ਕਰਨਾਟਕ ਦੇ ਕਾਲਜ ਵਿਚ ਹਿਜਾਬ ਤੇ ਭਗਵਾ ਸ਼ਾਲ ਨੂੰ ਲੈ ਕੇ ਮੁੜ ਵਿਵਾਦ

by Jasbeer Singh
December 6, 2025

ਕਰਨਾਟਕ ਦੇ ਕਾਲਜ ਵਿਚ ਹਿਜਾਬ ਤੇ ਭਗਵਾ ਸ਼ਾਲ ਨੂੰ ਲੈ ਕੇ ਮੁੜ ਵਿਵਾਦ ਹਾਵੇਰੀ, 6 ਦਸੰਬਰ 2025 : ਕਰਨਾਟਕ ਦੇ ਹਾਵੇਰੀ ਜਿ਼ਲੇ ਦੇ ਇਕ ਕਾਲਜ ਵਿਚ ਕੁਝ ਵਿਦਿਆਰਥਣਾਂ ਹਿਜਾਬ ਤੇ ਕੁਝ ਵਿਦਿਆਰਥੀ ਭਗਵਾ ਸ਼ਾਲਾਂ ਪਹਿਨ ਕੇ ਪਹੁੰਚੇ ਜਿਸ ਕਾਰਨ ਕੈਂਪਸ `ਚ ਤਣਾਅ ਪੈਦਾ ਹੋ ਗਿਆ। ਵਾਰ-ਵਾਰ ਸਿ਼ਕਾਇਤ ਕਰਨ ਤੇ ਵੀ ਮੁੱਦੇ ਨੂੰ ਹੱਲ ਕਰਨ ਲਈ ਨਹੀਂ ਕੀਤੀ ਗਈ ਕੋਈ ਕਾਰਵਾਈ : ਵਿਦਿਆਰਥੀ ਅੱਕੀ ਅਲੁਰ ਪਿੰਡ ਦੇ ਸੀ. ਜੀ. ਬੇਲਾਡ ਸਰਕਾਰੀ ਕਾਲਜ `ਚ ਵਾਪਰੀ ਉਕਤ ਘਟਨਾ ਕਾਰਨ ਕਰਨਾਟਕ ਦੇ ਵਿੱਦਿਅਕ ਅਦਾਰਿਆਂ `ਚ ਡਰੈੱਸ ਕੋਡ ਨੂੰ ਲੈ ਕੇ ਬਹਿਸ ਮੁੜ ਛਿੜ ਗਈ ਹੈ । ਵਿਦਿਆਰਥੀਆਂ ਦਾ ਇਕ ਗਰੁੱਪ ਇਸ ਸ਼ਿਕਾਇਤ ਨਾਲ ਭਗਵੇ ਰੰਗ ਦੀਆਂ ਸ਼ਾਲਾਂ ਪਹਿਨ ਕੇ ਕਲਾਸ `ਚ ਪਹੁੰਚਿਆ ਕਿ ਉਹ ਕਾਲਜ ਪ੍ਰਸ਼ਾਸਨ ਵੱਲੋਂ ਡਰੈੱਸ ਕੋਡ ਨੂੰ ਲਾਗੂ ਕਰਨ `ਚ ਕਥਿਤ ਰੂਪ ਵਿਚ ਨਾਕਾਮ ਰਹਿਣ ਵਿਰੁੱਧ ਆਪਣੀ ਆਵਾਜ਼ ਬੁਲੰਦ ਕਰਨਾ ਚਾਹੁੰਦੇ ਹਨ । ਵਿਦਿਆਰਥੀਆਂ ਨੇ ਕਿਹਾ ਕਿ ਉਨ੍ਹਾਂ ਵਾਰ-ਵਾਰ ਸਿ਼ਕਾਇਤ ਕੀਤੀ ਸੀ ਪਰ ਇਸ ਮੁੱਦੇ ਨੂੰ ਹੱਲ ਕਰਨ ਲਈ ਕੋਈ ਕਾਰਵਾਈ ਨਹੀਂ ਕੀਤੀ ਗਈ । ਕਾਲਜ ਪਿ੍ਰੰਸੀਪਲ ਨੇ ਕੀ ਆਖਿਆ ਕਾਲਜ ਦੇ ਪ੍ਰਿੰਸੀਪਲ ਵੀਰੇਸ਼ ਕਾਮੂਰ ਨੇ ਕਿਹਾ ਕਿ ਸੰਸਥਾ ਕਲਾਸ `ਚ ਨਿਰਧਾਰਤ ਪਹਿਰਾਵਾ ਪਹਿਨਣਾ ਲਾਜ਼ਮੀ ਕਰਦੀ ਹੈ, ਹਾਲਾਂਕਿ ਕੁਝ ਨੂੰ ਕਦੇ-ਕਦਾਈਂ ਛੋਟ ਦਿੱਤੀ ਜਾਂਦੀ ਹੈ । ਉਨ੍ਹਾਂ ਕਿਹਾ ਕਿ ਵਿਦਿਆਰਥੀਆਂ ਨੇ ਮੈਨੂੰ ਦੱਸਿਆ ਸੀ ਕਿ ਕੁਝ ਵਿਦਿਆਰਥਣਾਂ ਹਿਜਾਬ ਪਹਿਨ ਕੇ ਕਲਾਸ `ਚ ਆਉਂਦੀਆਂ ਹਨ। ਜਦੋਂ ਇਕ ਵਿਦਿਆਰਥਣ ਹਿਜਾਬ ਪਹਿਨ ਕੇ ਕਲਾਸ ਸ`ਚ ਆਈ ਤਾਂ ਵਿਦਿਆਰਥੀ ਭਗਵਾ ਸ਼ਾਲਾਂ ਪਹਿਨ ਕੇ ਕਲਾਸ +`ਚ ਆ ਗਏ ।