ਲਖਨਊ ਦੇ ਚਿਨਹਾਟ ਵਿੱਚ ਮੋਬਾਈਲ ਫੋਨ ਦੀ ਡਿਲੀਵਰੀ ਕਰਨ ਆਏ ਡਿਲੀਵਰੀ ਏਜੰਟ ਦਾ 3 ਨੌਜਵਾਨਾਂ ਨੇ ਸਾਜਿ਼ਸ਼ ਰਚ ਕੇ ਕੀਤਾ ਕਤ

by Jasbeer Singh
October 1, 2024

ਲਖਨਊ ਦੇ ਚਿਨਹਾਟ ਵਿੱਚ ਮੋਬਾਈਲ ਫੋਨ ਦੀ ਡਿਲੀਵਰੀ ਕਰਨ ਆਏ ਡਿਲੀਵਰੀ ਏਜੰਟ ਦਾ 3 ਨੌਜਵਾਨਾਂ ਨੇ ਸਾਜਿ਼ਸ਼ ਰਚ ਕੇ ਕੀਤਾ ਕਤਲ ਉੱਤਰ ਪ੍ਰਦੇਸ : ਭਾਰਤ ਦੇਸ਼ ਦੇ ਸੂਬੇ ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਦੇ ਚਿਨਹਾਟ ਵਿੱਚ ਮੋਬਾਈਲ ਫੋਨ ਦੀ ਡਿਲੀਵਰੀ ਕਰਨ ਆਏ ਇੱਕ ਡਿਲੀਵਰੀ ਏਜੰਟ ਦਾ ਤਿੰਨ ਨੌਜਵਾਨਾਂ ਨੇ ਇਕ ਸੋਚੀ ਸਮਝੀ ਸਾਜਿਸ਼ ਕਤਲ ਕਰ ਦਿੱਤਾ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਨੇ ਦੋ ਮੋਬਾਈਲ ਫੋਨ (ਕੁੱਲ ਕੀਮਤ 1 ਲੱਖ ਰੁਪਏ) ਅਤੇ ਕਰੀਬ 35 ਹਜ਼ਾਰ ਰੁਪਏ ਬਣਦੀ ਹੈ ਲੁੱਟ ਲਏ।ਇਸ ਉਪਰੰਤ ਮੁਲਜ਼ਮਾਂ ਨੇ ਡਿਲੀਵਰੀ ਏਜੰਟ ਦੀ ਲਾਸ਼ ਡਿਲੀਵਰੀ ਏਜੰਟ ਦੇ ਬੈਗ ਵਿਚ ਪਾ ਦਿੱਤੀ ਅਤੇ ਬਾਰਾਬੰਕੀ ਦੇ ਮਾਟੀ ਇਲਾਕੇ ਵਿਚ ਜਾ ਕੇ ਇੰਦਰਾ ਨਹਿਰ ਵਿਚ ਸੁੱਟ ਦਿੱਤਾ। ਪੁਲਿਸ ਨੇ ਦੋ ਮੁਲਜ਼ਮਾਂ ਕਨੌਜੀਆ ਅਤੇ ਆਕਾਸ਼ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਤੀਜੇ ਮੁਲਜ਼ਮ ਗਜਾਨਨ ਦੀ ਭਾਲ ਵਿੱਚ ਤਿੰਨ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਦੀ ਟੀਮ ਲਾਸ਼ ਨੂੰ ਬਰਾਮਦ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।ਡਿਲੀਵਰੀ ਨੌਜਵਾਨ ਭਾਰਤ ਕੁਮਾਰ ਪ੍ਰਜਾਪਤੀ (32) ਮੂਲ ਰੂਪ `ਚ ਜਾਮੋ, ਅਮੇਠੀ ਦਾ ਰਹਿਣ ਵਾਲਾ ਹੈ, ਜੋ ਆਪਣੀ ਪਤਨੀ ਅਖਿਲੇਸ਼ ਕੁਮਾਰੀ ਨਾਲ ਚਿਨਹਟ ਇਲਾਕੇ ਦੇ ਸਤਰੀਖ ਰੋਡ ਸਥਿਤ ਸਵਿਤਾ ਵਿਹਾਰ `ਚ ਰਹਿੰਦਾ ਸੀ। ਉਹ ਇੰਸਟਾ ਕਾਰਡ ਪ੍ਰਾਈਵੇਟ ਲਿਮਟਿਡ ਕੰਪਨੀ ਵਿੱਚ ਡਿਲੀਵਰੀ ਏਜੰਟ ਸੀ। 24 ਸਤੰਬਰ ਦੀ ਦੁਪਹਿਰ ਨੂੰ ਭਰਤ 49 ਗਾਹਕਾਂ ਦੇ ਸਾਮਾਨ ਦੀ ਡਿਲਿਵਰੀ ਕਰਨ ਲਈ ਦਫ਼ਤਰ ਤੋਂ ਨਿਕਲਿਆ। ਦੇਰ ਰਾਤ ਤੱਕ ਜਦੋਂ ਉਹ ਵਾਪਸ ਨਹੀਂ ਪਰਤਿਆ ਤਾਂ ਹੱਬ ਇੰਚਾਰਜ ਆਦਰਸ਼ ਕੋਸ਼ਟਾ ਨੇ ਪਰਿਵਾਰ ਨੂੰ ਸੂਚਿਤ ਕੀਤਾ ਅਤੇ ਚਿਨਹਾਟ ਥਾਣੇ ਵਿੱਚ ਗੁੰਮਸ਼ੁਦਗੀ ਦੀ ਸ਼ਿਕਾਇਤ ਦਰਜ ਕਰਵਾਈ।