ਮਾਮੀ ਨਾਲ ਪ੍ਰੇਮ ਸਬੰਧਾਂ ਨੇ ਲਈ ਮਾਮੇ ਦੀ ਜਾਨ

by
January 31, 2026

ਮਾਮੀ ਨਾਲ ਪ੍ਰੇਮ ਸਬੰਧਾਂ ਨੇ ਲਈ ਮਾਮੇ ਦੀ ਜਾਨ ਉਤਰ ਪ੍ਰਦੇਸ਼, 31 ਜਨਵਰੀ 2026 : ਉਤਰ ਪ੍ਰਦੇਸ਼ ਦੇ ਸ਼ਾਹਜਹਾਂਪੁਰ ਜਿਲੇ `ਚ ਮਾਮੀ ਨਾਲ ਕਥਿਤ ਪ੍ਰੇਮ ਸਬੰਧਾਂ ਦੇ ਚਲਦਆਂ ਰਾਹ ਵਿਚ ਰੋੜਾ ਬਣ ਰਹੇ ਮਾਮੇ ਦਾ ਭਾਣਜੇ ਨੇ ਤੇਜ਼ਧਾਰ ਹਥਿਆਰ ਨਾਲ ਗਲਾ ਵੱਢ ਕੇ ਕਤਲ ਕਰ ਦਿੱਤਾ। ਐਸ. ਪੀ. ਰਾਜੇਸ਼ ਦਿਵੇਦੀ ਨੇ ਕੀ ਕੀ ਦੱਸਿਆ ਪੁਲਸ ਸੁਪਰਡੈਂਟ (ਐੱਸ. ਪੀ.) ਰਾਜੇਸ਼ ਦਿਵੇਦੀ ਨੇ ਦੱਸਿਆ ਕਿ ਸੀਤਾਪੁਰ ਜਿ਼ਲੇ ਦੇ ਨਿਵਾਸੀ ਮੁਲਜ਼ਮ ਆਦੇਸ਼ ਨੇ ਬਲਰਾਮ (30) ਦਾ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਕੇ ਕਤਲ ਕਰ ਦਿੱਤਾ । ਉਨ੍ਹਾਂ ਦੱਸਿਆ ਕਿ ਆਦੇਸ਼ ਆਪਣੇ ਨਾਲ 2 ਹੋਰ ਸਾਥੀਆਂ ਨੂੰ ਲੈ ਕੇ ਭਾਟੀਪੁਰਾ ਚੰਦੁ ਪਿੰਡ `ਚ ਬਲਰਾਮ ਦੇ ਘਰ ਗਿਆ ਸੀ। ਦਿਵੇਦੀ ਨੇ ਦੱਸਿਆ ਕਿ ਘਟਨਾ ਦੀ ਜਾਣਕਾਰੀ ਵੀਰਵਾਰ ਨੂੰ ਸਵੇਰੇ ਮਿਲੀ, ਜਦੋਂ ਬਲਰਾਮ ਦੇ ਭਰਾ ਨੇ ਮੰਜੇ `ਤੇ ਪਈ ਲਾਸ਼ ਦੇਖ ਕੇ ਪੁਲਸ ਨੂੰ ਸੂਚਿਤ ਕੀਤਾ। ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ ਉਨ੍ਹਾਂ ਦੱਸਿਆ ਕਿ ਮੁੱਢਲੀ ਜਾਂਚ `ਚ ਪਤਾ ਲੱਗਾ ਕਿ ਆਦੇਸ਼ ਦੇ ਬਲਰਾਮ ਦੀ ਪਤਨੀ ਨਾਲ ਕਥਿਤ ਤੌਰ `ਤੇ ਪ੍ਰੇਮ ਸਬੰਧ ਸਨ। ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਕਤਲ ਦੇ ਸਮੇਂ ਬਲਰਾਮ ਦੀ ਪਤਨੀ ਅਤੇ ਉਨ੍ਹਾਂ ਦਾ 5 ਸਾਲ ਦਾ ਬੇਟਾ ਉਸੇ ਕਮਰੇ `ਚ ਸੁੱਤੇ ਪਏ ਸਨ । ਇਨ੍ਹਾਂ ਹਾਲਾਤ ਨੂੰ ਨੂੰ ਦੇਖਦੇ ਹੋਏ ਪੁਲਸ ਅਪਰਾਧ `ਚ ਬਲਰਾਮ ਦੀ ਪਤਨੀ ਦੀ ਭੂਮਿਕਾ ਦੀ ਵੀ ਜਾਂਚ ਕਰ ਰਹੀ ਹੈ। ਪੁਲਸ ਕਪਤਾਨ ਨੇ ਦੱਸਿਆ ਕਿ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਬਲਰਾਮ ਦੀ ਪਤਨੀ ਨੂੰ ਹਿਰਾਸਤ `ਚ ਲਿਆ ਗਿਆ ਹੈ ਅਤੇ ਆਦੇਸ਼ ਨੂੰ ਫੜਨ ਦੇ ਹੀਲੇ ਜਾਰੀ ਹਨ।