Crime
ਪੈਟਰੋਲ ਦੇ 250 ਰੁਪਏ ਦੀ ਮੰਗ ਕਰਨ 'ਤੇ ਨੌਜਵਾਨਾਂ ਨੇ ਨੌਜਵਾਨ ਨੂੰ ਲਗਾਈ ਅੱਗ
ਪੈਟਰੋਲ ਦੇ 250 ਰੁਪਏ ਦੀ ਮੰਗ ਕਰਨ 'ਤੇ ਨੌਜਵਾਨਾਂ ਨੇ ਨੌਜਵਾਨ ਨੂੰ ਲਗਾਈ ਅੱਗ
ਗਵਾਲੀਅਰ, 25 ਜੂਨ 2026 : ਭਾਰਤ ਦੇਸ ਦੇ ਸੂਬੇ ਮੱਧ ਪ੍ਰਦੇਸ਼ (Madhya Pradesh) ਦੇੇ ਸ਼ਹਿਰ ਗਵਾਲੀਅਰ ਵਿਖੇ ਤਿੰਨ ਨੌਜਵਾਨਾਂ ਵਲੋਂ ਇਕ ਨੌਜਵਾਨ ਨੂੰ ਪੈਟਰੋਲ ਦੇ ਪੈਸੇ ਮੰਗਣ ਤੇ ਅੱਗ ਲਗਾ (Set fire) ਦਿੱਤੀ ਗਈ ਹੈ ।
ਕੌਣ ਹੈ ਇਹ ਨੌਜਵਾਨ ਜਿਸਨੂੰ ਲਗਾ ਕੇ ਸਾੜ ਦਿੱਤਾ ਗਿਆ
ਮਿਲੀ ਜਾਣਕਾਰੀ ਅਨੁਸਾਰ ਗਵਾਲੀਅਰ ਸ਼ਹਿਰ ਦੇ ਥਾਟੀਪੁਰ ਇਲਾਕੇ ਵਿੱਚ ਸਿਰਫ਼ 250 ਰੁਪਏ ਦੇ ਭੁਗਤਾਨ ਨੂੰ ਲੈ ਕੇ ਹੋਏ ਵਿਵਾਦ ਨੇ ਉਸ ਸਮੇਂ ਖ਼ੌਫਨਾਕ ਰੂਪ ਧਾਰਨ ਕਰ ਲਿਆ ਜਦੋਂ ਪੈਟਰੋਲ ਵੇਚਣ ਵਾਲੇ ਇੱਕ ਨੌਜਵਾਨ `ਤੇ ਤਿੰਨ ਨੌਜਵਾਨਾਂ ਨੇ ਪਹਿਲਾਂ ਬੇਰਹਿਮੀ ਨਾਲ ਹਮਲਾ ਕੀਤਾ ਅਤੇ ਫਿਰ ਉਸ `ਤੇ ਪੈਟਰੋਲ ਪਾ ਕੇ ਜਿ਼ੰਦਾ ਸਾੜਨ (Burning alive) ਦੀ ਕੋਸਿ਼ਸ਼ ਕੀਤੀ । ਗੰਭੀਰ ਰੂਪ ਵਿੱਚ ਝੁਲਸਿਆ ਨੌਜਵਾਨ (Burnt youth) ਆਕਾਸ਼ ਹਸਪਤਾਲ ਵਿੱਚ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ ।
ਕੀ ਹੈ ਪੂਰਾ ਮਾਮਲਾ
ਪ੍ਰਾਪਤ ਜਾਣਕਾਰੀ ਮੁਤਾਬਕ ਹਜ਼ੀਰਾ ਥਾਣਾ ਖੇਤਰ ਦੀ ਪੀ. ਐਚ. ਈ. ਕਲੋਨੀ ਦਾ ਵਸਨੀਕ ਆਕਾਸ਼ ਸੇਂਗਰ ਥਾਟੀਪੁਰ ਚੌਕ ਸਥਿਤ ਆਟੋ ਸਟੈਂਡ `ਤੇ ਕੰਮ ਕਰਦਾ ਹੈ ਤੇ ਉਹ ਰਾਤ ਵੇਲੇ ਲੋੜਵੰਦਾਂ ਨੂੰ ਬੋਤਲਾਂ ਵਿੱਚ ਪੈਟਰੋਲ ਵੀ ਮੁਹੱਈਆ ਕਰਵਾਉਂਦਾ ਹੈ ਦੇ ਚਲਦਿਆਂ ਮੰਗਲਵਾਰ ਦੇਰ ਰਾਤ ਕਰੀਬ 12 ਵਜੇ ਅਨੁਲ ਉਰਫ਼ ਬਲੀ ਆਪਣੇ ਸਾਥੀਆਂ ਸਚਿਨ ਗੁਰਜਰ ਅਤੇ ਅਰਵਿੰਦ ਛਾਵਈ ਨਾਲ ਬਾਈਕ `ਤੇ ਉੱਥੇ ਪਹੁੰਚਿਆ ਅਤੇ ਪੈਟਰੋਲ ਮੰਗਿਆ । ਆਕਾਸ਼ ਨੇ ਉਨ੍ਹਾਂ ਨੂੰ ਪੈਟਰੋਲ ਨਾਲ ਭਰੀ ਬੋਤਲ ਦੇ ਦਿੱਤੀ ਪਰ ਜਦੋਂ ਉਸ ਨੇ ਇਸ ਦੇ ਬਦਲੇ 250 ਰੁਪਏ ਮੰਗੇ ਤਾਂ ਵਿਵਾਦ ਸ਼ੁਰੂ ਹੋ ਗਿਆ ।
