Business
ਵੇਟਿੰਗ ਟਿਕਟ ਦੇ ਨਾਲ ਸਲੀਪਰ ਜਾਂ ਏਸੀ ਕੋਚ 'ਚ ਸਵਾਰ ਹੋਣ ਵਾਲਿਆਂ ਦੀ ਖ਼ੈਰ ਨਹੀਂ, ਮਿਲੇਗੀ ਅਜਿਹੀ ਸਜ਼ਾ
ਜਿਹੜੇ ਯਾਤਰੀ ਟਿਕਟ ਕਨਫਰਮ ਨਾ ਹੋਣ ਦੇ ਬਾਵਜੂਦ ਸਲੀਪਰ ਜਾਂ ਏਸੀ ਕੋਚ 'ਚ ਸਵਾਰ ਹੁੰਦੇ ਹਨ, ਉਨ੍ਹਾਂ ਨੂੰ ਚੌਕਸ ਰਹਿਣਾ ਚਾਹੀਦਾ ਹੈ। ਹੁਣ ਉਨ੍ਹਾਂ ਨੂੰ ਅਜਿਹਾ ਕਰਨ ਦੀ ਭਾਰੀ ਕੀਮਤ ਚੁਕਾਉਣੀ ਪੈ ਸਕਦੀ ਹੈ।ਰੇਲਵੇ ਮੁਤਾਬਕ ਵੇਟਿੰਗ ਟਿਕਟਾਂ ਵਾਲੇ ਯਾਤਰੀਆਂ ਦੀ ਸਲੀਪਰ ਤੇ ਏਸੀ ਕੋਚਾਂ 'ਚ ਐਂਟਰੀ ਨਹੀਂ ਹੋਵੇਗੀ। ਜੇਕਰ ਅਜਿਹਾ ਕੋਈ ਯਾਤਰੀ ਡੱਬੇ 'ਚ ਚੜ੍ਹਦਾ ਹੈ ਤਾਂ ਚੈਕਿੰਗ ਸਟਾਫ਼ ਜੁਰਮਾਨਾ ਵਸੂਲ ਕੇ ਉਸ ਨੂੰ ਅਗਲੇ ਸਟੇਸ਼ਨ ’ਤੇ ਉਤਾਰ ਦੇਵੇਗਾ। ਦੂਸਰੇ ਯਾਤਰੀਆਂ ਦੀ ਸਹੂਲਤ 'ਚ ਖ਼ਲਲ ਅਧਿਕਾਰੀਆਂ ਮੁਤਾਬਕ ਜੇਕਰ ਬਿਨਾਂ ਕਨਫਰਮ ਟਿਕਟ ਦੇ ਲੋਕ ਟਰੇਨ 'ਚ ਚੜ੍ਹਦੇ ਹਨ ਤਾਂ ਇਸ ਨਾਲ ਹੋਰ ਯਾਤਰੀਆਂ ਦੀ ਸਹੂਲਤ 'ਚ ਵਿਘਨ ਪੈਂਦਾ ਹੈ। ਇਹ ਵਿਵਸਥਾ ਕਨਫਰਮ ਟਿਕਟਾਂ ਵਾਲੇ ਯਾਤਰੀਆਂ ਨੂੰ ਅਸੁਵਿਧਾ ਤੋਂ ਬਚਾਉਣ ਲਈ ਕੀਤੀ ਜਾ ਰਹੀ ਹੈ। ਕਿਹੜੇ ਯਾਤਰੀ ਕਰਦੇ ਹਨ ਬਿਨਾਂ ਕਨਫਰਮ ਟਿਕਟ ਦੇ ਸਫ਼ਰ ? ਰੇਲਵੇ ਪ੍ਰਣਾਲੀ ਅਨੁਸਾਰ, ਜੇਕਰ ਆਨਲਾਈਨ ਟਿਕਟ ਦੀ ਪੁਸ਼ਟੀ ਨਹੀਂ ਹੁੰਦੀ ਹੈ ਤਾਂ ਇਹ ਆਪਣੇ-ਆਪ ਰੱਦ ਹੋ ਜਾਂਦੀ ਹੈ। ਇਸ ਦੇ ਨਾਲ ਹੀ ਆਫਲਾਈਨ ਯਾਨੀ ਵਿੰਡੋ ਰਾਹੀਂ ਟਿਕਟ ਬੁੱਕ ਕਰਨ ਵਾਲੇ ਯਾਤਰੀਆਂ ਲਈ ਟਿਕਟਾਂ ਨੂੰ ਰੱਦ ਕਰਨ ਦਾ ਕੋਈ ਪ੍ਰਬੰਧ ਨਹੀਂ ਹੈ। ਗਰਮੀਆਂ ਦੀਆਂ ਛੁੱਟੀਆਂ ਕਾਰਨ ਟਰੇਨਾਂ 'ਚ ਯਾਤਰੀਆਂ ਦੀ ਗਿਣਤੀ ਦਿਨੋ-ਦਿਨ ਵਧ ਰਹੀ ਹੈ ਤੇ ਅਜਿਹੇ ਮਾਮਲੇ ਵੀ ਸਾਹਮਣੇ ਆ ਰਹੇ ਹਨ। ਕਨਫਰਮ ਟਿਕਟਾਂ ਵਾਲੇ ਯਾਤਰੀ ਲਗਾਤਾਰ ਸ਼ਿਕਾਇਤਾਂ ਕਰ ਰਹੇ ਹਨ। ਇਸ ਲਈ ਚੱਲਦੀ ਗੱਡੀ 'ਚ ਹੀ ਹੋਵੇਗੀ ਕਾਰਵਾਈ ਕਨਫਰਮ ਟਿਕਟਾਂ 'ਤੇ ਸਫਰ ਕਰਨ ਵਾਲੇ ਐਕਸ ਪੋਸਟ ਜਾਂ ਹੋਰ ਸਾਧਨਾਂ ਰਾਹੀਂ ਰੇਲਵੇ ਨੂੰ ਸ਼ਿਕਾਇਤ ਕਰ ਰਹੇ ਹਨ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਫੈਸਲਾ ਕੀਤਾ ਹੈ ਕਿ ਚੱਲਦੀ ਗੱਡੀ 'ਤੇ ਹੀ ਕਾਰਵਾਈ ਕੀਤੀ ਜਾਵੇਗੀ। ਉਡੀਕ ਸੂਚੀਬੱਧ ਯਾਤਰੀ ਇਕ ਤੋਂ ਦੂਜੀ ਬੋਗੀ 'ਚ ਜਾਂਦੇ ਹਨ ਅਤੇ ਜਿੱਥੇ ਵੀ ਉਨ੍ਹਾਂ ਨੂੰ ਸੀਟ ਮਿਲਦੀ ਹੈ ਉੱਥੇ ਬੈਠ ਜਾਂਦੇ ਹਨ।
Related Post
 (32)-1729945112.jpg)
Jasbeer Singh
(Chief Editor)
9815529139
