ਭਾਰਤੀ ਸਿੰਘ ਤੇ ਹਰੀਸ਼ ਲਿੰਬਾਚੀਆ ਦੇ ਘਰ ਹੋਇਆ ਮੁੰਡੇ ਦਾ ਜਨਮ

by Jasbeer Singh
December 19, 2025

ਭਾਰਤੀ ਸਿੰਘ ਤੇ ਹਰੀਸ਼ ਲਿੰਬਾਚੀਆ ਦੇ ਘਰ ਹੋਇਆ ਮੁੰਡੇ ਦਾ ਜਨਮ ਮੁੰਬਈ, 19 ਦਸੰਬਰ 2025 : ਭਾਰਤ ਦੀ ਪ੍ਰਸਿੱਧ ਕਾਮੇਡੀਅਨ ਭਾਰਤੀ ਸਿੰਘ ਤੇ ਹਰੀਸ਼ ਲਿੰਬਾਚੀਆ ਦੇ ਘਰ ਇਕ ਲੜਕੇ ਨੇ ਜਨਮ ਲਿਆ ਹੈ। ਜਿਸ ਨਾਲ ਭਾਰਤੀ ਸਿੰਘ ਤੇ ਹਰੀਸ਼ ਲਿੰਬਾਚੀਆ ਨੂੰ ਇਕ ਵਾਰ ਫਿਰ ਮਾਂ-ਬਾਪ ਦਾ ਮੌਕਾ ਮਿਲਿਆ ਹੈ। ਇਹ ਖੁਸ਼ੀ ਦਾ ਪਲ ਉਸ ਸਮੇਂ ਆਇਆ ਜਦੋਂ ਭਾਰਤੀ ਆਪਣੇ ਹਰਮਨ ਪਿਆਰੇ ਟੀ. ਵੀ. ਸ਼ੋਅ `ਲਾਫਟਰ ਸ਼ੈੱਫਸ` ਦੀ ਸ਼ੂਟਿੰਗ ਲਈ ਸੈੱਟ `ਤੇ ਜਾਣ ਦੀ ਤਿਆਰੀ ਕਰ ਰਹੀ ਸੀ । ਉਦੋਂ ਅਚਾਨਕ ਉਨ੍ਹਾਂ ਨੂੰ ਬੇਚੈਨੀ ਮਹਿਸੂਸ ਹੋਈ ਅਤੇ ਹਾਲਤ ਅਜਿਹੀ ਬਣ ਗਈ ਕਿ ਉਨ੍ਹਾਂ ਨੂੰ ਸ਼ੂਟਿੰਗ ਰੱਦ ਕਰਕੇ ਤੁਰੰਤ ਹਸਪਤਾਲ ਲਿਜਾਣਾ ਪਿਆ। ਡਾਕਟਰਾਂ ਮੁਤਾਬਕ ਮਾਂ ਤੇ ਬੱਚਾ ਦੋਵੇਂ ਹਨ ਠੀਕ ਡਾਕਟਰਾਂ ਦੀ ਨਿਗਰਾਨੀ ਵਿੱਚ ਭਾਰਤੀ ਸਿੰਘ ਦੀ ਡਿਲੀਵਰੀ ਹੋਈ ਅਤੇ ਰਾਹਤ ਦੀ ਗੱਲ ਇਹ ਹੈ ਕਿ ਮਾਂ ਅਤੇ ਬੱਚਾ ਦੋਵੇਂ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ । ਡਿਲੀਵਰੀ ਦੇ ਸਮੇਂ ਹਰਸ਼ ਲਿੰਬਾਚੀਆ ਲਗਾਤਾਰ ਪਤਨੀ ਦੇ ਨਾਲ ਮੌਜੂਦ ਰਹੇ ਅਤੇ ਉਨ੍ਹਾਂ ਦਾ ਹੌਸਲਾ ਵਧਾਇਆ । ਹਾਲਾਂਕਿ ਜੋੜੇ ਨੇ ਅਜੇ ਤੱਕ ਖੁਦ ਇਸ ਖਬਰ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ ਪਰ ਇੰਡਸਟਰੀ ਦੇ ਦੋਸਤਾਂ ਨੇ ਵਧਾਈ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।