ਜੀਜੇ ਨੇ ਕੀਤੀ ਸਾਲੇ ਦੀ ਗਲਾ ਘੁਟ ਕੇ ਹੱਤਿਆ

by Jasbeer Singh
April 1, 2026

ਜੀਜੇ ਨੇ ਕੀਤੀ ਸਾਲੇ ਦੀ ਗਲਾ ਘੁਟ ਕੇ ਹੱਤਿਆ ਜਲੰਧਰ, 1 ਅਪ੍ਰੈਲ 2026 : ਪੰਜਾਬ ਦੇ ਸ਼ਹਿਰ ਜਲੰਧਰ ਦੇੇ ਪਿੰਡ ਪੰਡੋਰੀ ਵਿਖੇ ਜੀਜੇ ਵਲੋਂ ਆਪਣੇ ਹੀ ਸਾਲੇ ਦਾ ਗਲਾ ਘੁਟ ਕੇ ਕਤਲ ਕਰ ਦਿੱਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕੌਣ ਹੈ ਇਹ ਵਿਅਕਤੀ ਜਿਸਨੇ ਗਲਾ ਘੁਟ ਦਿੱਤਾ ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਦੇ ਸ਼ਹਿਰ ਜਲੰਧਰ ਦੇ ਪਿੰਡ ਪੰਡੋਰੀ ਵਿਖੇ ਜੋ ਇਕ ਰਿਸ਼ਤੇ ਵਿਚ ਜੀਜਾ ਲੱਗਦੇ ਵਿਅਕਤੀ ਵਲੋਂ ਆਪਣੇ ਸਾਲੇ ਦਾ ਕਿਸੇ ਛੋਟੀ ਜਿਹੀ ਗੱਲ ਨੂੰ ਲੈ ਕੇ ਗਲਾ ਘੁਟ ਕੇ ਕਤਲ ਕਰ ਦਿੱਤਾ ਗਿਆ ਹੈ ਦਾ ਨਾਮ ਰਾਜਾ ਰਾਮ ਦੇ ਤੌਰ ਤੇ ਹੋਈ ਹੈ ਤੇ ਉਹ ਜਿਲਾ ਪੂਨੀਆ ਬਿਹਾਰ ਦਾ ਰਹਿਣ ਵਾਲਾ ਹੈ। ਕਿਸ ਕਾਰਨ ਕੀਤਾ ਗਿਆ ਸਾਲੇ ਦਾ ਜੀਜੋ ਵਲੋਂ ਕਤਲ ਜਾਣਕਾਰੀ ਮੁਤਾਬਕ ਜਿਸ ਵਿਅਕਤੀ ਦੀ ਗਲਾ ਘੁਟ ਕੇ ਹੱਤਿਆ ਕੀਤੀ ਗਈ ਹੈ ਦਾ ਨਾਮ ਰਾਜਾ ਰਾਮ ਉਰਫ਼ ਰਾਜੂ ਹੈ ਤੇ ਉਸਦਾ ਪੰਜ ਮਹੀਨੇ ਪਹਿਲਾਂ ਹੀ ਵਿਆਹ ਨਿਸ਼ਾ ਨਾਲ ਹੋਇਆ ਸੀ ਤੇ ਰਾਜਾ ਰਾਮ ਜੋ ਕਿ ਨਿਸ਼ਾ ਦੀ ਮਾਸੀ ਦਾ ਲੜਕਾ ਹੈ ਵੀ ਪਰਿਵਾਰ ਸਮੇਤ ਪਿੰਡ ਪੰਡੋਰੀ ਵਿਚ ਹੀ ਰਹਿੰਦਾ ਸੀ। ਜਾਣਕਾਰੀ ਮੁਤਾਬਕ ਘਰ ਵਿਚ ਹੀ ਕਿਸੇ ਗੱਲ ਨੂੰ ਲੈ ਕੇ ਰਾਜਾ ਰਾਮ ਦੇ ਮਨ ਵਿਚ ਕੋਈ ਗੱਲ ਸੀ, ਜਿਸ ਦੇ ਚਲਦਿਆਂ ਉਸਨੇ ਰਾਤ ਨੂੰ ਸੌਂਦੇ ਵੇਲੇ ਰਾਜ ਕੁਮਾਰ ਉਰਫ ਰਾਜੂ ਦਾ ਗਲਾ ਘੁਟ ਦਿੱਤਾ, ਜਿਸ ਤੇ ਉਸਦੀ ਮੌਤ ਹੋ ਗਈ । ਘਟਨਾਕ੍ਰਮ ਹੁੰਦਾ ਦੇਖ ਦੇਖ ਲਿਆ ਸੀ ਬੱਚੇ ਨੇ ਸੂਚਨਾ ਮੁਤਾਬਕ ਜਿਸ ਵੇਲੇ ਰਾਜਾ ਰਾਮ ਵਲੋਂ ਰਾਜ ਕੁਮਾਰ ਉਰਫ਼ ਰਾਜੂ ਦਾ ਗਲਾ ਘੁਟਿਆ ਜਾ ਰਿਹਾ ਸੀ ਤਾਂ ਸਮੁੱਚੀ ਘਟਨਾ ਨੂੰ ਉਸ ਵੇਲੇ ਉਥੇ ਮੌਜੂਦ ਇਕ ਬੱਚੇ ਨੇ ਆਪਣੀਆਂ ਅੱਖਾਂ ਨਾਲ ਦੇਖ ਲਿਆ ਸੀ ਅਤੇ ਸਮੁੱਚੀ ਘਟਨਾ ਸਵੇਰ ਵੇਲੇ ਪਰਿਵਾਰ ਨੂੰ ਦੱਸ ਦਿੱਤੀ ਗਈ। ਜਿਸ ਤੇ ਪੁਲਸ ਨੂੰ ਦੱਸਿਆ ਗਿਆ ਅਤੇ ਪੁਲਸ ਵਲੋਂ ਪੀੜ੍ਹਤ ਪਰਿਵਾਰ ਦੇ ਬਿਆਨਾਂ ਦੇ ਆਧਾਰ ਤੇ ਕਤਲ ਕਰਨ ਵਾਲੇ ਨੂੰ ਗ੍ਰਿ਼ਫ਼ਤਾਰ ਕਰਕੇ ਕੇਸ ਦਰਜ ਕੀਤਾ ਗਿਆ। ਕੀ ਦੱਸਿਆ ਥਾਣਾ ਦੇ ਐਸ. ਐਚ. ਓ. ਨੇ ਥਾਣਾ ਸਦਰ ਦੇ ਐਸ. ਐਚ. ਓ. ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਲਾਸ਼ ਕਬਜੇ ਵਿਚ ਲੈ ਕੇ ਪੋਸਟਮਾਰਟਮ ਲਈ ਹਸਪਤਾਲ ਵਿਚ ਰੱਖਵਾ ਦਿੱਤੀ ਗਈ ਹੈ ਅਤੇ ਪੀੜ੍ਹਤ ਪਰਿਵਾਰ ਦੇ ਬਿਆਨ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।