ਥਾਣਾ ਘਨੌਰ ਪੁਲਸ ਨੇ ਕੀਤਾ ਛੇਵਿਅਕਤੀਆਂ ਵਿਰੁੱਧ ਪੋਲ ਚੋਰੀ ਕਰਨ ਅਤੇ ਫਸਲ ਖਰਾਬ ਕਰਨ ਦਾ ਕੇਸ ਦਰਜ

by Jasbeer Singh
July 29, 2024

ਥਾਣਾ ਘਨੌਰ ਪੁਲਸ ਨੇ ਕੀਤਾ ਛੇਵਿਅਕਤੀਆਂ ਵਿਰੁੱਧ ਪੋਲ ਚੋਰੀ ਕਰਨ ਅਤੇ ਫਸਲ ਖਰਾਬ ਕਰਨ ਦਾ ਕੇਸ ਦਰਜ ਘਨੌਰ, 29 ਜੁਲਾਈ () : ਥਾਣਾ ਘਨੌਰ ਦੀ ਪੁਲਸ ਨੇ ਸਿ਼ਕਾਇਤਕਰਤਾ ਸੁਖਦੇਵ ਸਿੰਘ ਪੁੱਤਰ ਤੇਲੂ ਰਾਮ ਵਾਸੀ ਸਾਹਿਬ ਨਗਰ ਥੇੜੀ ਪਟਿਆਲਾ ਦੀ ਸਿ਼ਕਾਇਤ ਦੇ ਆਧਾਰ ਤੇ ਛੇ ਵਿਅਕਤੀਆਂ ਵਿਰੁੱਧ ਧਾਰਾ 329 (3), 303 (2), 351 (2) ਬੀ. ਐਨ. ਐਸ. ਤਹਿਤ ਕੇਸ ਦਰਜ ਕੀਤਾ ਹੈ। ਜਿਹੜੇ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਸੁਖਚੈਨ ਸਿੰਘ, ਗੁਰਸੇਵਕ ਸਿੰਘ, ਨਰਿੰਦਰ ਸਿੰਘ ਪੁੱਤਰਾਨ ਰਾਮ ਕਰਨ, ਸੁਖਚੈਨ ਸਿੰਘ ਦੀ ਪਤਨੀ, , ਰਾਣੀ ਪਤਨੀ ਰਾਮ ਕਰਨ, ਸਰਬਜੀਤ ਕੋਰ ਪੁੱਤਰੀ ਰਾਮ ਕਰਨ ਵਾਸੀਆਨ ਪਿੰਡ ਹਰੀ ਮਾਜਰਾ ਸ਼ਾਮਲ ਹਨ।ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਸੁਖਦੇਵ ਸਿੰਘ ਨੇਦੱਸਿਆ ਕਿ ਉਸਦੀ ਜ਼ਮੀਨ ਪਿੰਡ ਹਰੀਮਾਜਰਾ ਵਿਖੇ ਹੈ ਅਤੇ ਉਸਨੇ ਆਪਣੀ ਜ਼ਮੀਨ ਦੇ ਚੁਫੇਰੇਓਂ ਸੀਮੇਂਟ ਦੇ ਪੋਲ ਗੱਢ ਕੇ ਕੰਢਿਆਲੀ ਤਾਰ ਲਗਾਈ ਹੋਈ ਸੀ ਤੇ 4 ਜੁਲਾਈ ਨੂੰ ਜਦੋਂ ਉਹ ਗੇੜਾ ਮਾਰਨ ਗਿਆ ਤਾਂ ਉਸਨੇ ਦੇਖਿਆ ਕਿ ਗੱਢੇ ਹੋਏ ਪੋਲ ਤਾਂ ਚੋਰੀ ਹੋਏ ਪਏ ਸਨ ਅਤੇ ਜ਼ਮੀਨ ਤੇ ਫਸਲ ਬੀਜੀ ਹੋਈ ਸੀ। ਜਾਂਚ ਕਰਨ ਤੇ ਪਤਾ ਲੱਗਿਆ ਕਿ ਉਪਰੋਕਤ ਵਿਅਕਤੀਆ ਨੇ ਅਜਿਹਾ ਕੀਤਾ ਹੈ।ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।