ਨੇਪਾਲ `ਚ ਨਸ਼ੀਲੇ ਪਦਾਰਥਾਂ ਸਮੇਤ 2 ਭਾਰਤੀ ਗ੍ਰਿਫਤਾਰ

by Jasbeer Singh
December 26, 2025

ਨੇਪਾਲ `ਚ ਨਸ਼ੀਲੇ ਪਦਾਰਥਾਂ ਸਮੇਤ 2 ਭਾਰਤੀ ਗ੍ਰਿਫਤਾਰ ਕਾਠਮੰਡੂ, 26 ਦਸੰਬਰ 2025 : ਨੇਪਾਲ ਪੁਲਸ ਨੇ 2 ਵੱਖ-ਵੱਖ ਘਟਨਾਵਾਂ ਵਿਚ 4.3 ਕਿਲੋਗ੍ਰਾਮ ਕੋਕੀਨ ਬਰਾਮਦ ਕੀਤੀ ਹੈ ਅਤੇ 2 ਭਾਰਤੀਆਂ ਸਮੇਤ 3 ਵਿਦੇਸ਼ੀ ਨਾਗਰਿਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ । ਅਧਿਕਾਰੀਆਂ ਨੇ ਕੀ ਦੱਸਿਆ ਸਬੰਧਤ ਅਧਿਕਾਰੀਆਂ ਨੇ ਦੱਸਿਆ ਕਿ ਕੋਟੇਸਵਰ ਸਥਿਤ ਨਾਰਕੋਟਿਕਸ ਕੰਟਰੋਲ ਬਿਊਰੋ ਦੀ ਇਕ ਪੁਲਸ ਟੀਮ ਨੇ ਕਾਠਮੰਡ ਮੈਟਰੋਪੋਲੀਟਨ ਸਿਟੀ-9 ਦੇ ਸਿਨਾਮੰਗਲ ਖੇਤਰ ਤੋਂ ਇਨ੍ਹਾਂ ਵਿਦੇਸ਼ੀ ਨਾਗਰਿਕਾਂ ਨੂੰ ਗ੍ਰਿਫ਼ਤਾਰ ਕੀਤਾ, ਜੋ ਜੋ ਹਵਾਈ ਰਸਤੇ ਨੇਪਾਲ ਪਹੁੰਚੇ ਸਨ। ਉਨ੍ਹਾਂ ਕਿਹਾ ਕਿ ਪੁਲਸ ਨੇ 2 ਭਾਰਤੀਆਂ ਅਤੇ ਇਕ ਥਾਈ ਨਾਗਰਿਕ ਨੂੰ ਵੱਖ-ਵੱਖ ਨਸ਼ੀਲੇ ਪਦਾਰਥਾਂ ਦੀ ਸਮੱਗਲਿੰਗ ਦੇ ਮਾਮਲਿਆਂ ਵਿਚ ਗ੍ਰਿਫ਼ਤਾਰ ਕੀਤਾ ਹੈ । ਜਿਨ੍ਹਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਵਿਚ ਕੌਣ ਕੌਣ ਹਨ ਸ਼ਾਮਲ ਪੁਲਸ ਦੇ ਅਨੁਸਾਰ ਭਾਰਤੀ ਨਾਗਰਿਕਾਂ ਜ਼ੇਵੀਅਰ ਮੈਥਿਊ ਥਾਲੀਆਚੇਰੀ (55) ਅਤੇ ਮੁਰਸਾਲੇਨ ਹੁਸੈਨ (21) ਨੂੰ ਕਾਠਮੰਡ ਨੇੜੇ ਸਿਨਾਮੰਗਲ ਖੇਤਰ ਤੋਂ 3 ਕਿਲੋਗ੍ਰਾਮ (750 ਗ੍ਰਾਮ) ਕੋਕੀਨ ਨਾਲ ਗ੍ਰਿਫ਼ਤਾਰ ਕੀਤਾ ਗਿਆ ਹੈ । ਪੁਲਸ ਮੁਤਾਬਕ ਹੁਸੈਨ ਲਾਓਸ ਤੋਂ ਸਿੰਗਾਪੁਰ ਹੁੰਦਾ ਹੋਇਆ ਕਾਠਮੰਡ ਪਹੁੰਚਿਆ ਸੀ । ਪੁਲਸ ਮੁਤਾਬਕ ਇਕ ਹੋਰ ਘਟਨਾ ਵਿਚ ਥਾਈ ਨਾਗਰਿਕ ਰਸਾਨੀ ਕਾਮਾ (40) ਨੂੰ ਉਸਦੇ ਕੋਲੋਂ 550 ਗ੍ਰਾਮ ਕੋਕੀਨ ਬਰਾਮਦ ਹੋਣ ਤੋਂ ਬਾਅਦ ਗ੍ਰਿਫਤਾਰ ਕਰ ਲਿਆ ਗਿਆ । ਉਹ ਲਾਵੋਸ ਤੋਂ ਬੈਂਕਾਕ ਦੇ ਰਸਤੇ ਇਥੇ ਪਹੁੰਚੀ ਸੀ। ਪੁਲਸ ਨੇ ਉਸਦੇ ਕਮਰੇ `ਚੋਂ ਕੋਕੀਨ ਨਾਲ ਭਰੇ 12 ਕੈਪਸਲ ਬਰਾਮਦ ਕੀਤੇ ਹਨ ।