ਫਾਰੂਕ ਅਬਦੁੱਲਾ ਤੇ ਹਮਲਾ ਕਰਨ ਵਾਲੇ ਜਾਮਵਾਲ ਦਾ ਪੰਜ ਦਿਨਾਂ ਪੁਲਸ ਰਿਮਾਂਡ

by Jasbeer Singh
March 13, 2026

ਫਾਰੂਕ ਅਬਦੁੱਲਾ ਤੇ ਹਮਲਾ ਕਰਨ ਵਾਲੇ ਜਾਮਵਾਲ ਦਾ ਪੰਜ ਦਿਨਾਂ ਪੁਲਸ ਰਿਮਾਂਡ ਜੰਮੂ, 13 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇੇ ਜੰਮੂ ਦੇ ਸਾਬਕਾ ਮੁੱਖ ਮੰਤਰੀ ਫਾਰੂਕ ਅਬਦੁੱਲਾ ਤੇ ਹਮਲਾ ਕਰਨ ਵਾਲੇ ਵਿਅਕਤੀ ਦਾ ਅਦਾਲਤ ਨੇ ਪੰਜ ਦਿਨਾਂ ਪੁਲਸ ਰਿਮਾਂਡ ਦੇ ਦਿੱਤਾ ਹੈ। ਕੌਣ ਹੈ ਇਹ ਜਾਮਵਾਲ ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਮਲ ਸਿੰਘ ਜਾਮਵਾਲ ਉਹ ਵਿਅਕਤੀ ਹੈ ਜਿਸ ਵਲੋਂ ਲੰਘੇ ਦਿਨਾਂ ਇਕ ਪ੍ਰੋਗਰਾਮ ਦੌਰਾਨ ਜੰਮੂ ਦੇ ਸਾਬਕਾ ਮੁੱਖ ਮੰਤਰੀ ਫਾਰੂਕ ਅਬਦੁੱਲਾ ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ ਗਿਆ ਸੀ। ਜਿਸ ਵਿਚ ਬੇਸ਼ਕ ਫਾਰੂਕ ਅਬਦੁੱਲਾ ਵਾਲ-ਵਾਲ ਬਚ ਗਏ ਸਨ ਪਰ ਸੁਰੱਖਿਆ ਕਰਮਚਾਰੀਆਂ ਨੇ ਮੌਕੇ ਤੇ ਕਮਲ ਸਿੰਘ ਜਾਮਵਾਲ ਨੂੰ ਅਜਿਹਾ ਕਰਨ ਤੇ ਪਕੜ ਲਿਆ ਸੀ। ਜਿਸ ਤੇ ਜਦੋਂ ਉਸਨੂੰ ਮਾਨਯੋਗ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਤਾਂ ਅਦਾਲਤ ਨੇ ਉਸ ਦਾ ਪੁਲਸ ਨੂੰ ਪੰਜ ਦਿਨ ਦਾ ਰਿਮਾਂਡ ਦੇ ਦਿੱਤਾ। ਪੁਲਸ ਕਰੇਗੀ ਹਮਲੇ ਪਿੱਛੇ ਕੌਣ ਕੌਣ ਸੀ ਮਾਨਯੋਗ ਅਦਾਲਤ ਤੋਂ ਰਿਮਾਂਡ ਪ੍ਰਾਪਤ ਕਰਨ ਤੋਂ ਬਾਅਦ ਪੁਲਸ ਵਲੋਂ ਕਮਲ ਸਿੰਘ ਜਾਮਵਾਲ ਤੋਂ ਇਹ ਪਤਾ ਕੀਤਾ ਜਾਵੇਗਾ ਕਿ ਜੋ ਉਸਨੇ ਇਹ ਹਮਲਾ ਕੀਤਾ ਹੈ ਉਸ ਪਿੱਛੇ ਕਿਸੇ ਸੰਗਠਨ ਜਾਂ ਵਿਅਕਤੀ ਨਾਲ ਕੋਈ ਸਬੰਧ ਸੀ ਜਾਂ ਨਹੀਂ।ਹਾਲਾਂਕਿ ਜਾਮਵਾਲ ਵਲੋਂ ਪਕੜੇ ਜਾਣ ਤੋਂ ਬਾਅਦ ਇਹੋ ਆਖਿਆ ਗਿਆ ਸੀ ਕਿ ਉਹ ਇਕੱਲਾ ਹੈ ਤੇ ਅਜਿਹਾ ਕਰਨ ਲਈ ਉਹ ਕਈ ਸਾਲਾਂ ਤੋਂ ਉਡੀਕ ਵਿਚ ਸੀ। ਅਦਾਲਤ ਨੇ ਦਿੱਤਾ ਹਰ 24 ਘੰਟੇ ਬਾਅਦ ਡਾਕਟਰੀ ਜਾਂਚ ਦਾ ਹੁਕਮ ਮਾਨਯੋਗ ਅਦਾਲਤ ਨੇ ਦੋਵਾਂ ਧਿਰਾਂ ਨੂੰ ਸੁਣਨ ਤੋਂ ਬਾਅਦ ਜਿਥੇ ਕਮਲ ਸਿੰਘ ਜਾਮਵਾਲ ਦਾ ਪੰਜ ਦਿਨਾਂ ਦਾ ਪੁਲਸ ਰਿਮਾਂਡ ਦਿੱਤਾ ਉਥੇ ਪੁਲਸ ਨੂੰ ਹਰ 24 ਘੰਟਿਆਂ ਬਾਅਦ ਦੋਸ਼ੀ ਦੀ ਸਹੀ ਡਾਕਟਰੀ ਜਾਂਚ ਯਕੀਨੀ ਬਣਾਉਣ ਲਈ ਵੀ ਕਿਹਾ। ਇਸ ਤੋਂ ਪਹਿਲਾਂ ਪੁਰਾਣੀ ਮੰਡੀ ਦੇ ਰਹਿਣ ਵਾਲੇ ਜਾਮਵਾਲ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ ਜਿੱਥੇ ਉਸਦਾ ਮੈਡੀਕਲ ਚੈੱਕਅਪ ਹੋਇਆ ।