SBI Share Price : ਰਾਕੇਟ ਬਣਿਆ SBI ਦਾ ਸ਼ੇਅਰ, ਪਹਿਲੀ ਵਾਰ 900 ਰੁਪਏ ਦੇ ਪਾਰ ਪੁੱਜਾ ਸਟਾਕ, M-Cap ਵੀ 8 ਲੱਖ ਕਰੋੜ

by Aaksh News
June 4, 2024

ਬੈਂਕ ਦੇ ਮੁੱਲ ਦੇ ਹਿਸਾਬ ਨਾਲ ਸਟੇਟ ਬੈਂਕ ਆਫ ਇੰਡੀਆ ਦੁਨੀਆ ਦਾ ਤੀਜਾ ਸਭ ਤੋਂ ਵੱਡਾ ਬੈਂਕ ਹੈ। HDFC ਬੈਂਕ ਬਾਜ਼ਾਰ ਪੂੰਜੀਕਰਨ ਦੇ ਮਾਮਲੇ 'ਚ ਦੇਸ਼ ਦਾ ਸਭ ਤੋਂ ਵੱਡਾ ਬੈਂਕ ਹੈ। ਇਸ ਤੋਂ ਬਾਅਦ ICICI ਬੈਂਕ ਦੂਜੇ ਸਥਾਨ 'ਤੇ ਆਉਂਦਾ ਹੈ। ਬਾਜ਼ਾਰ 'ਚ ਤੇਜ਼ੀ ਕਾਰਨ ਦੇਸ਼ ਦੇ ਸਭ ਤੋਂ ਵੱਡੇ ਜਨਤਕ ਖੇਤਰ ਦੇ ਬੈਂਕ ਸਟੇਟ ਬੈਂਕ ਆਫ ਇੰਡੀਆ ਦੇ ਸ਼ੇਅਰਾਂ 'ਚ ਵੀ ਤੇਜ਼ੀ ਆਈ। ਅੱਜ SBI ਦੇ ਸ਼ੇਅਰ 900 ਰੁਪਏ ਤੋਂ ਉੱਪਰ ਕਾਰੋਬਾਰ ਕਰ ਰਹੇ ਹਨ। ਸਟਾਕ 'ਚ ਵਾਧੇ ਤੋਂ ਬਾਅਦ SBI ਦੇ ਐਮ-ਕੈਪ 'ਚ ਸ਼ਾਨਦਾਰ ਵਾਧਾ ਹੋਇਆ ਹੈ। 3 ਜੂਨ, 2024 ਨੂੰ ਐਸਬੀਆਈ ਦਾ ਮਾਰਕੀਟ ਪੂੰਜੀਕਰਨ 8 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ। ਇਸ ਸਾਲ 7 ਮਾਰਚ, 2024 ਨੂੰ ਐਸਬੀਆਈ ਦਾ ਐੱਮ-ਕੈਪ 7 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਸੀ। ਐਸਬੀਆਈ ਦੇ ਸ਼ੇਅਰ ਦੀ ਪਰਫਾਰਮੈਂਸ SBI ਦੇ ਸ਼ੇਅਰ ਅੱਜ ਸਵੇਰੇ 9.15 ਵਜੇ 867.05 ਰੁਪਏ ਪ੍ਰਤੀ ਸ਼ੇਅਰ 'ਤੇ ਖੁੱਲ੍ਹੇ। ਇਸ ਤੋਂ ਬਾਅਦ ਕੰਪਨੀ ਦੇ ਸ਼ੇਅਰਾਂ 'ਚ ਲਗਾਤਾਰ ਵਾਧਾ ਦੇਖਣ ਨੂੰ ਮਿਲਿਆ। ਉਸੇ ਸਮੇਂ ਦੁਪਹਿਰ 2.20 ਵਜੇ ਐਸਬੀਆਈ ਦੇ ਸ਼ੇਅਰ 74.65 ਅੰਕ ਜਾਂ 8.99 ਪ੍ਰਤੀਸ਼ਤ ਦੇ ਵਾਧੇ ਨਾਲ 905.00 ਰੁਪਏ ਪ੍ਰਤੀ ਸ਼ੇਅਰ 'ਤੇ ਕਾਰੋਬਾਰ ਕਰ ਰਹੇ ਸਨ। ਜੇਕਰ ਬੈਂਕ ਦੇ ਸ਼ੇਅਰਾਂ ਦੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਇਸ ਸਾਲ ਹੁਣ ਤਕ SBI ਦੇ ਸ਼ੇਅਰਾਂ ਨੇ 40 ਫੀਸਦੀ ਦਾ ਸਕਾਰਾਤਮਕ ਰਿਟਰਨ ਦਿੱਤਾ ਹੈ। ਇਸ ਦੇ ਨਾਲ ਹੀ ਬੈਂਕ ਦੇ ਸ਼ੇਅਰਾਂ ਨੇ ਪਿਛਲੇ 6 ਮਹੀਨਿਆਂ 'ਚ 52.18 ਫੀਸਦੀ ਅਤੇ 1 ਸਾਲ 'ਚ 54.12 ਫੀਸਦੀ ਦਾ ਰਿਟਰਨ ਦਿੱਤਾ ਹੈ। SBI ਕਿਸ ਰੈਂਕ 'ਤੇ ਹੈ? ਬੈਂਕ ਦੇ ਮੁੱਲ ਦੇ ਹਿਸਾਬ ਨਾਲ ਸਟੇਟ ਬੈਂਕ ਆਫ ਇੰਡੀਆ ਦੁਨੀਆ ਦਾ ਤੀਜਾ ਸਭ ਤੋਂ ਵੱਡਾ ਬੈਂਕ ਹੈ। HDFC ਬੈਂਕ ਬਾਜ਼ਾਰ ਪੂੰਜੀਕਰਨ ਦੇ ਮਾਮਲੇ 'ਚ ਦੇਸ਼ ਦਾ ਸਭ ਤੋਂ ਵੱਡਾ ਬੈਂਕ ਹੈ। ਇਸ ਤੋਂ ਬਾਅਦ ICICI ਬੈਂਕ ਦੂਜੇ ਸਥਾਨ 'ਤੇ ਆਉਂਦਾ ਹੈ।