤੀ ਕਿ ਮੌਤਾਂ ਦੀ ਗਿਣਤੀ ਵੱਧ ਸਕਦੀ ਹੈ । ਅੱਗ ਲੱਗਣ ਦੀ ਸੂਚਨਾ ਦੁਪਹਿਰ 1:17 ਵਜੇ ਦੇ ਕਰੀਬ ਮਿਲੀ । ਅਧਿਕਾਰੀਆਂ ਨੇ ਅੱਗ ਲੱਗਣ ਦੇ ਅਸਲ ਕਾਰਨਾਂ ਬਾਰੇ ਤੁਰੰਤ ਕੋਈ ਟਿੱਪਣੀ ਨਹੀਂ ਕੀਤੀ । ਅੱਗ ਬੁਝਾਉਣ ਲਈ ਕਿੰਨੇ ਵਾਹਨ ਤੇ ਕਿੰਨੇ ਫਾਇਰ ਫਾਈਟਰ ਕੀਤੇ ਹਨ ਤਾਇਨਾਤ ਏਜੰਸੀ ਨੇ ਕਿਹਾ ਕਿ ਅੱਗ ਬੁਝਾਉਣ ਲਈ 200 ਤੋਂ ਵੱਧ ਫਾਇਰਫਾਈਟਰ ਅਤੇ 70 ਵਾਹਨ ਤਾਇਨਾਤ ਕੀਤੇ ਗਏ ਹਨ । ਰਾਸ਼ਟਰਪਤੀ ਲੀ ਜੇ-ਮਯੁੰਗ ਤੋਂ ਬਾਅਦ ਦੂਜੇ ਸਭ ਤੋਂ ਉੱਚੇ ਸਰਕਾਰੀ ਅਧਿਕਾਰੀ, ਪ੍ਰਧਾਨ ਮੰਤਰੀ ਕਿਮ ਮਿਨ-ਸਿਓਕ ਨੇ ਅੱਗ `ਤੇ ਕਾਬੂ ਪਾਉਣ ਅਤੇ ਬਚਾਅ ਕਾਰਜਾਂ ਨੂੰ ਅੰਜਾਮ ਦੇਣ ਲਈ ਕਰਮਚਾਰੀਆਂ ਅਤੇ ਉਪਕਰਣਾਂ ਦੀ ਪੂਰੀ ਤਾਇਨਾਤੀ ਦਾ ਸੱਦਾ ਦਿੱਤਾ ।