ਇਕ ਰੁਪਏ ਵਿਚ ਜੁੱਤੀਆਂ ਦੀ ਆਫਰ ਤੇ ਇਕੱਠੀ ਭੀੜ ਤੇ ਪੁਲਸ ਨੇ ਕੀਤਾ ਲਾਠੀਚਾਰਜ

by Jasbeer Singh
March 9, 2026

ਇਕ ਰੁਪਏ ਵਿਚ ਜੁੱਤੀਆਂ ਦੀ ਆਫਰ ਤੇ ਇਕੱਠੀ ਭੀੜ ਤੇ ਪੁਲਸ ਨੇ ਕੀਤਾ ਲਾਠੀਚਾਰਜ ਕੋਝੀਕੋਡ, 9 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਕੇਰਲ ਦੇ ਕੋਝੀਕੋਡ ਵਿਚ ਦੁਕਾਨਦਾਰ ਵਲੋਂ ਇਕ ਰੁਪਏ ਵਿਚ ਜੁੱਤੀਆਂ ਦੀ ਆਫਰ ਦਿੱਤੇ ਜਾਣ ਦੇ ਮਾਮਲੇ ਵਿਚ ਭੀੜ ਤੇ ਲਾਠੀਚਾਰਜ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕੀ ਹੈ ਸਮੁੱਚਾ ਮਾਮਲਾ ਮਿਲੀ ਜਾਣਕਾਰੀ ਮੁਤਾਬਕ ਕੇਰਲ ਦੇ ਕੋਝੀਕੋਡ `ਚ ਮਹਿੰਗੀਆਂ ਜੁੱਤੀਆਂ ਸਿਰਫ਼ ਇਕ `ਰੁਪਏ `ਚ ਦੇਣ ਦੀ ਮਸ਼ਹੂਰੀ ਕਰਨ ਵਾਲੀ ਇਕ ਦੁਕਾਨ ਦੇ ਬਾਹਰ ਐਤਵਾਰ ਸਵੇਰੇ ਭਾਰੀ ਭੀੜ ਇਕੱਠੀ ਹੋ ਗਈ । ਭੀੜ ਨੂੰ ਕਾਬੂ `ਚ ਕਰਨ ਲਈ ਪੁਲਸ ਨੂੰ ਲਾਠੀਚਾਰਜ ਕਰਨਾ ਪਿਆ । ਵਾਇਰਲ ਮਸ਼ਹੂਰੀ ਤੋਂ ਪ੍ਰਭਾਵਿਤ ਹੋ ਕੇ ਸੈਂਕੜੇ ਗਾਹਕ ਤੜਕੇ ਹੀ ਇਲਾਕੇ `ਚ ਆ ਗਏ, ਜਿਸ ਕਾਰਨ ਹਫੜਾ-ਦਫੜੀ ਮਚ ਗਈ ਤੇ ਆਵਾਜਾਈ `ਚ ਵਿਘਨ ਪੈ ਗਿਆ । ਪੁਲਸ ਨੇ ਦੁਕਾਨ ਮਾਲਕ ਨੂੰ ਲੈ ਲਿਆ ਹੈ ਹਿਰਾਸਤ ਵਿਚ ਪੁਲਸ ਅਨੁਸਾਰ ਦੁਕਾਨਦਾਰ ਨੇ ਪਹਿਲੇ 100 ਗਾਹਕਾਂ ਨੂੰ ਹੀ ਸਿਰਫ਼ ਇਕ ਰੁਪਏ `ਚ ਜੁੱਤੀਆਂ ਦੇਣ ਦੀ ਗੱਲ ਕਹੀ ਸੀ। ਇਸ ਕਾਰਨ ਭੀੜ ਰਾਤ 2 ਵਜੇ ਹੀ ਇਕੱਠੀ ਹੋਣ ਲੱਗ ਪਈ । ਵਾਇਨਾਡ ਵਰਗੇ ਜਿ਼ਲਿਆਂ ਦੇ ਵੀ ਲੋਕ ਆਏ ਸਨ । ਸਥਿਤੀ ਦੇ ਕਾਬੂ ਤੋਂ ਬਾਹਰ ਹੋਣ `ਤੇ ਪੁਲਸ ਨੂੰ ਦਖਲ ਦੇਣਾ ਪਿਆ । ਇਲਾਕੇ `ਚ ਤਣਾਅ ਪੈਦਾ ਕਰਨ ਦੇ ਦੋਸ਼ ਹੇਠ ਦੁਕਾਨ ਦੇ ਮਾਲਕ ਨੂੰ ਹਿਰਾਸਤ `ਚ ਲੈ ਲਿਆ ਗਿਆ ਹੈ ।