Punjab
ਕਪਾਹ ਦੀ ਫਸਲ ਦੀ ਨਿਰਧਾਰਤ ਕੀਮਤ ਘੱਟ ਹੈ : ਕੈਬਨਿਟ ਮੰਤਰੀ
ਕਪਾਹ ਦੀ ਫਸਲ ਦੀ ਨਿਰਧਾਰਤ ਕੀਮਤ ਘੱਟ ਹੈ : ਕੈਬਨਿਟ ਮੰਤਰੀ ਚੰਡੀਗੜ੍ਹ, 24 ਸਤੰਬਰ 2025 : ਪੰਜਾਬ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਦੇ ਕੈਬਨਿਟ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਨੇ ਕਿਹਾ ਕਿ ਪੰਜਾਬ ਦੇ ਕਿਸਾਨਾਂ ਨੇ ਕਪਾਹ ਦੀ ਫਸਲ ਵਧਾਈ ਹੈ, ਜੋ ਕਿ ਪਿਛਲੀ ਵਾਰ 99 ਹਜ਼ਾਰ ਏਕੜ ਸੀ ਅਤੇ ਇਸ ਵਾਰ ਇਹ ਵੱਧ ਕੇ 1 ਲੱਖ 19 ਹਜ਼ਾਰ ਏਕੜ ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ ਫਸਲ ਵੀ ਚੰਗੀ ਹੋਈ ਹੈ। ਕਈ ਥਾਵਾਂ `ਤੇ ਕਪਾਹ ਦੀ ਫਸਲ ਖਰਾਬ ਹੋਈ ਸੀ, ਪਰ ਫਿਰ ਫਸਲ ਨਿਕਲੀ ਹੈ। ਕਪਾਹ ਮੰਡੀ ਵਿੱਚ ਆ ਰਹੀ ਹੈ ਅਤੇ ਦੇਸ਼ ਦੀ ਸਰਕਾਰ ਦੁਆਰਾ ਇਸ ਦੀ ਨਿਰਧਾਰਤ ਕੀਮਤ ਘੱਟ ਹੈ ਉਨ੍ਹਾਂ ਕਿਹਾ ਕਿ ਕਪਾਹ ਮੰਡੀ ਵਿੱਚ ਆ ਰਹੀ ਹੈ ਅਤੇ ਦੇਸ਼ ਦੀ ਸਰਕਾਰ ਦੁਆਰਾ ਇਸ ਦੀ ਨਿਰਧਾਰਤ ਕੀਮਤ ਘੱਟ ਹੈ । ਜੇਕਰ ਅਸੀਂ ਇਸ ਨੂੰ ਵੇਖੀਏ ਤਾਂ ਮੰਡੀ ਵਿੱਚ ਬਹੁਤ ਲੁੱਟ ਹੋ ਰਹੀ ਹੈ ਅਤੇ ਫਸਲ ਨੂੰ ਨਿਰਧਾਰਤ ਕੀਮਤ ਤੋਂ ਘੱਟ ਵੇਚਣਾ ਪੈ ਰਿਹਾ ਹੈ । ਜਿਵੇਂ ਕੇਂਦਰ ਪਹਿਲਾਂ ਪੰਜਾਬ ਦੇ ਲੋਕਾਂ ਨਾਲ ਵਿਤਕਰਾ ਕਰਦਾ ਸੀ, ਹੁਣ ਵੀ ਉਹੀ ਕਰ ਰਿਹਾ ਹੈ। ਸਾਨੂੰ ਉਸ ਫਸਲ ਵਿੱਚ ਤਰਜੀਹ ਦੇਣੀ ਚਾਹੀਦੀ ਹੈ ਜੋ ਅਸੀਂ ਖੁਦ ਪੈਦਾ ਕਰ ਰਹੇ ਹਾਂ। ਕੇਂਦਰ ਨੂੰ ਇਸ ਵਿੱਚ ਵਿਤਕਰਾ ਨਹੀਂ ਕਰਨਾ ਚਾਹੀਦਾ।
Related Post
Jasbeer Singh
(Chief Editor)
9815529139
