ਥਾਣਾ ਘੱਗਾ ਕੀਤਾ ਇਕ ਵਿਰੁੱਧ ਕੁੱਟਮਾਰ ਕਰਨ ਦਾ ਕੇਸ ਦਰਜ

by Jasbeer Singh
June 17, 2025

ਥਾਣਾ ਘੱਗਾ ਕੀਤਾ ਇਕ ਵਿਰੁੱਧ ਕੁੱਟਮਾਰ ਕਰਨ ਦਾ ਕੇਸ ਦਰਜ ਘੱਗਾ, 17 ਜੂਨ : ਥਾਣਾ ਘੱਗਾ ਦੀ ਪੁਲਸ ਨੇ ਇਕ ਵਿਅਕਤੀ ਵਿਰੁੱਧ ਵੱਖ ਵੱਖ ਧਾਰਾਵਾਂ 109, 333, 115 (2), 118 (1) ਬੀ. ਐਨ. ਐਸ. ਤਹਿਤ ਕੇਸ ਦਰਜ ਕੀਤਾ ਹੈ। ਜਿਹੜੇ ਵਿਅਕਤੀ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਗੁਰਵਿੰਦਰ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਵਾਰਡ ਨੰ. 4 ਘੱਗਾ ਸ਼ਾਮਲ ਹੈ। ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਅਮਨਦੀਪ ਸਿੰਘ ਪੁੱਤਰ ਅਜੈਬ ਸਿੰਘ ਵਾਸੀ ਵਾਰਡ ਨੰ. 4 ਘੱਗਾ ਥਾਣਾ ਘੱਗਾ ਨੇ ਦੱਸਿਆ ਕਿ 14 ਜੂਨ 2025 ਨੂੰ ਜਦੋਂ ਉਹ ਆਪਣੇ ਖੇਤਾਂ ਵਿੱਚ ਸੀ ਅਤੇ ਵਾਹੀ ਕਰ ਰਿਹਾ ਸੀ ਤਾਂ ਗੁਰਵਿੰਦਰ ਸਿੰਘ ਮੌਕੇਤੇ ਆ ਕੇ ਉਸ ਨੂੰ ਵਾਹੀ ਕਰਨ ਤੋ ਰੋਕਣ ਲੱਗ ਪਿਆ ਅਤੇ ਉਸ ਨੂੰ ਵਾਲਾਂ ਤੋ ਫੜ੍ਹ ਕੇ ਹੇਠਾਂ ਸੁੱਟ ਲਿਆ ਤੇ ਸੱਜੇ ਪਾਸੇ ਜੋਰ ਨਾਲ ਥੱਪੜ ਮਾਰਿਆ। ਸਿ਼ਕਾਇਤਕਰਤਾ ਨੇ ਦੱਸਿਆ ਕਿ ਗੁਰਵਿੰਦਰ ਦੇ ਹੱਥ ਵਿੱਚ ਲੋਹੇ ਦਾ ਕੜ੍ਹਾ ਪਾਇਆ ਹੋਇਆ ਸੀ ਜੋਉਸ ਦੇ ਸਿਰ ਵਿੱਚ ਲੱਗਿਆ ਅਤੇ ਉਸ ਦੇ ਰੌਲਾ ਪਾਉਣ ਤੇ ਉਸਦੇ ਲੜਕੇ ਆ ਗਏ ਅਤੇ ਗੁਰਵਿੰਦਰ ਮੌਕੇ ਤੋ ਫਰਾਰ ਹੋ ਗਿਆ ਤੇ ਉਹ ਆਪਣੇ ਘਰ ਆ ਗਿਆ। ਸਿ਼ਕਾਇਤਕਰਤਾ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਕੁੱਝ ਦੇਰ ਬਾਅਦ ਗੁਰਵਿੰਦਰ ਆਪਣੇ ਲੜਕੇ ਸਹਿਜਪ੍ਰੀਤ ਸਿੰਘ ਸਮੇਤ ਉਸ ਦੇ(ਸਿ਼ਕਾਇਤਕਰਤਾ) ਦੇ ਘਰ ਆ ਗਿਆ ਤੇ ਗੁਰਵਿੰਦਰ ਨੇ ਆਪਣੇ ਹੱਥ ਵਿੱਚ ਗੰਡਾਸਾ ਫੜ੍ਹਿਆ ਹੋਇਆ ਸੀ ਅਤੇਜਾਨੋਂ ਮਾਰਨ ਦੀ ਨੀਅਤ ਨਾਲ ਮੰਜੇ ਤੇ ਪਏ ਉਸਦੇ ਗੰਡਾਸੇ ਦਾ ਵਾਰ ਕੀਤਾ ਅਤੇ ਰੌਲਾ ਪਾਉਣ ਤੇ ਉਸ ਦੇ ਲੜਕੇ ਬਾਹਰ ਆ ਗਏ ਤੇ ਗੁਰਵਿੰਦਰ ਨੇ ਉਸ ਦੇ ਲੜਕੇ ਸੁਖਮਨਪ੍ਰੀਤ ਸਿੰਘ ਦੀ ਖੱਬੀ ਬਾਹ ਤੇ ਗੰਡਾਸੇ ਦਾ ਵਾਰ ਕੀਤਾ ਅਤੇ ਸਹਿਜਪ੍ਰੀਤ ਸਿੰਘ ਨੇ ਆਪਣੇ ਹੱਥ ਵਿੱਚ ਫੜ੍ਹਿਆ ਡੰਡਾ ਉਸ ਦੇ ਮਾਰਿਆ ਤੇ ਉਪਰੋਕਤ ਵਿਅਕਤੀ ਮੌਕੇ ਤੋ ਫਰਾਰ ਹੋ ਗਏ। ਸਿ਼ਕਾਇਤਕਰਤਾ ਅਮਨਦੀਪ ਸਿੰਘ ਇਲਾਜ ਲਈ ਰਾਜਿੰਦਰਾ ਹਸਪਤਾਲ ਪਟਿਆਲਾ ਦਾਖਲ ਹੈ।ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।