ਤਿੰਨ ਵਿਅਕਤੀਆਂ ਸਮੇਤ ਅਣਪਛਾਤੇ ਵਿਅਕਤੀਆਂ ਤੇ ਕੇਸ ਦਰਜ

by Jasbeer Singh
November 8, 2025

ਤਿੰਨ ਵਿਅਕਤੀਆਂ ਸਮੇਤ ਅਣਪਛਾਤੇ ਵਿਅਕਤੀਆਂ ਤੇ ਕੇਸ ਦਰਜ ਪਟਿਆਲਾ, 8 ਨਵੰਬਰ 2025 : ਥਾਣਾ ਕੋਤਵਾਲੀ ਪਟਿਆਲਾ ਪੁਲਸ ਨੇ ਤਿੰਨ ਵਿਅਕਤੀਆਂ ਸਮੇਤ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਵੱਖ-ਵੱਖ ਧਾਰਾਵਾਂ 316 (2), 318 (2), 61 (2), 351 ਬੀ. ਐਨ. ਐਸ. ਤਹਿਤ ਕੇਸ ਦਰਜ ਕੀਤਾ ਹੈ। ਕਿਸ ਕਿਸ ਵਿਰੁੱਧ ਕੀਤਾ ਗਿਆ ਹੈ ਕੇਸ ਦਰਜ ਜਿਹੜੇ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਜੋਗਿੰਦਰਪਾਲ ਮਦਾਨ ਪੁੱਤਰ ਖਰੈਤੀ ਲਾਲ ਵਾਸੀ ਮਕਾਨ ਨੰ. 887/15 ਜਵਾਹਰ ਨਗਰ ਪਾਣੀਪਤ ਹਰਿਆਣਾ, ਆਸਿ਼ਦ ਅਲੀ ਪੁੱਤਰ ਮੁਹੰਮਦ ਰਾਇਸ਼ ਖਾਨ ਵਾਸੀ ਮਕਾਨ ਨੰ. 7-ਆਰ ਪ੍ਰਕਾਸ਼ ਨਗਰ ਪਾਣੀਪਤ ਹਰਿਆਣਾ, ਸ਼ੁਕਲਾ ਅਤੇ ਅਣਪਛਾਤੇ ਵਿਅਕਤੀ ਸ਼ਾਮਲ ਹਨ। ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਕੀ ਦੱਸਿਆ ਸਿ਼ਕਾਾਇਤਕਰਤਾ ਨੇ ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਰਵਿੰਦਰ ਸਿੰਘ ਪੁੱਤਰ ਗੁਰਬਚਨ ਸਿੰਘ ਵਾਸੀ ਮਕਾਨ ਨੰ. 12-ਏ ਬਚਿੱਤਰ ਨਗਰ ਨਿਊ ਮਾਡਲ ਟਾਊਨ ਪਟਿਆਲਾ ਨੇ ਦੱਸਿਆ ਕਿ ਉਪਰੋਕਤ ਵਿਅਕਤੀ ਸਾਲਾਸਰ ਓਵਰਸੀਜ ਪਾਣੀਪਤ ਹਰਿਆਣਾ ਵਿਖੇ ਇਮੀਗੇ੍ਰਸ਼ਨ ਦਾ ਕੰਮ ਕਰਦੇ ਹਨ ਤੇ ਉਸਨੇ (ਸਿ਼ਕਾਇਤਕਰਤਾ) ਆਪਣੇ ਦੋ ਦੋਸਤਾਂ ਦੇ ਉਪਰੋਕਤ ਵਿਅਕਤੀਆਂ ਕੋਲੋਂ ਵੀਜੇ ਲਗਾਉਣ ਲਈ 18-18 ਲੱਖ ਰੁਪਏ ਵਿੱਚ ਗਲਬਾਤ ਕੀਤੀ ਸੀ ਅਤੇ ਉਪਰੋਕਤ ਵਿਅਕਤੀਆਂ ਨੇ ਉਨ੍ਹਾਂ ਪਾਸੋਂ ਕੁੱਲ 19 ਲੱਖ 46 ਹਜ਼ਾਰ 500 ਰੁਪਏ ਲੈ ਲਏ ਸਨ ਪਰ ਬਾਅਦ ਵਿੱਚ ਵੀਜਾ ਨਹੀਂ ਲਗਵਾਇਆ ਅਤੇ ਜਦੋਂ ਉਨ੍ਹਾਂ ਨੇ ਪੈਸੇ ਮੰਗੇ ਤਾਂ ਉਪਰੋਕਤ ਵਿਅਕਤੀਆਂ 10 ਜੂਨ 2025 ਨੂ ੰਉਸ ਨੂੰ ਬਾਰਾਂਦਰੀ ਚੌਂਕ ਪਟਿਆਲਾ ਵਿਖੇ ਬੁਲਾਇਆ ਅਤੇ ਉਥੇ ਦੋ ਅਣਪਛਾਤੇ ਵਿਅਕਤੀਆਂ ਨੇ ਉਸ ਨਾਲ ਗਾਲੀ-ਗਲੋਚ ਕੀਤਾ ਤੇ ਜੋਗਿੰਦਰਪਾਲ ਮਦਾਨ ਤੋ ਪੈਸੇ ਨਾ ਮੰਗਣ ਸਬੰਧੀ ਧਮਕੀਆਂ ਵੀ ਦਿੱਤੀਆਂ।ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।