ਅੰਬਾਲਾ ਦੇ ਰੇਲਵੇ ਟੈਕਨੀਸ਼ੀਅਨ ਦੀ ਬਾਗਪਤ 'ਚ ਹੱਤਿਆ

by Jasbeer Singh
January 13, 2026

ਅੰਬਾਲਾ ਦੇ ਰੇਲਵੇ ਟੈਕਨੀਸ਼ੀਅਨ ਦੀ ਬਾਗਪਤ 'ਚ ਹੱਤਿਆ ਬਾਗਪਤ, 13 ਜਨਵਰੀ 2026 : ਅੰਬਾਲਾ ਦੇ ਰਹਿਣ ਵਾਲੇ ਸੀਨੀਅਰ ਰੇਲਵੇ ਟੈਕਨੀਸ਼ੀਅਨ ਦੀਪਕ (35) ਦੀ ਉੱਤਰ ਪ੍ਰਦੇਸ਼ ਦੇ ਬਾਗਪਤ ਜ਼ਿਲੇ 'ਚ ਧੌਣ ਵੱਢ ਕੇ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਗਈ ਹੈ । ਹੱਤਿਆ ਪਿੱਛੋਂ ਮੁਲਜ਼ਮਾਂ ਨੇ ਉਸ ਦੀ ਲਾਸ਼ ਪੂਰਬੀ ਯਮੁਨਾ ਨਹਿਰ 'ਚ ਸੁੱਟ ਦਿੱਤੀ । ਕੰਮ ਤੇ ਜਾ ਰਿਹਾ ਹਾਂ ਕਹਿ ਕੇ ਨਿਕਲਿਆ ਪਰ ਨਹੀਂ ਪਹੁੰਚਿਆ ਡਿਊਟੀ ਤੇ ਦੀਪਕ 4 ਦਿਨ ਪਹਿਲਾਂ ਇਹ ਕਹਿ ਕੇ ਘਰੋਂ ਨਿਕਲਿਆ ਸੀ ਕਿ ਉਹ ਕੰਮ 'ਤੇ ਜਾ ਰਿਹਾ ਹੈ ਪਰ ਉਹ ਡਿਊਟੀ 'ਤੇ ਨਹੀਂ ਪਹੁੰਚਿਆ । ਪਰਿਵਾਰ ਦਾ ਉਸ ਨਾਲ ਸੰਪਰਕ ਵੀ ਨਹੀਂ ਹੋਇਆ । ਦੀਪਕ ਅੰਬਾਲਾ 'ਚ ਆਪਣੇ ਪਰਿਵਾਰ ਨਾਲ ਰਹਿੰਦਾ ਸੀ ਤੇ ਬਾਗਪਤ 'ਚ ਰੇਲਵੇ ਦੇ ਇਕ ਸੀਨੀਅਰ ਟੈਕਨੀਸ਼ੀਅਨ ਵਜੋਂ ਕੰਮ ਕਰਦਾ ਸੀ । ਪਰਿਵਾਰਕ ਮੈਂਬਰਾਂ ਅਨੁਸਾਰ ਦੀਪਕ ਆਮ ਵਾਂਗ ਕੰਮ 'ਤੇ ਗਿਆ ਪਰ ਦੇਰ ਰਾਤ ਤੱਕ ਘਰ ਨਹੀਂ ਪਰਤਿਆ । ਮੋਬਾਇਲ ਬੰਦ ਆਉਣ ਤੇ ਪਰਿਵਾਰਕ ਮੈਂਬਰਾਂ ਨੇ ਕੀਤੀ ਦੀਪਕ ਦੀ ਭਾਲ ਜਦੋਂ ਉਸ ਦਾ ਫ਼ੋਨ ਬੰਦ ਹੋ ਗਿਆ ਤਾਂ ਪਰਿਵਾਰ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ । 8 ਜਨਵਰੀ ਨੂੰ ਪੁਲਸ ਨੇ ਬਾਗਪਤ ਦੇ ਬੜੌਤ ਥਾਣਾ ਖੇਤਰ ਦੇ ਕਿਸ਼ਨਪੁਰ ਬਰਾਲ ਪਿੰਡ ਨੇੜੇ ਪੂਰਬੀ ਯਮੁਨਾ ਨਹਿਰ ਦੇ ਕੰਢੇ ਤੋਂ ਇਕ ਅਣਪਛਾਤੀ ਲਾਸ਼ ਬਰਾਮਦ ਕੀਤੀ । ਲਾਸ਼ ਦੀ ਪਛਾਣ ਦੀਪਕ ਵਜੋਂ ਹੋਣ ਪਿੱਛੋਂ ਪੁਲਸ ਨੇ ਪਰਿਵਾਰ ਨੂੰ ਸੂਚਿਤ ਕੀਤਾ । ਖ਼ਬਰ ਮਿਲਦਿਆਂ ਹੀ ਪਰਿਵਾਰ ਅੰਬਾਲਾ ਤੋਂ ਬਾਗਪਤ ਪਹੁੰਚਿਆ ।