ਐਲੀਟ ਲਾਨ ਟੈਂਨਿਸ ਅਕੇਡਮੀ ਅਰਬਨ ਅਸਟੇਟ ਵਲੋਂ ਦੋ ਰੋਜਾ ਓਪਨ ਮੁਕਾਬਲਾ ਕਰਵਾਇਆ

by Jasbeer Singh
April 29, 2025

ਐਲੀਟ ਲਾਨ ਟੈਂਨਿਸ ਅਕੇਡਮੀ ਅਰਬਨ ਅਸਟੇਟ ਵਲੋਂ ਦੋ ਰੋਜਾ ਓਪਨ ਮੁਕਾਬਲਾ ਕਰਵਾਇਆ ਪਟਿਆਲਾ : 29 ਅਪ੍ਰੈਲ 2025 : ਐਲਿਟ ਲਾਨ ਟੈਂਨਿਸ ਅਕੇਡਮੀ ਦੇ ਕੋਚ ਗੁਰਬਾਜ ਵਲੋਂ ਦੋ ਦਿਨ ਦਾ ਓਪਨ ਮੁਕਾਬਲਾ ਫੇਸ -3 ਦੇ ਗਰਾਉਂਡ ਵਿਚ ਕਰਵਾਇਆ ਗਿਆ l ਪੰਜਾਬ ਸਰਕਾਰ ਵਲੋਂ ਖਿਡਾਰੀਆਂ ਨੂੰ ਬਣਦੀਆਂ ਸਹੂਲਤਾਂ ਦਿੱਤੀਆਂ ਜਾਣਗੀਆਂ l ਸਾਰੇ ਵਿਦਿਆਰਥੀਆਂ ਨੂੰ ਤੰਦਰੁਸਤ ਬਣਾਉਣ ਲਈ, ਉਹਨਾਂ ਦੀ ਖੇਡਾਂ ਵਿਚ ਰੁਚੀ ਦਾ ਵਿਕਾਸ ਕੀਤਾ ਜਾਵੇਗਾ l ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਮੁੱਖ ਮਾਹਿਮਾਨ ਵਜੋਂ ਪਹੁੰਚੇ ਐਮ ਐਲ ਏ ਗੁਰਲਾਲ ਘਨੌਰ ਵਲੋਂ ਕੀਤਾ ਗਿਆ l ਅਕੇਡਮੀ ਦੇ ਖੇਡ ਇੰਚਾਰਜ ਲਵਲੀਨ ਸੈਣੀ ਵਲੋਂ ਖਿਡਾਰੀਆਂ ਨੂੰ ਦਸਿਆ ਗਿਆ ਕਿ ਖੇਡਾਂ ਸਾਡੇ ਸਰੀਰਕ ਵਿਕਾਸ ਦੇ ਨਾਲ ਨਾਲ ਮਾਨਸਿਕ ਵਿਕਾਸ ਵੀ ਕਰਦੀਆਂ ਹਨ l ਇਸ ਮੌਕੇ ਅਕੇਡਮੀ ਦੇ ਸੈਕਟਰੀ ਮਨਮੋਹਨ ਅਰੋੜਾ ਵਲੋਂ ਇਕੱਤਰ ਹੋਏ ਲੋਕਾਂ ਨੂੰ ਅਪੀਲ ਕੀਤੀ ਕਿ ਆਪਣੇ ਬੱਚਿਆਂ ਨੂੰ ਖੇਡਾਂ ਵਿਚ ਹਿੱਸਾ ਜਰੂਰ ਦਿਵਾਓ l ਵੱਖ ਵੱਖ ਸਕੂਲਾਂ / ਕਾਲਜਾਂ ਤੋਂ ਪਹੁੰਚੇ ਖਿਡਾਰੀਆਂ ਨੇ ਦੋ ਰੋਜ਼ਾ ਓਪਨ ਟੂਰਨਾਮੈਂਟ ਦਾ ਪੂਰਾ ਅਨੰਦ ਲਿਆ l ਇਸ ਮੌਕੇ ਅੰਡਰ-10 ਵਿੱਚੋ ਤਰੁਸ ਨੇ ਪਹਿਲਾਂ ਸਥਾਨ ਅਤੇ ਸਤਪ੍ਰੀਤ ਕੌਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ l ਅੰਡਰ- 12 ਵਿੱਚੋ ਅਜਿਤੇਸ਼ਵੀਰ ਸਿੰਘ ਪਹਿਲੇ ਸਥਾਨ ਅਤੇ ਕੁਵਰਜੀਤ ਸਿੰਘ ਦੂਜੇ ਸਥਾਨ ਤੇ ਰਿਹਾ l ਅੰਡਰ-14 ਵਿੱਚੋ ਅਮਨਿੰਦਰ ਸਿੰਘ ਨੇ ਪਹਿਲਾਂ ਸਥਾਨ ਅਤੇ ਅਜਿਤੇਸ਼ਵੀਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ l ਅੰਡਰ 16 ਵਿੱਚੋ ਅਮਨਿੰਦਰ ਸਿੰਘ ਪਹਿਲੇ ਸਥਾਨ ਤੇ ਅਤੇ ਬਵਿਆਮ ਦੂਜੇ ਸਥਾਨ ਤੇ ਰਿਹਾ l ਅੰਡਰ-19 ਵਿੱਚੋ ਰਾਸ਼ਾ ਧਾਲੀਵਾਲ ਪਹਿਲੇ ਸਥਾਨ ਤੇ ਰਹੀ ਜਦੋ ਕਿ ਜਪਨਮ ਕੌਰ ਦੂਜੇ ਸਥਾਨ te ਰਹੀ l ਮੁੰਡਿਆਂ ਦੇ ਡਬਲ਼ ਮੁਕਾਬਲੇ ਵਿਚ ਸੁੱਖਵਿੰਦਰ ਸਿੰਘ ਅਤੇ ਤਨਵੀਰ ਸਿੰਘ ਪਹਿਲੇ ਸਥਾਨ ਤੇ ਰਹੇ, ਜਦੋ ਕਿ ਪ੍ਰਬਸਿਫ਼ਤ ਸਿੰਘ ਅਤੇ ਸਹਿਜਪ੍ਰੀਤ ਸਿੰਘ ਦੂਜੇ ਸਥਾਨ ਤੇ ਰਹੇ l ਇਸ ਮੌਕੇ ਸਟੇਟ ਐਵਾਰਡੀ ਅਧਿਆਪਕ ਲਖਵਿੰਦਰ ਸਿੰਘ ਨੇ ਸਾਰੇ ਖਿਡਾਰੀਆਂ ਨੂੰ ਪੋਸ਼ਟਿਕ ਭੋਜਨ ਲਈ ਵੀ ਪ੍ਰੇਰਿਤ ਕੀਤਾ l ਕੋਚ ਏਕਮ ਸਿੰਘ, ਕੋਚ ਜਤਿੰਦਰ ਉਚੇਚੇ ਤੌਰ ਤੇ ਪਹੁੰਚੇ