ਸਾੜ੍ਹੀ ਦੀ ਬਜਾਏ `ਨਾਈਟ ਡਰੈੱਸ` ਪਾਉਣ `ਤੇ ਪਤਨੀ ਨੂੰ ਜਿ਼ੰਦਾ ਸਾੜਨ ਦੀ ਕੋਸਿ਼ਸ਼

by Jasbeer Singh
April 23, 2026

ਸਾੜ੍ਹੀ ਦੀ ਬਜਾਏ `ਨਾਈਟ ਡਰੈੱਸ` ਪਾਉਣ `ਤੇ ਪਤਨੀ ਨੂੰ ਜਿ਼ੰਦਾ ਸਾੜਨ ਦੀ ਕੋਸਿ਼ਸ਼ ਬੇਲਾਗਾਵੀ, 23 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਸੂਬੇ ਕਰਨਾਟਕ ਦੇ ਜਿਲਾ ਬੇਲਾਗਾਵੀ ਵਿਖੇ ਪਤੀ ਵਲੋਂ ਆਪਣੀ ਹੀ ਪਤਨੀ ਨੂੰ ਜਿੰਦਾ ਸਾੜਨ ਦੀ ਕੋਸਿ਼ਸ਼ ਕੀਤੇ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈ। ਕਰਨਾਟਕ ਦੇ ਬੇਲਾਗਾਵੀ ਜਿ਼ਲੇ `ਚ ਇਕ ਵਿਅਕਤੀ ਨੇ ਆਪਣੀ ਪਤਨੀ ਵੱਲੋਂ ਸਾੜ੍ਹੀ ਦੀ ਬਜਾਏ ‘ਨਾਈਟ ਡਰੈੱਸ` ਪਾਉਣ `ਤੇ ਇਤਰਾਜ਼ ਕੀਤਾ ਤੇ ਉਸਨੂੰ ਸਾੜਨ ਦੀ ਕੋਸਿ਼ਸ਼ ਕੀਤੀ । ਇਹ ਘਟਨਾ ਮੰਗਲਵਾਰ ਰਾਤ ਖਾਨਪੁਰ ਕਸਬੇ ਦੇ ਨੰਦਗੜ੍ਹ ਪਿੰਡ `ਚ ਵਾਪਰੀ । ਮਿੱਟੀ ਪਾ ਕੇ ਅੱਗ ਲਗਾਉਣ ਕਾਰਨ 80 ਫੀਸਦੀ ਝੁਲਸੀ ਪੀੜਤਾ ਪੁਲਸ ਅਨੁਸਾਰ ਮੁਲਜ਼ਮ ਕ੍ਰਿਸ਼ਨਾ ਪਾਟਿਲ (34) ਆਪਣੀ ਪਤਨੀ ਮੰਜੂਲਾ (32) ਵੱਲੋਂ ਘਰ `ਚ `ਨਾਈਟ ਡਰੈੱਸ` ਪਹਿਨਣ `ਤੇ ਇਤਰਾਜ਼ ਕਰਦਾ ਰਹਿੰਦਾ ਸੀ। ਇਸ ਮੁੱਦੇ `ਤੇ ਉਸ ਨਾਲ ਅਕਸਰ ਹੀ ਬਹਿਸ ਵੀ ਕਰਦਾ ਰਹਿੰਦਾ ਸੀ। ਇਸ ਗੱਲ ਨੂੰ ਲੈ ਦੋਹਾਂ `ਚ ਮੰਗਲਵਾਰ ਵੀ ਬਹਿਸ ਹੋਈ, ਜਿਸ ਤੋਂ ਬਾਅਦ ਮੁਲਜ਼ਮ ਨੇ ਦਾ ਤੇਲ ਕਥਿਤ ਤੌਰ `ਤੇ ਆਪਣੀ ਪਤਨੀ `ਤੇ ਮਿੱਟੀ ਦਾ ਤੇਲ ਪਾ ਕੇ ਅੱਗ ਲਾ ਦਿੱਤੀ। ਪਤਨੀ ਲੱਗਭਗ 80 ਫੀਸਦੀ ਝੁਲਸ ਗਈ । ਪੁਲਸ ਨੇ ਕਰ ਲਿਆ ਹੈ ਕੇਸ ਦਰਜ ਉਸ ਨੂੰ ਪਹਿਲਾਂ ਬੇਲਾਗਾਵੀ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼ `ਚ ਦਾਖਲ ਕਰਵਾਇਆ ਗਿਆ ਪਰ ਹਾਲਤ ਵਿਗੜਨ ਤੋਂ ਬਾਅਦ, ਉਸ ਨੂੰ ਗੋਆ ਦੇ ਇਕ ਹਸਪਤਾਲ `ਚ ਤਬਦੀਲ ਕਰ ਦਿੱਤਾ ਗਿਆ । ਪੁਲਸ ਨੇ ਕਿਹਾ ਕਿ ਮਾਮਲਾ ਦਰਜ ਕਰ ਕੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ।