National
13 ਅਫਸਰਾਂ ਦੇ 60 ਤੋਂ ਵੱਧ ਟਿਕਾਣਿਆਂ ਤੇ ਰੇਡ, ਬੇਹਿਸਾਬੀ ਜਾਇਦਾਦ ਮਿਲੀ
ਕਰਨਾਟਕ ਦੀ ਭ੍ਰਿਸ਼ਟਾਚਾਰ ਵਿਰੋਧੀ ਏਜੰਸੀ ਲੋਕਾਯੁਕਤ ਨੇ ਬੁੱਧਵਾਰ ਨੂੰ ਰਾਜ ਸਰਕਾਰ ਦੇ 13 ਅਧਿਕਾਰੀਆਂ ਨਾਲ ਜੁੜੇ 60 ਤੋਂ ਵੱਧ ਟਿਕਾਣਿਆਂ ਉਤੇ ਛਾਪੇਮਾਰੀ ਕੀਤੀ ਅਤੇ 35.83 ਕਰੋੜ ਰੁਪਏ ਦੀ ਬੇਹਿਸਾਬੀ ਜਾਇਦਾਦ ਦਾ ਪਤਾ ਲਗਾਇਆ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਬੇਂਗਲੁਰੂ ਸ਼ਹਿਰ, ਉਡੁਪੀ, ਕਾਰਵਾਰ, ਮੰਡਯਾ, ਮੈਸੂਰ, ਕੋਡਾਗੂ, ਧਾਰਵਾੜ, ਬਿਦਰ, ਕੋਲਾਰ, ਵਿਜੇਪੁਰਾ, ਚਿੱਕਬੱਲਾਪੁਰਾ ਅਤੇ ਬੇਲਗਾਵੀ ਦੇ ਲੋਕਾਯੁਕਤ ਪੁਲਿਸ ਥਾਣਿਆਂ ਵਿੱਚ 13 ਸਰਕਾਰੀ ਅਧਿਕਾਰੀਆਂ ਵਿਰੁੱਧ ਆਮਦਨ ਤੋਂ ਵੱਧ ਜਾਇਦਾਦ ਦੇ 13 ਮਾਮਲੇ ਦਰਜ ਕੀਤੇ ਗਏ ਹਨ।ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਦੇ ਨਾਲ ਹੀ 62 ਤੋਂ ਵੱਧ ਥਾਵਾਂ ’ਤੇ ਸਬੰਧਤ ਮੁਲਜ਼ਮ ਅਧਿਕਾਰੀਆਂ ਦੇ ਰਿਸ਼ਤੇਦਾਰਾਂ ਦੇ ਘਰਾਂ, ਦਫ਼ਤਰਾਂ ਅਤੇ ਰਿਹਾਇਸ਼ਾਂ ਦੀ ਤਲਾਸ਼ੀ ਵੀ ਲਈ ਗਈ। ਕਰਨਾਟਕ ਲੋਕਾਯੁਕਤ ਵੱਲੋਂ ਜਾਰੀ ਬਿਆਨ ਮੁਤਾਬਕ ਇਨ੍ਹਾਂ ਅਧਿਕਾਰੀਆਂ ਨੇ 35.83 ਕਰੋੜ ਰੁਪਏ ਦੀ ਬੇਹਿਸਾਬੀ ਜਾਇਦਾਦ ਇਕੱਠੀ ਕੀਤੀ ਸੀ।
Related Post
Admin
(Chief Editor)