250 ਦੀ ਥਾਂ 'ਤੇ ਪੈਟਰੋਲ ਲੈਣ ਵਾਲੇ ਸਿਰਫ਼ 100 ਰੁਪਏ ਦੀ ਗੱਲ ਆਖ ਰਹੇ ਸਨ
ਉਕਤ ਮੁਲਜ਼ਮਾਂ ਵਲੋਂ ਆਕਾਸ਼ ਨੂੰ ਉਸ ਵਲੋਂ ਦਿੱਤੇ ਪੈਟਰੋਲ ਦੇ ਬਣਦੇ 250 ਰੁਪਏ ਦੇਣ ਦੀ ਥਾਂ 'ਤੇ ਸਿਰਫ਼ 100 ਰੁਪਏ ਦੇਣ ਦੀ ਗੱਲ ਆਖੀ ਜਾ ਰਹੀ ਸੀ ਤੇ ਇਸੇ ਗੱਲ ਨੂੰ ਲੈ ਕੇ ਬਹਿਸ ਵੱਧ ਗਈ ਅਤੇ ਤਿੰਨਾਂ ਨੌਜਵਾਨਾਂ ਨੇ ਆਕਾਸ਼ ਨਾਲ ਕੁੱਟਮਾਰ (Beating) ਸ਼ੁਰੂ ਕਰ ਦਿੱਤੀ । ਇਸੇ ਦੌਰਾਨ ਮੁਲਜ਼ਮਾਂ ਨੇ ਆਕਾਸ਼ ਉੱਤੇ ਪੈਟਰੋਲ ਨਾਲ ਭਰੀ ਬੋਤਲ ਉਲਟਾ ਦਿੱਤੀ ਅਤੇ ਫਿਰ ਬਲਦੀ ਹੋਈ ਮਾਚਿਸ ਦੀ ਤੀਲੀ ਉਸ ਵੱਲ ਸੁੱਟ ਦਿੱਤੀ । ਕੁਝ ਹੀ ਪਲਾਂ ਵਿੱਚ ਨੌਜਵਾਨ ਅੱਗ ਦੀਆਂ ਲਪਟਾਂ ਵਿੱਚ ਘਿਰ ਗਿਆ । ਉਸ ਦੀਆਂ ਚੀਕਾਂ ਸੁਣ ਕੇ ਆਸ-ਪਾਸ ਦੇ ਲੋਕ ਮੌਕੇ `ਤੇ ਪਹੁੰਚ ਗਏ ਅਤੇ ਪਾਣੀ ਪਾ ਕੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ । ਬਾਅਦ ਵਿੱਚ ਉਸ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ।
ਪੁਲਸ ਨੇ ਤਿੰਨ ਵਿਚੋਂ ਦੋ ਨੂੰ ਕਰ ਲਿਆ ਹੈ ਗ੍ਰਿਫ਼ਤਾਰ
ਡਾਕਟਰਾਂ ਮੁਤਾਬਕ ਆਕਾਸ਼ ਦਾ ਸਰੀਰ ਕਰੀਬ 60 ਫ਼ੀਸਦੀ ਤੱਕ ਝੁਲਸ ਚੁੱਕਾ ਹੈ ਅਤੇ ਉਸ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ । ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਥਾਟੀਪੁਰ ਪੁਲਸ ਨੇ ਪੀੜ੍ਹਤ ਦੇ ਬਿਆਨ ਦਰਜ ਕਰਕੇ ਕਤਲ ਦੀ ਕੋਸਿ਼ਸ਼ ਦਾ ਮਾਮਲਾ ਦਰਜ (Case registered) ਕਰ ਲਿਆ ਹੈ । ਪੁਲਸ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਮੁਲਜ਼ਮ ਸਚਿਨ ਗੁਰਜਰ ਅਤੇ ਅਰਵਿੰਦ ਛਾਵਈ ਨੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਉਨ੍ਹਾਂ ਦਾ ਜਲੂਸ ਕੱਢਿਆ । ਪੁਲਸ ਦਾ ਕਹਿਣਾ ਹੈ ਕਿ ਫ਼ਰਾਰ ਤੀਜੇ ਮੁਲਜ਼ਮ ਨੂੰ ਵੀ ਜਲਦੀ ਹੀ ਗ੍ਰਿਫ਼ਤਾਰ (Arrested) ਕਰ ਲਿਆ ਜਾਵੇਗਾ ।
Related Post
Admin
(Chief Editor)
