National
ਬਾਗਪਤ ਜਿਲੇ ਵਿਚ ਬਸ ਦੇ ਡਿਵਾਈਡਰ ਨਾਲ ਟਕਰਾਉਣ ਕਾਰਨ ਹੋਈ ਪੰਜ ਦੀ ਮੌਤ
ਬਾਗਪਤ ਜਿਲੇ ਵਿਚ ਬਸ ਦੇ ਡਿਵਾਈਡਰ ਨਾਲ ਟਕਰਾਉਣ ਕਾਰਨ ਹੋਈ ਪੰਜ ਦੀ ਮੌਤ
ਉਤਰ ਪ੍ਰਦੇਸ਼, 7 ਸਤੰਬਰ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਜਿਲਾ ਬਾਗਪਤ ਵਿਖੇ ਬਸ ਦੇ ਡਿਵਾਈਡਰ ਨਾਲ ਟਕਰਾਉਣ ਕਾਰਨ ਪੰਜ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ ।
ਕਿੰਨੇ ਯਾਤਰੀ ਸਵਾਰ ਸਨ ਬੱਸ ਵਿਚ
ਮਿਲੀ ਜਾਣਕਾਰੀ ਅਨੁਸਾਰ ਯੂ. ਪੀ. ਦੇ ਜਿਲਾ ਬਾਗਪਤ (Baghpat District) ਵਿਖੇ ਜੋ ਬੀਤੀ ਅੱਧੀ ਰਾਤ ਵੇਲੇ ਇਕ ਯਾਤਰੀਆਂ ਨਾਲ ਭਰੀ ਬਸ ਦੇ ਡਿਵਾਈਡਰ ਨਾਲ ਟਕਰਾ ਜਾਣ ਦੇ ਕਾਰਨ ਉਲਟ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈ ਵਿਚ ਸਵਾਰ 32 ਯਾਤਰੀਆਂ ਵਿਚੋਂ ਪੰਜ ਯਾਤਰੀਆਂ ਦੀ ਮੌਕੇ 'ਤੇ ਹੀ ਮੌਤ (Death) ਹੋ ਗਈ ਹੈ । ਦੱਸਣਯੋਗ ਹੈ ਕਿ ਉਕਤ ਬਸ ਰਾਜਸਥਾਨ ਦੇ ਬਾਂਗਰ ਤੋਂ ਵਾਪਸ ਆ ਰਹੀ ਸੀ ।
ਕੀ ਦੱਸਿਆ ਜਿਲਾ ਮੈਜਿਸਟ੍ਰੇਟ ਤੇ ਐਸ. ਪੀ. ਨੇ
ਜਿਲਾ ਬਾਗਪਤ ਦੀ ਜਿਲਾ ਮੈਜਿਸਟ੍ਰੇਟ ਅਸਮਿਤ ਲਾਲ ਤੇ ਐਸ. ਪੀ. ਸੂਰਜ ਕੁਮਾਰ ਰਾਏ ਨੇ ਦੱਸਿਆ ਕਿ ਜਿਵੇਂ ਹੀ ਸੂਚਨਾ ਮਿਲੀ ਤਾਂ ਤੁਰੰਤ ਰਾਹਤ ਟੀਮਾਂ ਘਟਨਾਂ ਵਾਲੀ ਥਾਂ 'ਤੇ ਰਵਾਨਾ ਕਰ ਦਿੱਤੀਆਂ ਗਈਆਂ ਅਤੇ ਘਟਨਾਂ ਵਿਚ ਜਖਮੀ ਹੋਏ ਸਮੁੱਚੇ ਯਾਤਰੀਆਂ ਨੂੰ ਨੇੜਲੇ ਕਮਿਊਨਿਟੀ ਹੈਲਥ ਸੈਂਟਰ ਅਤੇ ਜਿਲਾ ਹਸਪਤਾਲ ਵਿਖੇ ਇਲਾਜ ਲਈ ਦਾਖਲ ਕਰਵਾਇਆ ਗਿਆ ਹੈ ।
