National
7 ਰੁਪਏ 65 ਪੈਸੇ ਦੀ ਚੋਰੀ ਦਾ ਮਾਮਲਾ ਅਦਾਲਤ ਨੇ 50 ਸਾਲ ਬਾਅਦ ਕੀਤਾ ਬੰਦ
7 ਰੁਪਏ 65 ਪੈਸੇ ਦੀ ਚੋਰੀ ਦਾ ਮਾਮਲਾ ਅਦਾਲਤ ਨੇ 50 ਸਾਲ ਬਾਅਦ ਕੀਤਾ ਬੰਦ ਮੁੰਬਈ, 19 ਜਨਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਮਹਾਰਾਸ਼ਟਰ ਦੇ ਸ਼ਹਿਰ ਮੁੰਬਈ ਦੀ ਇਕ ਅਦਾਲਤ ਨੇ 7 ਰੁਪਏ 65 ਪੈਸੇ ਦੀ ਚੋਰੀ ਦੇ 50 ਸਾਲ ਪੁਰਾਣੇ ਮਾਮਲੇ ਨੂੰ ਬੰਦ ਕਰ ਦਿੱਤਾ ਹੈ। ਕੀ ਕਾਰਨ ਰਿਹਾ ਮਾਮਲਾ ਬੰਦ ਕਰਨ ਦਾ ਅਣਸੁਲਝੇ ਮਾਮਲੇ `ਚ 2 ਅਣਪਛਾਤੇ ਮੁਲਜ਼ਮ ਤੇ ਇਕ ਸਿ਼ਕਾਇਤਕਰਤਾ ਸ਼ਾਮਲ ਸਨ ਜੋ ਦਹਾਕਿਆਂ ਤੱਕ ਪੁਲਸ ਦੀ ਭਾਲ ਦੇ ਬਾਵਜੂਦ ਨਹੀਂ ਲੱਭ ਸਕੇ। ਇਹ ਫੈਸਲਾ ਦਹਾਕਿਆਂ ਪੁਰਾਣੇ ਠੰਢੇ ਬਸਤੇ `ਚ ਪਏ ਨਵੀਨਤਮ ਫੈਸਲਿਆਂ `ਚੋਂ ਇਕ ਹੈ। ਮਝਗਾਂਵ ਦੀ ਅਦਾਲਤ ਨੇ ਪੁਰਾਣੇ ਮਾਮਲਿਆਂ ਨੂੰ ਸੁਲਝਾਉਣ ਦੀ ਆਪਣੀ ਕੋਸਿ਼ਸ਼ ਦੇ ਹਿੱਸੇ ਵਜੋਂ 1977 ਮਾਮਲੇ ਨੂੰ ਬੰਦ ਕਰ ਦਿੱਤਾ, ਜਿਸ `ਚ ਮੁਲਜ਼ਮਾਂ ਦੀ ਜਾਂ ਤਾਂ ਮੌਤ ਹੋ ਚੁੱਕੀ ਹੈ ਜਾਂ ਉਨ੍ਹਾਂ ਦਾ ਪਤਾ ਨਹੀਂ ਲੱਗ ਰਿਹਾ। ਕੀ ਸੀ ਮਾਮਲਾ ਸਾਲ 1977 ਦੇ ਇਸ ਚੋਰੀ ਦੇ ਮਾਮਲੇ `ਚ 2 ਅਣਪਛਾਤੇ ਵਿਅਕਤੀਆਂ `ਤੇ 7 ਰੁਪਏ 65 ਪੈਸੇ ਦੀ ਚੋਰੀ ਕਰਨ ਦਾ ਦੋਸ਼ ਲਾਇਆ ਗਿਆ ਸੀ ਜੋ ਉਸ ਸਮੇਂ ਵੱਡੀ ਰਕਮ ਸੀ । ਹਾਲਾਂਕਿ ਗੈਰ-ਜ਼ਮਾਨਤੀ ਵਾਰੰਟ ਜਾਰੀ ਹੋਣ ਦੇ ਬਾਵਜੂਦ ਦੋਵੇਂ ਮੁਲਜ਼ਮ ਨਹੀਂ ਫੜੇ ਗਏ ਜਿਸ ਕਾਰਨ ਕੇਸ ਠੰਢੇ ਬਸਤੇ `ਚ ਰਹਿ ਗਿਆ।
Related Post
Jasbeer Singh
(Chief Editor)
9815529139
