Latest update
ਲਾਹੌਰ ਹਾਈਕੋਰਟ ਨੇ ਪ੍ਰਗਟਾਈ ਪਾਕਿਸਤਾਨੀ ਗ੍ਰਹਿ ਮੰਤਰਾਲਾ ਨਾਲ ਨਾਰਾਜ਼ਗੀ
ਲਾਹੌਰ ਹਾਈਕੋਰਟ ਨੇ ਪ੍ਰਗਟਾਈ ਪਾਕਿਸਤਾਨੀ ਗ੍ਰਹਿ ਮੰਤਰਾਲਾ ਨਾਲ ਨਾਰਾਜ਼ਗੀ ਪਾਕਿਸਤਾਨ, 25 ਮਾਰਚ 2026 : ਭਾਰਤ ਦੇਸ਼ ਦੇ ਗੁਆਂਢੀ ਦੇਸ਼ ਪਾਕਿਸਤਾਨ ਦੀ ਲਾਹੌਰ ਹਾਈਕੋਰਟ ਵਲੋਂ ਪਾਕਿਸਤਾਨੀ ਗ੍ਰਹਿ ਮੰਤਰਾਲਾ ਨਾਲ ਆਪਣੀ ਨਾਰਾਜਗੀ ਪ੍ਰਗਟਾਏ ਜਾਣ ਦਾ ਸਮਾਚਾਰ ਹੈ। ਕੀ ਨਾਰਾਜ਼ਦਗੀ ਪ੍ਰਗਟਾਈ ਹੈ ਲਾਹੌਰ ਹਾਈਕੋਰਟ ਨੇ ਮਿਲੀ ਜਾਣਕਾਰੀ ਅਨੁਸਾਰ ਜੋ ਲਾਹੌਰ ਹਾਈਕੋਰਟ ਵਲੋਂ ਪਾਕਿਸਤਾਨੀ ਗ੍ਰਹਿ ਮੰਤਰਾਲਾ ਨਾਲ ਨਾਰਾਜ਼ਗੀ ਪ੍ਰਗਟਾਈ ਗਈ ਹੈ ਦਾ ਮੁੱਖ ਕਾਰਨ ਦੋ ਮਹੀਨਿਆਂ ਬਾਅਦ ਵੀ ਮੰਤਰਾਲਾ ਵਲੋਂ ਸਰਬਜੀਤ ਕੌਰ ਦੇ ਦੇਸ਼ ਨਿਕਲਾਲਾ ਦੇਣ ਦੇ ਮਾਮਲੇ ਵਿਚ ਮੰਤਰਾਲਾ ਵਲੋ ਰਿਪੋਰਟ ਪੇਸ਼ ਨਾ ਕਰਨਾ ਵਿਚ ਲਾਪ੍ਰਵਾਹੀ ਵਰਤਣਾ ਹੈ। ਸਹਾਇਕ ਐਡਵੋਕੇੇਟ ਜਨਰਲ ਨੂੰ ਕੀਤਾ ਗਿਆ ਤਲਬ ਲਾਹੌਰੀ ਹਾਈਕੋਰਟ ਵਲੋਂ ਅੱਜ ਸਹਾਇਕ ਐਡਵੋਕੇਟ ਜਨਰਲ ਨੂੰ ਤਲਬ ਕਰਕੇ ਸਖ਼ਤ ਆਦੇਸ਼ ਜਾਰੀ ਕੀਤੇ ਗਏ ਹਨ ਕਿ ਇਹ ਯਕੀਨੀ ਬਣਾਇਆ ਜਾਵੇ ਕਿ ਅਗਲੀ ਤਰੀਕ ਤੱਕ ਸਾਰੇ ਵਿਭਾਗਾਂ ਤੋਂ ਰਿਪੋਰਟਾਂ ਪ੍ਰਾਪਤ ਹੋਣ ।ਦੱਸਣਯੋਗ ਹੈ ਕਿ ਤਿੰਨ ਵਿਭਾਗ ਪਹਿਲਾਂ ਹੀ ਆਪਣੇ ਜਵਾਬ ਦਾਇਰ ਕਰ ਚੁੱਕੇ ਹਨ ਪਰ ਉਨ੍ਹਾਂ ਵਿੱਚੋਂ ਦੋ ਨੇ ਇਨਕਾਰ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ 24 ਮਾਰਚ ਨੂੰ ਲਾਹੌਰ ਹਾਈ ਕੋਰਟ ਵਿੱਚ ਇੱਕ ਸੁਣਵਾਈ ਦੌਰਾਨ ਐਡਵੋਕੇਟ ਅਲੀ ਚੰਗੇਜ਼ੀ ਸੰਧੂ ਨੇ ਜਲਦੀ ਸੁਣਵਾਈ ਦੀ ਬੇਨਤੀ ਕੀਤੀ ਅਤੇ ਮਨੁੱਖੀ ਆਧਾਰ ‘ਤੇ ਤੁਰੰਤ ਸੁਣਵਾਈ ਲਈ ਦਲੀਲ ਦਿੱਤੀ । ਅਦਾਲਤ ਨੇ ਦਲੀਲਾਂ ਨੂੰ ਸਵੀਕਾਰ ਕਰਦੇ ਹੋਏ ਕੇਸ ਨੂੰ ਤਰਜੀਹ ਦਿੱਤੀ ਅਤੇ ਇਸਨੂੰ ਜਲਦੀ ਸੁਣਵਾਈ ਲਈ ਮੁਲਤਵੀ ਕਰ ਦਿੱਤਾ । ਜਸਟਿਸ ਨੇ ਸਬੰਧਤ ਧਿਰਾਂ ਨੂੰ ਦਿੱਤੇ ਹੁਕਮ ਕੋਰਟ ਵਿਚ ਸੁਣਵਾਈ ਦੌਰਾਨ ਜਸਟਿਸ ਫਾਰੂਕ ਹੈਦਰ ਨੇ ਸਬੰਧਤ ਧਿਰਾਂ ਤੋਂ ਜਵਾਬ ਤਲਬ ਕੀਤੇ ਅਤੇ ਉਨ੍ਹਾਂ ਨੂੰ ਸਾਰੇ ਜ਼ਰੂਰੀ ਦਸਤਾਵੇਜ਼ ਸਮੇਂ ਸਿਰ ਜਮ੍ਹਾਂ ਕਰਾਉਣ ਦੇ ਨਿਰਦੇਸ਼ ਦਿੱਤੇ । ਅਦਾਲਤ ਨੇ ਇਹ ਵੀ ਕਿਹਾ ਕਿ ਮਾਮਲੇ ਵਿੱਚ ਕਾਨੂੰਨੀ ਅਤੇ ਮਾਨਵਤਾਵਾਦੀ ਦੋਵਾਂ ਵਿਚਾਰਾਂ ਨੂੰ ਧਿਆਨ ਵਿੱਚ ਰੱਖਿਆ ਜਾਵੇਗਾ ।
