ਨੀਰਜ ਚੋਪੜਾ ਨੇ ਜੇ. ਐੱਸ. ਡਬਲਯੂ. ਸਪੋਟਸ ਨਾਲੋਂ ਤੋੜਿਆ ਨਾਤਾ

by Jasbeer Singh
January 6, 2026

ਨੀਰਜ ਚੋਪੜਾ ਨੇ ਜੇ. ਐੱਸ. ਡਬਲਯੂ. ਸਪੋਟਸ ਨਾਲੋਂ ਤੋੜਿਆ ਨਾਤਾ ਨਵੀਂ ਦਿੱਲੀ, 6 ਜਨਵਰੀ 2026 : ਦੋ ਵਾਰ ਦੇ ਓਲੰਪਿਕ ਤਮਗਾ ਜੇਤੂ ਜੈਵਲਿਨ ਬੋਅਰ ਨੀਰਜ ਚੋਪੜਾ ਨੇ ਜੇ . ਐੱਸ. ਡਬਲਯੂ. ਸਪੋਰਟਸ ਦੇ ਨਾਲ ਇਕ ਦਹਾਕੇ ਪੁਰਾਣਾ ਰਿਸ਼ਤਾ ਤੋੜ ਦਿੱਤਾ ਹੈ ਤੇ ਹੁਣ ਉਹ ਆਪਣੀ ਖਿਡਾਰੀ ਪ੍ਰਬੰਧਨ ਫਰਮ ਵੇਲ ਸਪੋਰਟਸ ਸ਼ੁਰੂ ਕਰੇਗਾ । ਚੋਪੜਾ 2016 ਤੋਂ ਜੇ. ਐੱਸ. ਡਬਲਯੂ. ਸਪੋਟਸ ਨਾਲ ਜੁੜਿਆ ਸੀ । ਪ੍ਰਸਿੱਧ ਖਿਡਾਰੀ ਚੋਪੜਾ ਨੇ ਕੀ ਬਿਆਨ ਦਿੱਤਾ ਨੀਰਜ ਚੋਪੜਾ ਜੋ ਕਿ 27 ਸਾਲਾਂ ਦੇ ਹਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਪਿਛਲੇ ਇਕ ਦਹਾਕੇ ਤੋਂ ਸਾਡਾ ਸਫਰ ਵਿਕਾਸ, ਵਿਸ਼ਵਾਸ ਤੇ ਪ੍ਰਾਪਤੀਆਂ ਨਾਲ ਭਰਿਆ ਰਿਹਾ ਹੈ। ਮੇਰੇ ਕਰੀਅਰ ਵਿਚ ਜੇ. ਐੱਸ. ' ਡਬਲਯੂ. ਸਪੋਰਟਸ ਦੀ ਅਹਿਮ ਭੂਮਿਕਾ ਰਹੀ ਹੈ ਤੇ ਉਸਦੇ ਸਹਿਯੋਗ ਤੇ ਦ੍ਰਿਸ਼ਟੀਕੋਣ ਲਈ ਮੈਂ ਹਮੇਸ਼ਾ ਧੰਨਵਾਦੀ ਰਹਾਂਗਾ । ਉਸ ਨੇ ਕਿਹਾ ਕਿ ਇਸ ਅਧਿਆਏ ਖਤਮ ਕਰਨ ਦੇ ਨਾਲ ਮੈਂ ਉਨ੍ਹਾਂ ਮੁੱਲਾਂ ਆਪਣੇ ਸਫਰ ਦੇ ਅਗਲੇ ਪੜਾਅ ਵਿਚ ਲੈ 'ਕੇ ਜਾ ਰਿਹਾ ਹਾਂ। ਬਿਆਨ ਵਿਚ ਕਿਹਾ ਗਿਆ ਕਿ ਦੋਵਾਂ ਪੱਖਾਂ ਨੇ ਇਕ-ਦੂਜੇ ਦੇ ਪ੍ਰਤੀ ਸਨਮਾਨ ਤੇ-ਮਾਣ ਦੇ ਨਾਲ ਇਹ ਫੈਸਲ ਲਿਆ ਹੈ ।