ਭੂਪਿੰਦਰਾ ਇੰਟਰਨੈਸ਼ਨਲ ਪਬਲਿਕ ਸਕੂਲ ਨੇ 6ਵੀਂ ਕਲਾਸ ਤੋਂ ਹੀ ਪ੍ਰਤੀਯੋਗੀ ਪਰੀਖਿਆਵਾਂ ਦੀ ਤਿਆਰੀ ਸ਼ੁਰੂ ਕੀਤੀ, ਵਿਦਿਆਰਥੀ

by Jasbeer Singh
April 12, 2025

ਭੂਪਿੰਦਰਾ ਇੰਟਰਨੈਸ਼ਨਲ ਪਬਲਿਕ ਸਕੂਲ ਨੇ 6ਵੀਂ ਕਲਾਸ ਤੋਂ ਹੀ ਪ੍ਰਤੀਯੋਗੀ ਪਰੀਖਿਆਵਾਂ ਦੀ ਤਿਆਰੀ ਸ਼ੁਰੂ ਕੀਤੀ, ਵਿਦਿਆਰਥੀਆਂ 'ਤੇ ਕੋਈ ਵਾਧੂ ਦਬਾਅ ਬਿਨਾਂ ਪਟਿਆਲਾ : ਭੂਪਿੰਦਰਾ ਇੰਟਰਨੈਸ਼ਨਲ ਪਬਲਿਕ ਸਕੂਲ (BIPS) ਨੇ ਆਪਣੇ ਵਿਦਿਆਰਥੀਆਂ ਨੂੰ JEE, NEET, UPSC, ਓਲੰਪਿਆਡ, ਅਤੇ NTSE ਵਰਗੀਆਂ ਰਾਸ਼ਟਰੀ ਪੱਧਰ ਦੀਆਂ ਪ੍ਰਤੀਯੋਗੀ ਪਰੀਖਿਆਵਾਂ ਲਈ 6ਵੀਂ ਕਲਾਸ ਤੋਂ ਹੀ ਤਿਆਰੀ ਕਰਵਾਉਣ ਦੀ ਵਿਲੱਖਣ ਪਹਿਲਕਦਮੀ ਸ਼ੁਰੂ ਕੀਤੀ ਹੈ। ਇਸ ਪ੍ਰੋਗਰਾਮ ਦਾ ਟੀਚਾ ਵਿਦਿਆਰਥੀਆਂ ਨੂੰ ਭਵਿੱਖ ਦੀਆਂ ਚੁਣੌਤੀਆਂ ਲਈ ਸ਼ਕਤੀਸ਼ਾਲੀ ਬਣਾਉਣਾ ਹੈ, ਪਰੰਤੂ ਉਹਨਾਂ 'ਤੇ ਪੜ੍ਹਾਈ ਦਾ ਕੋਈ ਵਾਧੂ ਬੋਝ ਪਾਏ ਬਿਨਾਂ । BIPS ਦੀ ਪ੍ਰਿੰਸੀਪਲ ਡਾ. ਇੰਦੂ ਸ਼ਰਮਾ ਨੇ ਇਸ ਪਹਿਲਕਦਮੀ ਬਾਰੇ ਦੱਸਿਆ, “ਸਾਡਾ ਧਿਆਨ ਵਿਦਿਆਰਥੀਆਂ ਨੂੰ ‘ਦਬਾਅ’ ਨਹੀਂ, ਸਗੋਂ ‘ਅਭਿਆਸ’ ਰਾਹੀਂ ਤਿਆਰ ਕਰਨ ’ਤੇ ਹੈ। ਇਸ ਪ੍ਰੋਗਰਾਮ ਵਿੱਚ ਪਾਠਕ੍ਰਮ ਨੂੰ ਦਿਲਚਸਪ ਗਤੀਵਿਧੀਆਂ, ਇੰਟਰਐਕਟਿਵ ਕਲਾਸਾਂ, ਅਤੇ ਪ੍ਰੈਕਟੀਕਲ ਪ੍ਰੋਜੈਕਟਾਂ ਨਾਲ ਜੋੜਿਆ ਗਿਆ ਹੈ, ਤਾਂ ਜੋ ਬੱਚੇ ਬਿਨਾਂ ਤਣਾਅ ਦੇ ਗਿਆਨ ਨੂੰ ਸਮਝ ਸਕਣ। ਅਸੀਂ ਉਹਨਾਂ ਨੂੰ ਪ੍ਰਤੀਯੋਗੀ ਪਰੀਖਿਆਵਾਂ ਦੇ ਪੈਟਰਨ ਨਾਲ ਪਰਿਚਿਤ ਕਰਵਾਉਂਦੇ ਹਾਂ, ਪਰ ਇਸ ਲਈ ਕੋਈ ਵਾਧੂ ਕਲਾਸ ਜਾਂ ਹੋਮਵਰਕ ਨਹੀਂ ਦਿੱਤਾ ਜਾਂਦਾ।” ਪ੍ਰੋਗਰਾਮ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ : ਕੌਂਸੈਪਟ-ਅਧਾਰਿਤ ਸਿੱਖਿਆ: ਗਣਿਤ ਅਤੇ ਵਿਗਿਆਨ ਨੂੰ ਰੋਜ਼ਾਨਾ ਦੀਆਂ ਉਦਾਹਰਣਾਂ ਨਾਲ ਜੋੜਕੇ ਪੜ੍ਹਾਇਆ ਜਾਂਦਾ ਹੈ, ਜਿਸ ਨਾਲ ਵਿਦਿਆਰਥੀਆਂ ਦੀ ਤਾਰਕਿਕ ਸੋਚ ਵਿਕਸਿਤ ਹੁੰਦੀ ਹੈ । ਮਾਸਿਕ ਮੌਕ ਟੈਸਟ : ਵਿਦਿਆਰਥੀਆਂ ਨੂੰ ਪਰੀਖਿਆ ਦੇ ਮਾਹੌਲ ਦਾ ਅਭਿਆਸ ਕਰਵਾਉਣ ਲਈ ਮਨੋਵਿਗਿਆਨਕ ਤਰੀਕੇ ਨਾਲ ਡਿਜ਼ਾਈਨ ਕੀਤੇ ਟੈਸਟ ਲਏ ਜਾਂਦੇ ਹਨ, ਜਿਨ੍ਹਾਂ ਦਾ ਟੀਚਾ ਡਰ ਨੂੰ ਖਤਮ ਕਰਨਾ ਹੈ । ਕੈਰੀਅਰ ਮਾਰਗਦਰਸ਼ਨ ਵਰਕਸ਼ਾਪਾਂ : ਬੱਚਿਆਂ ਦੀਆਂ ਰੁਚੀਆਂ ਨੂੰ ਪਹਿਚਾਣਕੇ ਉਹਨਾਂ ਨੂੰ ਉਹਨਾਂ ਦੇ ਮਜ਼ਬੂਤ ਖੇਤਰਾਂ ਵਿੱਚ ਅੱਗੇ ਵਧਣ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ। ਮਾਈਂਡ ਮੈਪਿੰਗ ਗਤੀਵਿਧੀਆਂ : ਰਟੰਤ ਵਿਦਿਆ ਦੀ ਬਜਾਏ ਰਚਨਾਤਮਕ ਤਰੀਕਿਆਂ ਨਾਲ ਸਮਝਾਇਆ ਜਾਂਦਾ ਹੈ । ਡਾ. ਸ਼ਰਮਾ ਨੇ ਜ਼ੋਰ ਦੇ ਕੇ ਕਿਹਾ, “ਸਾਡਾ ਟੀਚਾ ਬੱਚਿਆਂ ਨੂੰ ‘ਰਟੰਤ’ ਨਹੀਂ, ਸਗੋਂ ‘ਸਮਝ’ ਸਿਖਾਉਣਾ ਹੈ, ਇਸ ਲਈ 6ਵੀਂ ਕਲਾਸ ਤੋਂ ਹੀ ਉਹਨਾਂ ਨੂੰ ਛੋਟੇ-ਛੋਟੇ ਪ੍ਰੋਜੈਕਟਾਂ ਅਤੇ ਗਰੁੱਪ ਚਰਚਾਵਾਂ ਰਾਹੀਂ ਤਿਆਰ ਕੀਤਾ ਜਾਵੇਗਾ, ਇਸ ਨਾਲ ਨਾ ਤਾਂ ਉਹਨਾਂ ਦੀ ਪੜ੍ਹਾਈ ਦਾ ਬੋਝ ਵਧੇਗਾ ਅਤੇ ਨਾ ਹੀ ਉਹਨਾਂ ਦੀ ਉਮਰ ਅਨੁਸਾਰ ਖੇਡਣ-ਸਿੱਖਣ ਦੇ ਮੌਕੇ ਘੱਟ ਹੋਣਗੇ । BIPS ਦਾ ਇਹ ਪ੍ਰੋਗਰਾਮ ਪੈਰੈਂਟਸ ਵਿੱਚ ਵੀ ਖਾਸਾ ਪ੍ਰਸਿੱਧ ਹੋ ਰਿਹਾ ਹੈ। ਪਟਿਆਲਾ ਦੀ ਇੱਕ ਮਾਂ, ਸ਼੍ਰੀਮਤੀ ਪ੍ਰੀਤੀ ਸਿੰਘ ਨੇ ਕਿਹਾ, “ਮੈਨੂੰ ਡਰ ਸੀ ਕਿ ਕਿਤੇ ਮੇਰੇ ਪੁੱਤਰ 'ਤੇ ਪੜ੍ਹਾਈ ਦਾ ਦਬਾਅ ਨਾ ਵਧ ਜਾਵੇ ਪਰ BIPS ਦੇ ਤਰੀਕਿਆਂ ਨਾਲ ਉਹ ਘਰ 'ਤੇ ਵੀ ਸਾਇੰਸ ਦੇ ਪ੍ਰਯੋਗ ਕਰਨ ਲੱਗਾ ਹੈ। ਇਹ ਵੇਖਕੇ ਖੁਸ਼ੀ ਹੁੰਦੀ ਹੈ ਕਿ ਸਕੂਲ ਬੱਚਿਆਂ ਦੀ ਰੁਚੀ ਨੂੰ ਤਰਜੀਹ ਦਿੰਦਾ ਹੈ ।