ਸਵਾਮੀਨਾਰਾਇਣ ਮੰਦਰ `ਤੇ ਕੰਧਾਂ ਤੇ ਨਫਰਤ ਨਾਲ ਭਰਪੂਰ ਮੈਸੇਜ ਲਿਖ ਮੁੜ ਹੋਏ ਨਸਲੀ ਹਮਲੇ
ਸਵਾਮੀਨਾਰਾਇਣ ਮੰਦਰ `ਤੇ ਕੰਧਾਂ ਤੇ ਨਫਰਤ ਨਾਲ ਭਰਪੂਰ ਮੈਸੇਜ ਲਿਖ ਮੁੜ ਹੋਏ ਨਸਲੀ ਹਮਲੇ ਆਸਟ੍ਰੇਲੀਆ, 24 ਜੁਲਾਈ 2025 : ਭਾਰਤੀਆਂ ਦੀ ਮਨਪਸੰਦ ਵਿਦੇਸ਼ੀ ਧਰਤੀਆਂ ਵਿਚੋਂ ਖਾਸ ਤੌਰ ਤੇ ਵਿਦਿਆਰਥੀਆਂ ਦੇ ਸੁਪਨਿਆਂ ਦਾ ਦੇਸ਼ ਆਸਟ੍ਰੇਲੀਆ ਦੇ ਮੈਲਬੌਰਨ ਸ਼ਹਿਰ ਵਿੱਚ ਸਵਾਮੀਨਾਰਾਇਣ ਮੰਦਰ `ਤੇ ਕੰਧਾਂ ਤੇ ਨਫਰਤ ਨਾਲ ਭਰਪੂਰ ਮੈਸੇਜ ਲਿਖ ਮੁੜ ਹੋਏ ਨਸਲੀ ਹਮਲੇ ਕੀਤੇ ਜਾ ਰਹੇ ਹਨ। ਦੱਸਣਯੋਗ ਹੈ ਕਿ ਅਣਪਛਾਤੇ ਲੋਕਾਂ ਨੇ ਇੱਥੇ ਬੋਰੋਨੀਆ ਖੇਤਰ ਵਿੱਚ ਸਥਿਤ ਸ਼੍ਰੀ ਸਵਾਮੀਨਾਰਾਇਣ ਮੰਦਰ ਨੂੰ ਅਪਮਾਨਜਨਕ ਅਤੇ ਨਸਲੀ ਭਾਸ਼ਾ ਵਾਲੇ ਸੰਦੇਸ਼ਾਂ ਨਾਲ ਬਦਨਾਮ ਕਰਨ ਦੀ ਕੋਸਿ਼ਸ਼ ਕੀਤੀ ਹੈ। ਹਿੰਦੂ ਕੌਂਸਲ ਆਫ਼ ਆਸਟ੍ਰੇਲੀਆ ਨੇ ਕੀਤਾ ਡੂੰਘਾ ਰੋਸ ਪ੍ਰਗਟ ਸਵਾਮੀਨਾਰਾਇਣ ਮੰਦਰ `ਤੇ ਕੰਧਾਂ ਤੇ ਨਫਰਤ ਨਾਲ ਭਰਪੂਰ ਮੈਸੇਜ ਲਿਖ ਮੁੜ ਹੋਏ ਨਸਲੀ ਹਮਲੇ ਦਾ ਹਿੰਦੂ ਕੌਂਸਲ ਆਫ਼ ਆਸਟ੍ਰੇਲੀਆ (ਵਿਕਟੋਰੀਆ ਚੈਪਟਰ) ਦੇ ਪ੍ਰਧਾਨ ਮਕਰੰਦ ਭਾਗਵਤ ਨੇ ਇਸ ਘਟਨਾ `ਤੇ ਡੂੰਘਾ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਇਹ ਮੰਦਰ ਸ਼ਾਂਤੀ, ਸ਼ਰਧਾ ਅਤੇ ਏਕਤਾ ਦਾ ਪ੍ਰਤੀਕ ਹੈ। ਅਜਿਹੀ ਘਟਨਾ ਸਾਡੀ ਧਾਰਮਿਕ ਆਜ਼ਾਦੀ ਅਤੇ ਪਛਾਣ `ਤੇ ਹਮਲਾ ਹੈ। ਬੋਰੋਨੀਆ ਅਤੇ ਬੇਸਵਾਟਰ ਖੇਤਰਾਂ ਵਿੱਚ 4 ਘਟਨਾਵਾਂ ਇੱਕ ਦੂਜੇ ਨਾਲ ਜੁੜੀਆਂ ਹੋਈਆਂ ਹਨ : ਪੁਲਸ ਆਸਟ੍ਰੇਲੀਆਈ ਪੁਲਸ ਦੇ ਬੁਲਾਰੇ ਅਨੁਸਾਰ ਬੋਰੋਨੀਆ ਅਤੇ ਬੇਸਵਾਟਰ ਖੇਤਰਾਂ ਵਿੱਚ 4 ਘਟਨਾਵਾਂ ਇੱਕ ਦੂਜੇ ਨਾਲ ਜੁੜੀਆਂ ਹੋਈਆਂ ਹਨ, ਜਿਸ ਤਹਿਤ ਇੱਕ ਮੰਦਰ, ਦੋ ਰੈਸਟੋਰੈਂਟ ਅਤੇ ਇੱਕ ਇਲਾਜ ਕੇਂਦਰ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ । ਪੁਲਸ ਨੇ ਕਿਹਾ ਕਿ ਸਮਾਜ ਵਿੱਚ ਅਜਿਹੇ ਨਫ਼ਰਤ ਭਰੇ ਵਿਵਹਾਰ ਲਈ ਕੋਈ ਜਗ੍ਹਾ ਨਹੀਂ ਹੈ।
Related Post
Jasbeer Singh
(Chief Editor)
9815529139
